- 2 पतरस 1:9 - Bundeli Holy Bible

⁹ जीमें जे बातें नईयां, ऊ धुंधलो तकत आय, और अन्धरो आय, बो बिसर बैठो आय कि बो अब अपने पेंला के अधरम से धुल के सुद्ध हो चुको आय।

- 2 पतरस 1:9 ပူးပေါင်းရင်းမြစ်များ

- मरकुस 10:21

यीशु ने ऊ पै नजर कर के ऊसे प्रेम करो, और ऊसे कओ, तो में एक बात की कमी आय; जा, जो कछु तोरो आय, ऊहां बेंच के कंगालन हां दे, और तोहां सरग में धन मिल है, और आके मोरे पांछू हो ले।

- लूका 18:22

जौ सुन, यीशु ने ऊसे कओ, तो में अब भी एक बात की घटी आय, अपनो सब कछु बेंच के गरीब गुरवन हां बांट दे; और तोहां सरग में धन मिल है, और आके मोरे पांछू हो ले।

- रोमियों 6:11

ऊं सई तुम सोई अपने आप हां पाप के लाने तो मरो, परन्त परमेसुर के लाने मसीह यीशु में जीयत समजो।

- गलतियों 5:13

भईया हरौ, तुम छुट्टा होबे हां बुलाए गए आव अकेले ऐसो न होबै, कि जो छुट्टा होबो मनमानी हां छू ट दैबे, अकेले प्रेम से एक दूजे की सेवा करो।

- गलतियों 5:6

मसीह यीशु में न खतनावारो और न बिना खतनावारो कछु काम के आंय, अकेले जौन प्रेम से काम करत आय।

- इफिसियों 5:26

उन ने अपने बचन से मण्डली हां पवित्तर करो और ऊहां बचन के जल से स्नान करा के पवित्तर करो।

- तीतुस 2:14

उन ने अपने आप अपनो बलदान करो, कि हम हां सबरे पापन से दूर करबें, और हम हां साजो कर के ऐसे बनाबें जौन धरम के काज में लगे होबें।

- इब्रानियों 9:14

तो पिरभू यीशु मसीह को रकत जौन बिलकुल बिन पाप हते, परमेसुर के सामूं निषपाप बलदान चढाओ, तो बो तुम हां बुरय काज से पूरे मन से काय न पवित्तर कर है, कि तुम जीयत परमेसुर की सेवा करो।

- 1 पतरस 3:21

और ओई पानू की कनौत सोई, जाने कि बपतिस्मा, यीशु मसीह के जी उठबे से, अब तुम हां बचात आय; (ऊसे देयां कौ मैल हटाबे को मतलब नईंयां, पर सुद्ध विवेक से परमेसुर के बस में हो जाबे कौ मतलब आय)।

- 1 यूहन्‍ना 1:7

जैसे बे ज्योत में रैत आंय, ऊंसई हम सोई ज्योत में चलबें, तो हम एक दूजे से मिलके रैबें; और पिरभु यीशु मसीह के रक्त के जस से हमाए पाप कट जै हैं।

- यूहन्‍ना के दरसन कौ खुलासा 3:17

तें जो कैत आय, कि मैं बड़ो धनी आंव, और धनवालो हो गओ आंव, और मोहां कोनऊ बस्त की कमी नईंयां, और जौ नईं जानत, कि तें अभागा और तुच्छ और कंगाल और अन्धरा और नंगो आय।