- दूसरी कुरिन्थियों 7:13 - Bundeli Holy Bible

¹³ ईसे हम हां चैन मिलो, और हमाई सान्ति और ऊके संग्गै तीतुस को आनन्द ने हम हां औरई आनन्द दओ, कायसे ऊ को हिया तुमाई बातन से ठण्डो हो गओ।

- दूसरी कुरिन्थियों 7:13 ပူးပေါင်းရင်းမြစ်များ

- रोमियों 12:15

खुसी मनाबेवारन के संग्गै खुसी मनाओ; और दुखी जन के संग्गै रोओ।

- रोमियों 15:32

और मैं परमेसुर की मन्सा से तुमाए ऐंगर खुसी से आके सान्ति पाओं।

- पैली कुरिन्थियों 12:26

ई लाने जदि एक अंग में पिरातो होबे, तो सबरे अंग ऊके संग्गै पीड़ा पाऊ त आंय; और जदि एक अंग की बड़वाई होत आय, तो ऊके संग्गै सबरे खुसी मनात आंय।

- पैली कुरिन्थियों 16:13

हुंसयार रओ, बिसवास में पक्के बनो, संयमी जीवन जियो, बल सक्ति से भर जाओ।

- पैली कुरिन्थियों 16:18

और उन ने मोरो और तुमाओ हिया जूड़ो करो आय, ई लाने ऐसन हां मानो।

- दूसरी कुरिन्थियों 2:13

तो मोरो मन ठण्डो न पड़ो, कायसे भईया तीतुस मोहां नईं मिलो; सो उनसे विदा लैके मैं मकिदुनिया कोदाऊं चलो गओ।

- दूसरी कुरिन्थियों 2:3

जा बात मैंने तुम हां ईसें लिखी, कि ऐसो न होबे, मैं जब आओं तो जिन से मोरो जी ठण्डो होबो चईये, उनई से मोरो जी टूटे; कायसे मैं जौ जानत आंव, कि जौन बात से मोरो जी ठण्डो होत, ओई तुमाओ सब कौ हाल आय।

- दूसरी कुरिन्थियों 7:14

कायसे मैंने ऊके सामूं तुमाए लाने बड़वाई करी, तो ऊहां लाज नईं आई, अकेले जैसे हम ने सबरी बातें सांची सांची कै दईं, ऊंसई हमाई बड़वाई करबो तीतुस के सामूं सांची कड़ी।

- दूसरी कुरिन्थियों 7:15

और जब ऊहां तुमाए कई करबे को सुद आत आय, कि कैसे डरात और कपत तुम ने ऊसे भेंट करी; ईसे ऊ को प्रेम तुम पे और होत जात आय।

- दूसरी कुरिन्थियों 7:6

अकेले सूदे लोगन हां चैन दैबेवारे परमेसुर ने तीतुस के आबे से हम हां चैन दओ।

- फिलिप्पियों 2:28

ऐई से मैंने ऊहां पठैबो चाहो कि तुम ऊसे जुड़ के खुस हो, और मोरो मन सोई ठंड़ो होबे।

- 2 तीमुथियुस 1:16

उनेसिफुरुस के घर के जनन पे प्रभु दया करें, कायसे ऊने कई बेरा मोरे हिये हां मानो ठण्डो करो, और मैं जेहल में आंव ईसे नईं सरमाओ।

- फिलेमोन 1:20

भईया जौ करके तो मोहां भलो लग है, तोरे ऐसो करबे से मानो तें मोरे हिये हां हरो भरो कर है।

- फिलेमोन 1:7

कायसे भईया, तोरो प्रेम जो प्रभु से और मान्सन से लगो आय, ऊसे हमाए मन हां अच्छो लगो, सुनो आय कि तोसें मण्डली के जनन के मन हरे हो गए आंय।

- 1 पतरस 3:8

ई लाने सबरे के सबरे एक हिये और दया करबेवारे, और भाईचारे की प्रीति रखबेवारे, और तरस खाबेवारे, और नरम बनो।