- दूसरी कुरिन्थियों 8:21 - Bundeli Holy Bible

²¹ कायसे जौन बातें पिरभू लौ नईं, अकेले सबरन लौ अच्छी लगत आंय हम उनईं के लाने सोचत आंय।

- दूसरी कुरिन्थियों 8:21 ပူးပေါင်းရင်းမြစ်များ

- मत्ती 23:5

बे अपने सब काम मान्सन हां दिखाबे के लाने करत आंय: बे अपने ताबीजन हां चौंड़ो करत, और अपने उन्ना की कोरे लम्बी करत आंय।

- मत्ती 5:16

तुमाओ उजयारो मान्सन के सामूं ई तरहां चमके, कि बे तुमाए भले कामन हां हेर के तुमाए बाप की, जो स्वर्ग में है, गुनगान करें।

- मत्ती 6:1

चौकन्ने रओ! तुम अपने धर्म के काम मान्सन हां दिखाबे के लाने न करियो, नईं तो अपने स्वर्गीय बाप से कोऊ भी फल न पाहौ।

- मत्ती 6:4

जीसे तोरो दान गुप्त रए; और तोरो बाप जो गुप्त में हेरत आय, तोय फल दै है।

- रोमियों 12:17

बुराई के बदले कोई से बुराई न करो; जो बातें सब मान्सन को भली लगें, बे बातें करो।

- रोमियों 14:18

और जो कोऊ मसीह की ई भांत सेवा करत आय, बो परमेसुर हां साजो लगत आय और मान्सन में सोई मानो जात आय।

- दूसरी कुरिन्थियों 2:17

कायसे हम बिलात जनों जैसे नईंयां, जौन परमेसुर की बातन में कछु दूसरी बातें जोड़ देत आंय; अकेले हिये से, परमेसुर की बातें परमेसुर हां मानो सजीव देखत मसीह में कैत आंय।

- दूसरी कुरिन्थियों 8:20

हम ईसे चौकस रैत आंय, कि जो दया के काम में हम लगे आंय, कोई हम पे दोष न लगा पाबे।

- दूसरी कुरिन्थियों 8:22

हम ने ऊके संग्गै अपने भईयन हां पठैव आय, जीहां हम ने बेर बेर जांचो और अच्छो पाओ; अकेले ऊ को भरोसा तुम पे बिलात आय, और एईसे बो और खुस आय।

- फिलिप्पियों 4:8

सो भईया हरौ, जौन बातें सांची आंय, और जौन साजी आंय, जौन पवित्तर और अच्छी आंय, और मन हां भाती आंय, सो जौन बातें कहबे लाक होबें, उनईं पै ध्यान धरो।

- 1 थिस्सलुनीकियों 5:22

सबरी बुरई बातन से दूर रओ।

- 1 तीमुथियुस 3:7

और बायरें के मान्सन में ऊ को अच्छो नाओं होबै। ऐसो न होबै बो शैतान के जाल में फंसके बदनाम होबै।

- 1 तीमुथियुस 5:14

मैं जौ कैत आंव कि जुआन बिधवाएं ब्याओ करें; और लरका बिटिया जन के अपनो घर बार देखें, कि कोई उनहां भलो बुरो न कैबे।

- 1 पतरस 2:12

दूसरी जातन में तुमाओ चाल चलन सई रैबे; ई लाने कि जौन जौन बातन में बे तुम हां बुरए काम करबेवारो जान के बदनाम करत हते, बे तुमाए साजे कामन हां तक के; उनईं के काजें, दया किरपा के दिना परमेसुर की मईमां करें।