- दूसरी कुरिन्थियों 6:7 - Bundeli Holy Bible

⁷ सांचे प्रेम से, सांचे बोल से, परमेसुर के बल से; धरम के हथियारन से जौन दांए, बांए हैं।

- दूसरी कुरिन्थियों 6:7 ပူးပေါင်းရင်းမြစ်များ

- मरकुस 16:20

और चेलन ने निकल के हर जांगा परचार करो, और प्रभु उनके संग्गै काम करत रओ, और उन चिन्हों के द्वारा जौन संगै संगै होत हते, बचन हां पक्को करत रओ। आमीन।

- प्रेरितन के काम 11:21

प्रभु कौ हाथ उन पे हतो, और बड़ी गिनती में लोग भरोसा करके प्रभु की कोद फिरे।

- पैली कुरिन्थियों 1:24

परन्त जीहां उन ने टेरो आय चाहे बे यहूदी होबें चाहे यूनानी, उन के लाने मसीह, परमेसुर की बल सक्ती, और परमेसुर कौ ज्ञान आय।

- दूसरी कुरिन्थियों 13:4

बो कमजोरी में क्रूस पै चढ़ाओ तो गओ, अकेले परमेसुर के बल से अबै जीयत है, हम तो सोई उन में कमजोर आंय; अकेले परमेसुर के बल से जौन तुमाए लाने आय, उनके संग्गै जी हैं।

- दूसरी कुरिन्थियों 2:17

कायसे हम बिलात जनों जैसे नईंयां, जौन परमेसुर की बातन में कछु दूसरी बातें जोड़ देत आंय; अकेले हिये से, परमेसुर की बातें परमेसुर हां मानो सजीव देखत मसीह में कैत आंय।

- दूसरी कुरिन्थियों 4:2

और हम ने बुरय कामन हां छोड़ दओ आय, और बनके नईं चलत, और न परमेसुर के बचन में कछु मिलात आंय, अकेले सांची बातें उजागर करत आंय, और परमेसुर हां जानत भए सबरन के हिये पै अपनी बात बैठा देत आंय।

- दूसरी कुरिन्थियों 7:14

कायसे मैंने ऊके सामूं तुमाए लाने बड़वाई करी, तो ऊहां लाज नईं आई, अकेले जैसे हम ने सबरी बातें सांची सांची कै दईं, ऊंसई हमाई बड़वाई करबो तीतुस के सामूं सांची कड़ी।

- इफिसियों 1:13

उनई में जब तुम ने सांचे बचन सुने, जौन से तुमाए तरन तारन हो, जीहां तुम ने मानो, और कौल करे भए पवित्रात्मा की चिनानी लग गई।

- इफिसियों 3:20

अब जौन ऐसो बली आय, कि हमाई बिनती और मांगे से अधिक देत आय, ऊ बल से जौन हमाए भीतर काज करत आय।

- इफिसियों 4:21

तुम ने सांची उनकी बात पै ध्यान धरो, और जैसो यीशु में सांचो आय, बोई तुम हां सिखाओ गओ आय।

- कुलुस्सियों 1:5

कि जी बस्त की तुम आस लगाए आव जौन तुमाए लाने सरग में धरी आय, जीके लाने तुम ने सुसमाचार में सोई सुनो हतो।

- 1 थिस्सलुनीकियों 5:8

परन्त हम जो उजयारेवारे आंय, सो हम बिसवास और प्रेम धरें, जौन मानो हमाओ बचाबेवारो झिलम आय और तरन तारन की आस, जौन मानो मूड़ ढांकबे की टोपी आय।

- 2 तीमुथियुस 2:15

ऐसे कय कर, कि परमेसुर खुस होबें और ऐसे काम करो जीसे आगे हां न लजाओ, और उनके सब बचनन हां अच्छे से मानो।

- 2 तीमुथियुस 4:7

मैंने अच्छी कुस्ती लड़ी आय मानो मैंने अपनी दौड़ पूरी कर लई आय, और अपने बिसवास में पक्को बनो रओ आंव।

- इब्रानियों 2:4

परमेसुर ने जौ दिखाओ कि उनको बचन सांचो आय, अदभुत काम और चिन्ह दिखा के, और पवित्रात्मा देके ईकी गवाह दई।

- याकूब 1:18

ऊ ने अपनी मनसा से हम हां सत्त के बचन से बनाओ आय, जीसे हम ऊके संसार की बनाई भई बस्तन में से मानो पैलो फल होबें।