- 2 यूहन्‍ना 1:9 - Bundeli Holy Bible

⁹ जौन आगे हां यीशु मसीह की सीख पै नईं चलत, मानो ऊ लौ परमेसुर नईंयां, परन्त जौन उनकी सीख पै चलत आंय, बौ मानो परमेसुर पिता और उनके बेटा यीशु मसीह में पक्को बनो रैत आय।

- 2 यूहन्‍ना 1:9 ပူးပေါင်းရင်းမြစ်များ

- मत्ती 11:27

मोरे बाप ने मोय सब कछु सौंपो आय, और अकेले पूत हां कोऊ नईं चीनत, अकेले बाप; और कोऊ बाप हां नईं चीनत, अकेले पूत; यानि ओई जीए पूत ऊहां दरसाओ चाहत आय।

- लूका 10:22

मोरे बाप ने मोय सब कछु दे दओ आय और कोऊ नईं जानत पूत को आय पर बाप जानत आय और बाप को आय कोऊ नई जानत, बस पूत जानत आय, और बो जीपे पूत ऊहां पांछू उजागर करो चाए।

- यूहन्‍ना 14:6

यीशु ने ऊसे कई, गैल, सत्य और जीवन मैं ही आंव; बिना मोरे कोऊ बाप के ऐंगर नईं जा पा है।

- यूहन्‍ना 15:6

जदि कोई मोय में बनो नईं रै है, तो बो डाली की घांईं मेंक दओ जै है, और सूख जै है; और मान्स ऊहां जमा करके आगी में बार दें हैं, और बे बर जै हैं।

- यूहन्‍ना 5:23

कि सब लोग पूत कौ वैसई मान करें, जैसो की बाप कौ मान करत आंय, जौन पूत को मान नईं करत, बो बाप को भी मान नईं करत, जीने ऊहां पठैव।

- यूहन्‍ना 8:31

तब यीशु ने उन यहूदियन से जिन ने ऊ पे भरोसा करो हतो, कहन लगे, जदि तुम मोरे कहबे जैसो कर हौ, तो सांची में मोरे चेले कहा हौ।

- प्रेरितन के काम 2:42

और बे प्रेरितन से शिक्षा पाबे, और संगति रखबे में और रोटी तोड़बे में और बिनती करबे में लगे रएं।

- कुलुस्सियों 3:16

यीशु मसीह के बचन हां अपने हिये में बसा लेओ; और दूसरन हां पूरे ज्ञान से सिखाओ, और चिताओ, और परमेसुर हां धन्न मानो, और अपने से परमेसुर के भजन गाओ और उन हां धन्न कहो।

- तीतुस 2:10

चोरी भड़याई न करें; परन्त सबरी बातन में सांचे बिसवास करबेवारे बनें, इन सबरी बातन हां मानबे से हमाए तरन तारन करबेवारे परमेसुर के बचन हां और उजागर करें।

- इब्रानियों 3:14

जब से हम ने पिरभू यीशु मसीह से मन लगाओ, उनईं बातन पै बने रओ चईये।

- इब्रानियों 6:1

सो अब हमें समझवारो हो जाओ चईये, जौन पिरभू मसीह की पेंला की बातें नईं, परन्त बड़े हो जाबो चईये, कि समझें कि हम ने कैसे अपने बुरय कामन हां छोड़ के अपनो चित्त परमेसुर की बातन पै लगाओ।

- 1 यूहन्‍ना 1:3

जो कछु हम ने तको और सुनो बेई बातें तुम हां बतात आंय, कि तुम सोई इन बातन में बिसवास धरौ; कि हमाओ जोड़ परमेसुर, और उनके बेटा यीशु मसीह से आय।

- 3 यूहन्‍ना 1:9

दियुत्रिफेस जौन बड़ो बनत आय, हमाई कई नईं करत।