- 2 पतरस 2:2 - Bundeli Holy Bible

² बिलात जनें उन के घांई लुच्चपन कर हैं, जिन के काजें सत्त की गैल हां निंदरो जै है।

- 2 पतरस 2:2 ပူးပေါင်းရင်းမြစ်များ

- उत्पत्ति 19:5

और लूत हों टेरकें कैन लगे, “जो मान्‍स आज रात हों तोरे लिगां आएहें बे कितै आंय? उनहों हमाए लिगां बायरें ल्‍या कि हम उनसें भोग करें।”

- मत्ती 22:16

ई लाने उन ने अपने चेलन हां हेरोदियन के संग्गै ऊके ऐंगर जौ कहबे हां पठैव, कि हे गुरू; हम जानत आंय, कि तें सच्चो आय; और परमेसुर की गैल सच्चाई से सिखात आय; और कोऊ की परवाह नईं करत, कायसे तें मों हेरी बात नईं करत।

- मत्ती 24:24

कायसे लबरे मसीह और लबरे आगमवकता उठ ठांड़े हुईयें, और बड़े चिन्ह, और अचम्भे के काम दिखा हैं, इते लौ कि अगर उन कौ बस चलो तो चुने भयन हां भरमा दें हैं।

- मत्ती 7:14

कायसे सकरो आय बो फाटक और सकरी आय बो गैल जो जीवन की कोद लै जात आय, और तनकई आंय जो ऊमें पिड़ पात आंय।

- मरकुस 12:14

और उन ने आके ऊसे कओ; गुरूजी हम जानत आंय, कि तें सच्चो आय, और कोऊ की परवाह नईं करत; कायसे कितें मान्सन के मों देखी बातें नईं करत, बल्कि परमेसुर की गैल सच्चाई से बतात आय।

- मरकुस 13:22

कायसे झूठे मसीह और झूठे अगमवकता पनप जै हैं, और निसान और विचित्र काम दिखा हैं, कि अगर हो सके तो चुने भयन हां लौ भरमा दे।

- यूहन्‍ना 14:6

यीशु ने ऊसे कई, गैल, सत्य और जीवन मैं ही आंव; बिना मोरे कोऊ बाप के ऐंगर नईं जा पा है।

- प्रेरितन के काम 13:10

सबई छल और मूरखता से भरे हे शैतान की लड़ेर, तें जौन सब धर्मन कौ बैरी आय, का तें प्रभु की सूदी गैल हां टेड़ो करबो न छोड़ है?

- प्रेरितन के काम 14:2

पर जिन यहूदियन ने भरोसा नईं करो, उन ने गैर यहूदियन के मन हां उकसाव, और भाईयन के खिलाफ में कड़ुवाहट पैदा कर दई।

- प्रेरितन के काम 16:17

बो पौलुस और हमाए पाछें आके बेर बेर चिलाऊन लगी, जे मान्स परमप्रधान परमेसुर के भक्त आंय, जौन तुम हां उद्धार की गैल कौ सन्देस सुनात आंय।

- प्रेरितन के काम 18:26

बो प्रार्थनाघर में बिना भय के बोलन लगो, पर जब प्रिस्किल्ला और अक्विला ने ऊ की सुनी, तो उन ने ऊहां एक कोद लै जाके, परमेसुर की गैल के बारे में और भी सही सही समझाओ।

- प्रेरितन के काम 19:9

पर जब कछु लोगन ने कड़ो होकें ऊ की नईं मानी और भीड़ के आंगू ई धरम हां भलो बुरो कहन लगे, तो बो चेलन हां लैके उन से अलग हो गओ, और तुरन्नुस की पाठशाला में रोजीना बतकाव करत रओ।

- प्रेरितन के काम 22:4

मैंने ई धर्म हां इते लौ सताओ, की मान्सन और बईयर हां बांध बांध के जेलखाना में डाल दओ, और उनहां मरवा सोई डालो।

- प्रेरितन के काम 24:14

पर मैं तोरे आंगू जौ मान लेत आंव, की जी चाल हां जे बुरई चाल कहत आंय, ओई के अनसार मैं अपने पुरखन के परमेसुर कौ काज करत आंव: और जौन बातें रीत के अनसार आंय मानत हों, और जौन कछु आगमवक्तन के शास्त्रन में लिखी आंय, उन सब हां मानत हों।

- रोमियों 2:24

कायसे तुमाए काजें दूसरी जातवारन में परमेसुर के नाओं हां निंदरो जात आय, जैसो लिखो सोऊ आय।

- 1 तीमुथियुस 5:14

मैं जौ कैत आंव कि जुआन बिधवाएं ब्याओ करें; और लरका बिटिया जन के अपनो घर बार देखें, कि कोई उनहां भलो बुरो न कैबे।

- तीतुस 2:5

बे साजी, पतिविरता, घर को काम काज करबेवारी, साजी और अपने मुन्स की कई करबेवारी होबें, कि परमेसुर के बचन हां दूसरे जनें बुरओ न कैबें।

- तीतुस 2:8

तुमाई बातें खरी होबें, कि कोई उन हां बुरओ न कहबे; कि हमाए विरोधियन हां कोऊ ऐसो मौका न मिलै, और बे लजा जाबें।

- 1 पतरस 2:12

दूसरी जातन में तुमाओ चाल चलन सई रैबे; ई लाने कि जौन जौन बातन में बे तुम हां बुरए काम करबेवारो जान के बदनाम करत हते, बे तुमाए साजे कामन हां तक के; उनईं के काजें, दया किरपा के दिना परमेसुर की मईमां करें।

- 2 पतरस 2:12

परन्त जे मान्स बिना समजवारे जनावर घांई आंय, जौन पकड़े जाबे और नास होबे के लाने पैदा भए आंय; जिन बातन हां बे जानतई नईंयां, उन के लाने दूसरन हां बुरो भलो कैत आंय, बे अपनी सड़ाहट में खुद सड़ जें हैं।

- 2 पतरस 2:15

बे सूदी गैल हां छोड़ के भटक गए आंय, और बओर के पूत बिलाम की गैल पे चलत आंय; जीने अधरम की मजूरी हां प्यारो जानो हतो।

- 2 पतरस 2:18

बे बेकार की घमण्ड की बातें कर कर के ओछे कामन से, उन मान्सन हां देयां की अभलाखा में फंसा लेत आंय, जौन हिराए भए में से अबै कड़ई रए आंय।

- 2 पतरस 2:21

धरम की साजी गैल के न जानबे पे उन हां दई गई पवित्तर हुकम से फिर जाबे से भलो तो जौ होतो, कि बे ऊ ए न जानते, उन पे जा कहावत सई बैठत आय।

- 2 पतरस 2:7

और धरमी लूत हां जौन अधरमी जनों के बुरए चालचलन से बिलात दुखी हतो, छुटकारो दओ।

- यहूदा 1:10

जे जिन बातन को समझत नईंया, उन हां बुरो कैत आंय; और जिन हां दोस जैसो मानत आंय, उनसे अपने आप हां मानो मारत आंय।

- यहूदा 1:15

और बो सबरे मान्सन को न्याव कर है, और सब बुरे काम करबे और हमाए लाने बुरी बातें कैबे वारन हां दोषी ठहराएं।

- यहूदा 1:4

कायसे कछु जनें चुपके से हमाए संग्गै जुड़ गए आंय, जिन हां पैले से लिखो आय कि उन हां दण्ड दओ जाबै, कायसे बे सच्चे नईयां, और परमेसुर की दया हां छोड़ बुरय कामन में लगे रैत आंय, और हमाए महाबली मालक और पिरभु यीशु मसीह हां नईं मानत।

- यहूदा 1:7

जैसे सदोम और अमोरा और उनके ऐंगर के नगर, परमेसुर हां छोड़ के दूसरे हां मानन लगे हते और परतिरिया के पाछें पड़े हते, उन हां आग में बार दओ हम उन से सीख लेबें।

- यूहन्‍ना के दरसन कौ खुलासा 12:9

और बो बड़ो अजगर जो इबलीस और शैतान छलिया कहात आय, और सबरे संसार हां बहकाबे वालो आय, धरती पै ऊ को और ऊके दूतन हां गिरा दओ गओ।

- यूहन्‍ना के दरसन कौ खुलासा 13:14

जौ जनावर धरती पै रैबेवारन हां मूरख बनात हतो, और उन बेजा काम हां जौ ऊ जनावर के बल से करत हतो, और संसार के मान्सन से कैत हतो, कि बो जनावर जीहां घाव हो गओ हतो बो अच्छो हो गओ आय, सो तुम ऊ की मूरत बनाओ, और ऊ की पूजा करो।

- यूहन्‍ना के दरसन कौ खुलासा 13:8

और धरती के बे सब रैबेवारे जिन के नाओं ऊ मेमने की जीवन की पोथी में नईं गए, जो संसार की रचना की बेरा से घात भओ आय, ऊ जनावर की पूजा कर हैं।