- दूसरी कुरिन्थियों 9:13 - Bundeli Holy Bible

¹³ कायसे इन काजन की चरचा करके परमेसुर बड़वाई करत आंय, कि तुम मसीह के बचनन हां मानके ऊ को कहो करत आव, और सबरन की मदद करबे में आगे रैत आव।

- दूसरी कुरिन्थियों 9:13 ပူးပေါင်းရင်းမြစ်များ

- मत्ती 5:16

तुमाओ उजयारो मान्सन के सामूं ई तरहां चमके, कि बे तुमाए भले कामन हां हेर के तुमाए बाप की, जो स्वर्ग में है, गुनगान करें।

- मत्ती 9:8

जब भीड़ ने जौ देखो, तो उन में डर समा गओ और लोग परमेसुर की बड़वाई करन लगे, जीने मान्स हां ऐसो हक दओ आय।

- लूका 6:46

जब तुम मोरो कओ नईं मानत, तो मोय हे पिरभु, हे पिरभु, काय कैत आव?

- यूहन्‍ना 15:8

मोरे बाप की बड़ाई ऐई से होत आय, कि तुम बिलात फल लाओ, तब तुम मोरे चेले कहा हौ।

- प्रेरितन के काम 11:18

बे जौ सुनके चिमा गए, और परमेसुर की बड़ाई करके कहन लगे, तबई तो परमेसुर ने गैर यहूदियन हां भी जीबे के लाने मन फिराबे कौ बरदान दओ आय।

- प्रेरितन के काम 4:21

तब उन ने पतरस और यूहन्ना हां और धमका के छोड़ दओ, कायसे मान्सन के सामूं उन हां दण्ड़ देबे को कोऊ और मौका नईं मिलो, ई लाने जौन घटो ऊसे काजें सबरे मान्स परमेसुर की बड़ाई करत हते।

- रोमियों 10:16

पर सब ने ऊ भले सन्देसे पे कान नईं लगाओ: यशायाह अगमवकता कैत आय, पिरभु की ने हमाए सन्देसे पे बिसवास करो आय?

- रोमियों 12:8

यदि कोई बचन कौ परचारक होबै, तो बचन परचार में लगो रैबे; दान देबेवारो मुठी खोल के देबे, जौन अगुवाई करे, बो जोस से करे, जौन दया करे, बो खुसी से करे।

- रोमियों 15:31

कि मैं यहूदिया के बिसवास न करबेवारन से बरको रओं, और मोरी बा सेवा जौन यरूशलेम के लाने आय, पवित्तर मान्सन हां साजी लगै।

- रोमियों 16:26

परन्त अब उजागर होकें जुग जुग जीबेवारे परमेसुर के हुकम से अगमवकतन की पोथियन से सबरी जातन हां बताओ गओ आय, कि बे बिसवास करके हुकम मानबेवारे हो जाबें।

- दूसरी कुरिन्थियों 10:5

सो जौन विचार और बड़ी बड़ी बातें, जौन परमेसुर हां नईं चीनत आय, उन हां आड़े हाथ लेत आंय, और सब विचारन हां बस में करके मसीह की अग्यां मानबेवारे बना देत आंय।

- दूसरी कुरिन्थियों 2:12

जब मैं मसीह की बातें सुनात त्रोआस आओ, और पिरभु ने मोरे काजें एक द्वार खोलो।

- दूसरी कुरिन्थियों 8:4

और ई दान के लाने और पवित्तर लोगन की सेवा को जौन मौका मिले, ऊके काजें हम से बेर बेर बिन्तवारी करी।

- दूसरी कुरिन्थियों 9:14

और बे तुमाए लाने बिन्तवारी करत आंय; कायसे तुम पै परमेसुर की बिलात दया भई आय, और जा चाहना करत कि तुम बढ़त जाओ।

- गलतियों 1:24

और मोरे लाने परमेसुर को गुन गान करत हतीं।

- 1 तीमुथियुस 6:12

बिसवास की अच्छी कुस्ती लड़; और ऊ अनन्त जीवन को धर ले, जीके लाने तें बुलाओ गओ, और बिलात गवाह के सामूं अच्छो स्वीकार करो हतो।

- 1 तीमुथियुस 6:13

मैं तोहां परमेसुर हां जो सब हां जीयत रखत आय, और पिरभू यीशु मसीह को गवाह मानके जीने पुन्तियुस पीलातुस के सामने अच्छो स्वीकार करो, जौ आदेस देत आंव।

- इब्रानियों 10:23

और हमाई जौन आसा आय ऊहां कर्रे से पकड़े रओ, जीने अपन हां जा आसा दई आय, बो सांचो आय।

- इब्रानियों 13:16

भलो करबो, और दया करबो न छोड़ियो, कायसे ऐसे काम से परमेसुर खुस रैत आय।

- इब्रानियों 3:1

सो भईया हरौ, तुम सब उनके जनें आव, और यीशु मसीह हां जौन प्रेरित और हमाए महायाजक आएं ध्यान धरौ।

- इब्रानियों 4:14

हमाओ ऐसो बड़ो महायाजक आय, जौन सरग चलो गओ, बे आंय पिरभू यीशु मसीह; जौन परमेसुर के पुत्तर आंय, सो अपन ने जिन बातन पै चित्त लगाओ आय उन में पक्के होत जाबें।

- इब्रानियों 5:9

और सबरे दुख हां सह के, अपने सबरे मानबेवारन को तरन तारन करो।

- 1 पतरस 2:9

पर तुम एक नबेरो भओ वंस, और राजपद अधकारी, याजकन कौ समाज, और पवित्तर लोग, और पवित्तर मान्स और परमेसुर की निज परजा आव, ई लाने कि जीने तुम हां अंधयारे में से अपनी जोत में बुलाओ आय, ऊके गुण परगट करो।

- 1 पतरस 4:11

जदि कोऊ बोले, तो ऐसो बोले, कि मानो परमेसुर कौ बचन आय; जदि कोऊ सेवा करे, तो बो ऊ बल से करे जौन परमेसुर देत आय; जीसे सबरी बातन में यीशु मसीह के द्वारा परमेसुर की मईमा उजागर होबै मईमा और सबरी बल सकती जुग जुग ओई की आय। आमीन।