- 2 पतरस 1:3 - Bundeli Holy Bible

³ ओई परमेसुर की बलसकती ने सबई कछु जौन जीवन और भक्ती से समबन्ध राखत आय, हम हां ओई की पैचान से दओ आय, जीने हम हां अपनी मईमां और साजे गुनो के अनसार बुलाओ आय।

- 2 पतरस 1:3 ပူးပေါင်းရင်းမြစ်များ

- मत्ती 28:18

तब यीशु ने उन के ऐंगर आके कई, कि सरग और धरती कौ पूरो अधकार मोय दओ गओ आय।

- रोमियों 8:32

जीने अपने निज पुत्तर हां सोई न रख छोड़ो, पर उए हम सब के लाने दे दओ: बो ऊके संग्गै हम हां और सबई कछु काय न दै है।

- रोमियों 9:24

जाने कि हम पे जिन हां ऊ ने अकेले यहूदियन में से नईं, पर दूसरी जातन में से सोई बुलाओ।

- पैली कुरिन्थियों 1:9

परमेसुर बिसवास जोग आय; जीसे तुम उनके लरका हमाए पिरभु यीशु मसीह की संगत में बुलाए गए आव।

- दूसरी कुरिन्थियों 12:9

और उन ने मोसे कई, मोरी दया तोपे बिलात आय; कायसे मोरी बल कमजोरी में दिखात आय; ईसे मैं बड़े मजे से अपनी कमजोरियन पे बड़वाई कर हों, कि मसीह को जोर मोरे ऊ परै छाओ रए।

- इफिसियों 4:1

मैं जौन पिरभू में बंधुआ आंव तुम से बिन्तवाई करत आंव, कि जी काजें तुमाओ बुलऊ आ भओ आय, ऊ की जैसी चाल चलो।

- इफिसियों 4:4

एकई देह आय, और एकई आत्मा; जैसे तुम हां जौन नेवता मिलो हतो अपने बुलाए जैबे से एकई आसा आय।

- फिलिप्पियों 3:8

और पिरभू के जस और मान की बड़ी बातन हां पाके मैंने और सबरी बातन हां छोड़ दओ, पिरभू हां पाके मैंने दूसरी सबरी बातें छोड़ दईं, बे मोरे लाने कूड़ा घांई आंय।

- फिलिप्पियों 4:8

सो भईया हरौ, जौन बातें सांची आंय, और जौन साजी आंय, जौन पवित्तर और अच्छी आंय, और मन हां भाती आंय, सो जौन बातें कहबे लाक होबें, उनईं पै ध्यान धरो।

- कुलुस्सियों 1:16

उनईं ने सबरे संसार हां बनाओ, सरग में की और धरती मैं की जौन बस्तें दिखात आंय, और जौन नईं दिखात आंय, राज और जो अधकार करत आंय सांचई उनके लाने रचो आय।

- 1 थिस्सलुनीकियों 2:12

कि तुमाओ जीवन जैसो परमेसुर चाहत आय ऊं सो होबै, जीने तुम हां अपने राज में बुलाओ आय।

- 1 थिस्सलुनीकियों 4:7

कायसे परमेसुर जौ चाहत आय, हम बुरय काम न करें परन्त साजे बने रैबें।

- 2 थिस्सलुनीकियों 2:14

उन ने तुम हां हमाए बचन सुनाबे से अपने लौ बुलाओ, कि तुम हमाए पिरभू यीशु मसीह, बो जौन मान सम्मान दओ गओ आय ऊ में हम सोई जुड़ जाबें।

- 1 तीमुथियुस 4:8

कायसे दैहिक कसरत ज्यादा फायदा नईं करत आय, परन्त भक्ति सबरी बातन में फायदे की होत आय, ई बेरा में, और आबेवारे दिना में सोई।

- 2 तीमुथियुस 1:9

जीने हमाओ तरन तारन करो, और हम हां अपनौ बना लओ, जौ हमाए पुण्य के कामन से नईंयां; परन्त परमेसुर की दया से भओ आय।

- इब्रानियों 1:3

पुत्तर परमेसुर पिता की जस की जोत और उनके जैसो आय, और बेई अपने बल से धरती हां संभाले आंय: बे मान्सन के पापन हां धोके परमेसुर महान के दाएं हाथ पै जा बैठे।

- 1 पतरस 1:15

पर जैसो तुमाओ बुलाबेवारो पवित्तर आय, ऊं सई तुम सोई अपने सबरे चाल चलन में पवित्तर बनो।

- 1 पतरस 1:5

जी की रक्षा परमेसुर की सकती से, बिसवास से ऊ तारण के लाने, जौन आबेवारे टैम में उजागर होबेवारी आय, करी जात आय।

- 1 पतरस 2:21

और तुम ऐई के लाने बुलाए सोई गए आव, कायसे मसीह सोई तुमाए लाने पीड़ा झेल के, तुम हां एक आदर्श दे गओ आय, कि तुम सोई उन के चिन्न पे निंगो।

- 1 पतरस 2:9

पर तुम एक नबेरो भओ वंस, और राजपद अधकारी, याजकन कौ समाज, और पवित्तर लोग, और पवित्तर मान्स और परमेसुर की निज परजा आव, ई लाने कि जीने तुम हां अंधयारे में से अपनी जोत में बुलाओ आय, ऊके गुण परगट करो।

- 1 पतरस 3:9

बुराई के बदले बुराई न करो; और न गाली के बदले गाली दो; पर ईके उलटे आसीस दो: कायसे तुम आसीस के वारस होबे के लाने बुलाए गए आव।

- 1 पतरस 5:10

अब परमेसुर जौन सबरी दया कौ दाता आय, जीने तुम हां मसीह में अपनी सदा की मईमा के लाने बुलाओ आय, तुमाए तनक बेरा लौ पीड़ा उठाबे के पाछें खुद तुम हां सिद्ध, पक्को, सकतीवान और पक्को कर है।

- 2 पतरस 1:10

ई काजें हे भईया हरौ, अपने बुलाए जाबे, और नबेरे जाबे हां पक्को करबे हां और अधक जतन करत जाओ, जदि तुम ऐसो करत हौ, तो कभऊं ठोकर न खा हौ।

- 2 पतरस 1:2

परमेसुर के और हमाए पिरभु यीशु की पैचान के द्वारा, तुम में दया और सान्ति बिलात बढ़त जाबै।

- 2 पतरस 1:5

ऐई काजें तुम सबई भांत कौ जतन करके, अपने बिसवास पे साजो गुन, साजे गुन पे समज।

- 2 पतरस 1:6

समज पे संयम, संयम पे धीरज, और धीरज पे भक्ति।

- 2 पतरस 1:8

जदि जे बातें तुम में रैबें, और बढ़त जाबें, तो तुम हां पिरभु यीशु हां पैचानबे में निकम्में और निष्फल न होन दै है।

- 2 पतरस 2:20

जब बे पिरभु और तारन करबेवारे यीशु मसीह की पैचान द्वारा संसार की कुल भांत की सड़ाहट से बच कड़े, और फिन उन में फंस के हार गए, तो उन की पाछें की हालत पेंला से बुरई होत आय।

- 2 पतरस 3:18

परन्त हमाए पिरभु, और तारन करबेवारे यीशु मसीह के अनुग्रह और सान्ति में बढ़त जाओ।