- 2 पतरस 1:6 - Bundeli Holy Bible

⁶ समज पे संयम, संयम पे धीरज, और धीरज पे भक्ति।

- 2 पतरस 1:6 ပူးပေါင်းရင်းမြစ်များ

- उत्पत्ति 5:24

हनोक यहोवा परमेसुर के संगै-संगै चलत हतो; फिन ऊ लोप हो गओ कायसे यहोवा परमेसुर ने ऊहों उठा लओ।

- लूका 21:19

अपने धीरज से तुम अपने प्राण हां बचाए रख हौ।

- लूका 8:15

पर साजे खेत के बे आंय, जौन बचन सुनके भले और अच्छे हिये में संभालें रैत आंय, और धीरज से फल लात आंय।

- प्रेरितन के काम 24:25

अब बो धर्म की और आबेवाले न्याव की बतकाव कर रओ हतो, तो फेलिक्स ने डरा के कई, ई बेरा तो तें जा, बेरा मिलबे पे मैं तोय फिन टेर हों।

- रोमियों 15:4

जितेक बातें पेंला से लिखी गईं, बे हमाई सीख के लाने लिखी गईं, कि हम धीरज और पवित्तर पोथी की सान्ति के द्वारा आसा धरें।

- रोमियों 2:7

जौन साजे काम कर के मईमा, और आदर, और अमरता की खोज में आंय, उन हां बो अनन्त जीवन दै है।

- रोमियों 8:25

परन्त जौन बस्त हां हम नईं तकत आंय, जदि ऊ की आसा करत आंय, तो हिये हां दिलासा दे ऊ की बाट देखत आंय।

- पैली कुरिन्थियों 9:25

और सबरे पैलवान सबई परकार कौ संयम करत आंय, बे तो नास होबेवारे मुकट को पाबे के लाने जौ सब करत आंय, परन्त हम तो ऊ मुकट के लाने करत आंय, जौन नास न हुईय।

- दूसरी कुरिन्थियों 6:4

अकेले एक एक बात में परमेसुर के चाकर जैसो अपनो अच्छो जीवन जीयत आंय, बड़े धीरज से, पिराते में, कंगाली में, परेसानी में।

- गलतियों 5:23

दया, भलो करबो, बिसवास, नम्रता और कायदे से रैबो आय; ऐसे कामन से उलटो कोऊ नैम नईंयां।

- कुलुस्सियों 1:11

और उनके जस के जोर से और सबरी बात में बढ़त जाओ, इते लौ कि मजे से धीरज करके सैबेवारोपन राखो।

- 1 थिस्सलुनीकियों 1:3

हम हमेसा परमेसुर के सामूं तुमाए बिसवास से करे काम, और सेवा जौन प्रेम से करी आय, और यीशु मसीह में हमाई जौन आस आय ऊहां याद करत आंय।

- 2 थिस्सलुनीकियों 1:4

हम तुमाए लाने परमेसुर की मण्डली में बड़वाई करत आंय, कि जितेक दुख तुम सहत आव, उन से तुमाओ बिसवास और धीरज दिखात आय।

- 2 थिस्सलुनीकियों 3:5

अब तुमाए मन हां परमेसुर ने जौन प्रेम करो आय, और यीशु मसीह ने तुमाए लाने धीरत धरो ऊहां बनाए रएं।

- 1 तीमुथियुस 2:10

कायसे परमेसुर को भजन भक्ति करबेवारी बईयरन हां जौई अच्छो लगत आय।

- 1 तीमुथियुस 2:2

राजन और सबरे जौन ऊंचे पदवारे आंय कि बे भजन भक्ति के साथ अपनो जीवन संभल के जीएं।

- 1 तीमुथियुस 3:16

धरम को भेद बड़ो आय ईको ध्यान धरियो; बो सरीर में होकें संसार में आओ जा बात आत्मा ने बताई, और सरगदूतन ने संसार मैं ईको परचार करो, मान्सन ने ऊ पै बिसवास करो और बो सरग पै उठा लओ गओ।

- 1 तीमुथियुस 6:11

पर हे परमेसुर के जन, तें इन बातन से भाग; और धरम, भक्ति, बिसवास, प्रेम, धीरज और नम्रता कौ पीछा कर।

- 1 तीमुथियुस 6:3

जदि कोऊ और परकार कौ उपदेस देत आय; और साजी बातन हां, माने हमाए पिरभू यीशु मसीह की बातन को और ऊ उपदेस को नईं मानत, जो भक्ति के अनसार आय।

- 1 तीमुथियुस 6:6

पर संतोस के संग्गै भक्ति बड़ी कमाई आय।

- 2 तीमुथियुस 3:5

बे भगत जैसे तो लग हैं, परन्त उनके जस हां न मान हैं; ऐसे जन से दूरई रईयो।

- तीतुस 1:1

पौलुस ने लिखी जा चिठिया जौन परमेसुर को चाकर और यीशु मसीह कौ प्रेरित आय, जीहां परमेसुर नबेरे जनन के बिसवास, और जीने सांची बातन हां चीनो आय।

- तीतुस 1:8

बो पहुनाई करबेवारो, और दूसरन कौ भलो करबेवारो, अपने बस में रैबेवारो, न्याय करबेवारो, पवित्तर और अपनी इन्द्रियन हां बस में रखबेवारो होबै।

- तीतुस 2:2

सियाने जनें समझदार रएं, और उनको धरो भओ बिसवास प्रेम और सैबे कौ मन होबै।

- इब्रानियों 10:36

धीरज धरबो सीखो कि तुम परमेसुर हां खुस राखो, और ध्यान धरो कि पिरभू से तुम हां ईको बड़ो फल मिल है।

- इब्रानियों 12:1

ई लाने जब इतने सबरे जनों की गवाह हम जानत आंय, तो अब सबरी रोकबेवारी बस्तन और उलझाबेवारे पाप और बुरई बातन हां छोड़ के, जैसी दौड़ हम हां दौड़ने आय ऊहां संभल के दौड़ें।

- इब्रानियों 6:12

सो आलसी न बनो; परन्त अपने बिसवास में बने रओ, और जब लौ परमेसुर ने उन हां बे बातें न दईं जी की उन ने कई हती धीरज धरो।

- इब्रानियों 6:15

परन्त अब्राहीम ने धीरज धरो जब लौ जौन परमेसुर ने ऊसे कई हती पूरी न भई।

- 2 पतरस 1:3

ओई परमेसुर की बलसकती ने सबई कछु जौन जीवन और भक्ती से समबन्ध राखत आय, हम हां ओई की पैचान से दओ आय, जीने हम हां अपनी मईमां और साजे गुनो के अनसार बुलाओ आय।

- 2 पतरस 3:11

जब जे सबई बस्तें, ई भांत से नास होबेवारी आंय, तो तुम हां पवित्तर चालचलन और भक्ती में कैसो जीवन गुजारो चईये।

- यूहन्‍ना के दरसन कौ खुलासा 1:9

मैं यूहन्ना जौन तुमाओ भईया, और यीशु मसीह के लाने मैंने जौन दुख तुमाए संग्गै सहो आय, और परमेसुर कौ बचन, और यीशु की गवाही के कारन पतमुस टापू में हतो।

- यूहन्‍ना के दरसन कौ खुलासा 13:10

जिन हां कैद होबे हां आय, बे जेहल में जै हैं, जौन हां तलवार से मारो जाने आय, बे तलवार से मारे जै हैं, ऐसे में परमेसुर के लोगन हां बिसवास और धीरज धरबे कौ आय।

- यूहन्‍ना के दरसन कौ खुलासा 14:12

पवित्र लोकन कौ धीरज ऐई में आय, जो परमेसुर की सीख मानत और पिरभु यीशु मसीह पै बिसवास रखत आंय।

- यूहन्‍ना के दरसन कौ खुलासा 2:2

कि तोरे कामन हां, और पूरी मेहनत, और तोरो धीरज जानत आंव; और जौ भी कि तें बुरय लोगन हां नईं चाहत; और जौन अपने आप हां प्रेरित कहत आंय, पर हैं नईंयां, उन हां तेंने परख के लबरा पाओ।