- 2 पतरस 3:15 - Bundeli Holy Bible

¹⁵ हमाए पिरभु यीशु के धीरज हां तारन समजो, जैसो हमाए प्यारे भईया पौलुस ने सोई ऊ समज के अनसार जौन ऊ ए मिली आय, तुम हां लिखो आय।

- 2 पतरस 3:15 ပူးပေါင်းရင်းမြစ်များ

- लूका 21:15

कायसे मैं तुम हां सोच और समज देंहों, कि तुमाए सबरे बिरोधी तुमाओ सामना या वादविवाद न कर सक हैं।

- प्रेरितन के काम 15:25

एक राय होकें, हम हां जौ साजो लगो, कि अपने प्यारे बरनाबास और पौलुस के संग्गै कछु जन हां चुनके, तुमाए ऐंगर पठैय।

- प्रेरितन के काम 7:10

और ऊहां ऊ की सबरी परेसानियों से छुड़ा के मिसर के राजा फिरौन के आंगू दया और बुद्धि से भर दओ, और ऊ ने ऊहां मिसर पे और अपने घर पर अधकारी ठैराओ।

- प्रेरितन के काम 9:17

तब हनन्याह उठ के ऊ घर में गओ, और ऊ पे अपनो हाथ धर के कओ, हे भाई शाऊ ल, पिरभु याने कि यीशु, जौन ऊ गैल में, जीसे तें आओ आय तोहां दिखाई दओ हतो, ओई ने मोय पठैओ आय, कि तें फिन के तकन लगै और पवित्तर आत्मा से भरपूर हो जाबै।

- रोमियों 2:4

का तें ऊ की किरपा, सहनशीलता, और धीरजरूपी मन हां नीचो समझत आय? और का जौ नईं जानत, कि परमेसुर की किरपा तोय हिया फिराबो सिखात आय।

- पैली कुरिन्थियों 12:8

कायसे एक हां आत्मा से समज की बातें दईं जात आंय; और दूजे हां ओई आत्मा से ज्ञान की बातें।

- पैली कुरिन्थियों 2:13

जिन हां हम मान्सन के सिखाए भई बातन में नईं, परन्त आत्मा के सिखाए भई बातों में, जाने कि आत्मिक सोच हां आत्मिक बातन में मिला के बताओ करत आंय।

- पैली कुरिन्थियों 3:10

परमेसुर की ऊ किरपा से, जौन मो पे भई, मैंने एक साजे कारीगर घांई नीं डाली आय, और दूसरो जनो चुनाई करत आय; परन्त हर एक मान्स हुंसयार रैबै, कि बो ऊ पे कैसी चुनाई करत आय।

- इफिसियों 3:3

जौ भेद मोहां जोत से मिलो, जैसो मैं पेंला थोड़े में लिख चुको आंव।

- 1 तीमुथियुस 1:16

मोपै प्रभु की दया ईसे भई, कि यीशु मसीह ने मोरे लाने धीरज धरो, कि जौन उनपै बिसवास करके हमेसा को जीवन पाबे, उनके लाने मैं जैसो पापी एक नमूना भओ।

- याकूब 1:5

जदि तुम में से कोई हां समज की घटी होबै, तो बो परमेसुर से मांगे, परमेसुर बिना कए सबई हां उदारता से देत आय; और बुद्धि समज ऊ ए दई जै है।

- याकूब 3:17

पर जौन समज ऊपर से आत आय, पेंला तो बा पवित्तर फिन मेल जोल धरबेवारी, नम्र मीठो बोल, दया, साजी साजी बातन से भरो भओ पिच्छदारी और कपट के बिना होत आय।

- 1 पतरस 3:20

जिन ने ऊ बीती बेरा में हुकम न मानो जब परमेसुर नूह के दिना में धीरज धर ठैरो रओ, और जहाज बन रओ हतो, जीमें बैठ के तनक जने, जाने कि आठ प्रानी पानू से बच गए।

- 2 पतरस 3:2

तुम उन बातन हां, जौन पवित्तर आगमवकतन ने पेंला से कई आंय और पिरभु, और तारन करबेवारे के ऊ हुकम हां सुमरन करो, जौन तुमाए चेलन के द्वारा दई गई हती।

- 2 पतरस 3:9

पिरभु अपने कौल के विषय में अबेर नईं करत, जैसो कि कितेक जनें समजत आंय; बो नईं चाहत कि कौनऊं मान्स नास होबे; परन्त जौ कि सबई हां हिया बदलबे कौ मौका मिले।