- 2 पतरस 2:14 - Bundeli Holy Bible

¹⁴ उन की आंखें व्यभिचार से भरी आंय, बे अधरम करे बिना रै नईं सकत, बे चंचल मन वारन हां फुसला लेत आंय; उनके हिये लालच करबे की लत में पड़े आंय, बे सन्ताप के लरका बच्चा आंय।

- 2 पतरस 2:14 ပူးပေါင်းရင်းမြစ်များ

- मत्ती 12:34

हे सांप के बच्चो, तुम दुष्ट होत भए भी भली बातें कैसे कह सकत आव? कायसे, जौन मन में भरो आय, ओई मों पे आत है।

- मत्ती 23:14

हे ढोंगी शास्त्रियो और फरीसियो तुम पे श्राप! कायसे दिखाबे के लाने देरी लों प्रार्थना करत भए भी तुम बिधवाओं के घरन हां खा जात आव, ई लाने तुम हां भारी दण्ड मिल है।

- मत्ती 25:41

तब बो बांई कोद वारन से कै है, हे श्रापित लोगो, मोय से दूर होकें ऊ अनन्त आगी में जा पड़ो, जौन शैतान और ऊके दूतन के लाने तईयार करी गई आय।

- मत्ती 5:28

परन्त मैं तुम से कैत हों, कि जो मान्स कोनऊ बईयर हां बुरी नजर से हेरे समझो बो अपने मन में ऊसे ब्याभिचार कर चुको।

- मरकुस 13:22

कायसे झूठे मसीह और झूठे अगमवकता पनप जै हैं, और निसान और विचित्र काम दिखा हैं, कि अगर हो सके तो चुने भयन हां लौ भरमा दे।

- यूहन्‍ना 5:44

तुम कैसे भरोसा कर सकत आव, जब कि तुम खुद एक दूसरे से मान चाहत आव, और जौन मान अद्वैत परमेसुर की कोद से आय, ऊहां पाबो नईं चाहत?

- रोमियों 16:18

कायसे ऐसे मान्स हमाए पिरभु यीशु मसीह की नईं, पर अपने पेट की सेवा करत आंय; और चिकनी चुपड़ी बातन से सूदे सादे मन के मान्सन हां बहका देत आंय।

- पैली कुरिन्थियों 11:19

कायसे तुम में दलबन्दी जरूर से हुईये, ई लाने कि जौन मान्स तुम में से सांचे कड़े, बे उजागर हो जाबें।

- इफिसियों 2:3

पेंला हम सोई अपने मन की मरजी पै चलबेवारे हते, और मन की मरजी पूरी करत हते, हमाए काज नास होबे वारन जैसे हते।

- इफिसियों 4:14

कि हम आगे बच्चन घांई नईं रैबें, जौन मान्सन की ठगाई और चालाकी से उनके फंसाबे की चाल, और उनके कैबे से, एक एक बयार से उछाले, और इते उते घुमाए जात आंय।

- कुलुस्सियों 2:18

उन से धोका न खाईयो जौन ऐसे दिखात आंय कि बड़े कोंरे मन के आंय, जौन सरगदूतन की पूजा करत आंय परन्त तुम हां ऊ इनाम से जौन तुम हां मिलो चईये ऊ में बिलोरा डालत आंय। ऐसो मान्स बेसमझी की बातें करत आय और स्वारथी आय।

- याकूब 1:8

बो मान्स दुचित्ता आय, और अपनी सबरी बातन में चंचल आय।

- 2 पतरस 2:18

बे बेकार की घमण्ड की बातें कर कर के ओछे कामन से, उन मान्सन हां देयां की अभलाखा में फंसा लेत आंय, जौन हिराए भए में से अबै कड़ई रए आंय।

- 2 पतरस 2:3

बे लालच में आके लबरी बातें बना हैं और तुम हां अपने फायदा कौ कारन बना हैं, दण्ड़ कौ हुकम जो उन पे पेंला से हो चुको आय, और ऊके आबे में देर नईंयां, उन कौ नास झट्टई होबेवारो आय।

- 2 पतरस 3:16

ऊ ने अपनी सबरी चिठियन में सोई इन बातन कौ बयान करो आय उन में कछु बातें ऐसी आंय, जिन कौ समजबौ कठन आय, मूरख और चंचल मान्स उन के मतलब को पवित्तर पोथी की और बातन की भांत ऐंचतान के अपने ई नास कौ काज बनात आंय।

- 1 यूहन्‍ना 2:16

कायसे जो कछु संसार में आय, जानो कि मान्स की अभलाखा, आंखन की अभलाखा, और अपनी कमाई पै घमण्ड, जे सबरी बातें परमेसुर के मन की नईंयां, परन्त संसार की बातें आंय।

- यहूदा 1:11

उन पे श्राप पड़े, कायसे बे कैन जैसी चाल चले, और तनक से पईसन के लाने बिलाम जैसे कुटे भए, और कोरह के जैसो बिरोध करके मारे गए।

- यूहन्‍ना के दरसन कौ खुलासा 12:9

और बो बड़ो अजगर जो इबलीस और शैतान छलिया कहात आय, और सबरे संसार हां बहकाबे वालो आय, धरती पै ऊ को और ऊके दूतन हां गिरा दओ गओ।