- 2 पतरस 2:10 - Bundeli Holy Bible

¹⁰ सब से बढ़ के उन हां जौन बुरई बासनाओं के बस में होकें देयां के अनसार निंगत, और पिरभु के राज हां ओछो जानत आंय; बे ढीठ, और हठी आंय, और ऊंचे पद वारन हां बुरो भलो कैबे से नईं डरात।

- 2 पतरस 2:10 ပူးပေါင်းရင်းမြစ်များ

- उत्पत्ति 49:6

हे मोरे मन, उनकी सलाह नें मान, हे मोरी मईमा, उनकी सभा में नें मिल; कायसे उनोंरन ने गुस्‍सा होकें मान्‍सन हों मार डालो, और अपनी इच्‍छा पै चलकें बैलों हों लूलो कर दओ आय।

- लूका 11:25

और आन के उए साफ सुथरो सजो सजाओ पात आय।

- लूका 19:14

पर ऊके नगर के रैबेवारे ऊसे जलत हते, और ऊके पांछू दूतन के द्वारा कहबे पठैओ, कि हम नईं चाहत, कि जौ हम पे राज करे।

- प्रेरितन के काम 23:5

ईपे पौलुस ने कई; भईया हरौ, मोय नईं मालूम हतो, की जौ महापुरोहित आय; कायसे लिखो आय, तें अपने लोग के हाकिमन हां बुरो नईं कहियो।

- रोमियों 8:1

सो अब जौन मसीह यीशु में आंय, उन पे दण्ड कौ हुकम नईंयां: कायसे बे देयां के अनसार नईं पर आत्मा के अनसार चलत आंय।

- पैली कुरिन्थियों 6:9

का तुम हां पता नईंयां, कि जौन न्याव बिलोरत आंय बे परमेसुर के राज में न जा पा हैं? ई धोखे में न रईयो, न बेश्या से संगतवारे, न मूर्ती पूजा करबेवारे, न दूसरे की तिरिया से संगत करबेवारे, न लुच्चे, न लुगुवा लुगुवा से संगत करबेवारे।

- दूसरी कुरिन्थियों 10:3

हम सरीर में तो चलत फिरत आंय, अकेले सरीर जैसो न्याव नईं करत।

- इफिसियों 4:19

उन हां अब कछु पता नईं पड़त, और बे बुरय काम करत आंय, और सबरे गन्दे काम मन से करत आंय।

- इफिसियों 5:5

कायसे तुम हां पता आय, कि कोऊ परतिरिया संगत करबेवारो, कि गन्दो मान्स, और लोभी मान्स, जौन मूरतें पूजा करबेवारे जैसो आय, मसीह और परमेसुर के राज्य में हींसा न हुईये।

- कुलुस्सियों 3:5

सो अब अपनी देह की अभलाखा हां पूरो न करो, परतिरिया संगत करबे की अभलाखा और गन्दे काम, बुरय विचार, और दूसरन की बस्तन को लालच न करो, कायसे जे सब मूरत की पूजा जैसे आंय।

- 1 थिस्सलुनीकियों 4:7

कायसे परमेसुर जौ चाहत आय, हम बुरय काम न करें परन्त साजे बने रैबें।

- 2 तीमुथियुस 3:2

कायसे मान्स स्वार्थी, लोभी, डींग माबेवारो, बुराई करबेवारो, और मताई बाप की कई नईं करबेवारो, और बुरओ हुईये।

- तीतुस 1:7

कायसे मुखिया हां परमेसुर के काम करने आंय; बो बिनखोट, हटी और खुन्सयाबेवारो, न पीबेवारो और न मारपीट करबेवारो और घूस लैबेवारो न होबै।

- इब्रानियों 13:4

ब्याव हां आदर की बात सोचो, और ब्याव में अपनी संग्गी हां धोखो न दईयो; कायसे एक दिना परमेसुर परतिरिया संगत करबेवारन को न्याय कर हैं।

- 2 पतरस 3:3

और पेंला तुम जौ जान लेओ, कि अखीर के दिना में ठट्ठा उड़ाबेवारे आ हैं, जौन अपनी अभलाखा के अनसार चल हैं।

- यहूदा 1:10

जे जिन बातन को समझत नईंया, उन हां बुरो कैत आंय; और जिन हां दोस जैसो मानत आंय, उनसे अपने आप हां मानो मारत आंय।

- यहूदा 1:16

इनहां कोऊ बात में संतोस नईंयां, जे कुड़कुड़ात, और अपनी बुरई मन्सा से काम करत आंय; और बिलात बड़वाई की बातें करत आंय; और फायदे के लाने मों पै मान्सन की बड़वाई करत आंय।

- यहूदा 1:18

बे कहत हते, कि आबेवारे दिना मैं ऐसे मान्स हुईयें जौन धरम की गैल न चल हैं, परन्त धरम की बातन की हंसी कर हैं।

- यहूदा 1:4

कायसे कछु जनें चुपके से हमाए संग्गै जुड़ गए आंय, जिन हां पैले से लिखो आय कि उन हां दण्ड दओ जाबै, कायसे बे सच्चे नईयां, और परमेसुर की दया हां छोड़ बुरय कामन में लगे रैत आंय, और हमाए महाबली मालक और पिरभु यीशु मसीह हां नईं मानत।