- दूसरी कुरिन्थियों 6:4 - Bundeli Holy Bible

⁴ अकेले एक एक बात में परमेसुर के चाकर जैसो अपनो अच्छो जीवन जीयत आंय, बड़े धीरज से, पिराते में, कंगाली में, परेसानी में।

- दूसरी कुरिन्थियों 6:4 ပူးပေါင်းရင်းမြစ်များ

- लूका 21:19

अपने धीरज से तुम अपने प्राण हां बचाए रख हौ।

- यूहन्‍ना 16:33

जे बातें मैंने तुम से ई लाने कई आंय, कि तुम मोय में सान्ति पाओ; संसार में तुम हां दुख होत आय, परन्त हिम्मत बांधो, मैंने जगत हां जीत लओ आय।

- प्रेरितन के काम 2:22

हे इस्राएलियो, जे बातें सुनो: कि यीशु नासरी नाओं को एक मान्स हतो बो परमेसुर कोद से आओ हतो जा बात ऊके द्वारा करे गए सामर्थ के काम, आश्चर्य कर्म और चिन्हों से साबित आय, जौन परमेसुर ने तुमाए बीच ऊके द्वारा करे, जीहां तुम जानत आव।

- प्रेरितन के काम 20:34

तुम खुद जानत आव, की इनईं हाथन से मोरी और मोरे संगियन की जरूरत पूरी भई आय।

- प्रेरितन के काम 9:16

और मैं ऊहां बता हों, कि ऊहां मोरे नाओं के काजें कैसे कैसे दुख पीड़ा उठाबे पड़ हैं।

- रोमियों 14:18

और जो कोऊ मसीह की ई भांत सेवा करत आय, बो परमेसुर हां साजो लगत आय और मान्सन में सोई मानो जात आय।

- रोमियों 16:10

अपिल्लेस हां जौन मसीह में खरो कड़ो, नमस्कार। अरिस्तुबुलुस के घराने हां नमस्कार।

- रोमियों 3:5

ई लाने जदि हमाओ अधर्म परमेसुर हां धरमी ठैरा देत आय, तो हम का काबें? का जौ कि परमेसुर जौन खुन्स करत आय अन्यायी आय (जौ तो मैं मान्सन के तौर तरीके से कैत आंव)।

- रोमियों 5:8

परन्त परमेसुर हम पे अपने प्रेम की भलाई ई भांत से उजागर करत आय, कि जब हम पापी हते तबई मसीह हमाए लाने मरो।

- पैली कुरिन्थियों 3:5

अपुल्लोस का और पौलुस का आंय? बस चाकर, जिनके द्वारा तुम ने बिसवास करो, जैसो हर एक हां पिरभु ने दओ।

- पैली कुरिन्थियों 4:1

मान्स हम हां मसीह के चाकर और परमेसुर की लुकी भई बातन के जानबेवारे मानें।

- पैली कुरिन्थियों 9:11

सो जब हमने तुमाए लाने आत्मिक बस्तें बोईं, तो का जा कोई बड़ी बात आय, कि तुमाई बे बस्तें जौन हम हां जरूरी आंय तुम से चाहना करें।

- दूसरी कुरिन्थियों 11:23

(मैं पगला घांई कैत आंव) मैं उनसे बढ़के आंव! बिलात मैनत करे में; बेर बेर जेहल जाबे में; कोड़ा घले में; बेर बेर मरत मरत बचो।

- दूसरी कुरिन्थियों 11:27

मैनत करत दुख में; बेर बेर जागत रैबे में; भूखे पियासे में; बेर बेर उपासे रैबे में; जड़कारे में; खुले में रैबे में।

- दूसरी कुरिन्थियों 11:9

जब तुमाए संग्गै हतो, और मोहां घटी भई, तो मैंने कोनऊ पै बोझो नईं डालो, कायसे मकिदुनिया वारे भईयन ने आके, मोरी कभी घटी पूरी कर दई: और मैंने कोई बात मैं अपनो बुझवा तुम पै नईं डालो, और कभऊं न डाल हों।

- दूसरी कुरिन्थियों 12:10

ईसे में मसीह के लाने कमजोरी में, और निन्दा में, और कंगाली में, और विरोध में, पिराते में खुस आंव; कायसे जब मैं कमजोर लगत आंव, तबई मजबूत होत आंव।

- दूसरी कुरिन्थियों 12:12

प्रेरित के जौन गुण बड़े धीरज से दिखाए उनके संग्गै, और अजूबा काज, और बड़े बड़े काज सोई दिखाए।

- दूसरी कुरिन्थियों 2:17

कायसे हम बिलात जनों जैसे नईंयां, जौन परमेसुर की बातन में कछु दूसरी बातें जोड़ देत आंय; अकेले हिये से, परमेसुर की बातें परमेसुर हां मानो सजीव देखत मसीह में कैत आंय।

- दूसरी कुरिन्थियों 3:6

जिन ने हम हां नये नियम के चाकर लाक बनाओ, अक्षरन के चाकर नईं केबल आत्मा के चाकर; कायसे अक्षर तो मारत आय, पे आत्मा जिलात आय।

- दूसरी कुरिन्थियों 4:17

कायसे हमाओ छिन भरे की परेसानी हमाए काजें खास मान देत आय।

- दूसरी कुरिन्थियों 4:2

और हम ने बुरय कामन हां छोड़ दओ आय, और बनके नईं चलत, और न परमेसुर के बचन में कछु मिलात आंय, अकेले सांची बातें उजागर करत आंय, और परमेसुर हां जानत भए सबरन के हिये पै अपनी बात बैठा देत आंय।

- दूसरी कुरिन्थियों 4:8

हम चारऊं कोद से दुख भोग रय आंय, अकेले हमाओ बुरओ नईं होत; हम पे काम नईं बनत, अकेले मन टूटो नईंयां।

- दूसरी कुरिन्थियों 7:11

सो तकौ, ऐई बात सेकि तुम हां परमेसुर भक्ति को शोक भओ जीसे तुमें जोस आओ कि जुआब देबो और खुन्स, और डर, और लालसा, और धुन और बदला लैबे की मन में आई? अकेले तुम ने सबरी हालत में जौ दिखा दओ, कि तुम इन बातन से बरी आव।

- कुलुस्सियों 1:11

और उनके जस के जोर से और सबरी बात में बढ़त जाओ, इते लौ कि मजे से धीरज करके सैबेवारोपन राखो।

- कुलुस्सियों 1:24

अब जौन दुख मोहां तुमाए काजें भओ ऊ पे मोहां खुसी आय, और मैं अब उनकी कलीसिया के लाने दुख सहबे हां राजी आंव।

- 1 थिस्सलुनीकियों 3:7

भईया हरौ, अपनी परेसानी की हालत में तुमाए बिसवास में पक्के बने रैबे से हम हां बड़ी सान्ति मिली।

- 1 थिस्सलुनीकियों 5:14

भईया हरौ, हम बताएं कि जौन की चाल ठीक नईंयां उन हां समझाओ, और जौन पाछें आंय उन हां बढ़ाओ, और सबरन की सहो।

- 1 तीमुथियुस 2:15

परन्त बईयर बच्चा पैदा करबे से अपनी जांगा फिन के पाहें, सो उन हां ठीक ठाक रैबो चईये और बिसवास, और प्रेम करबे, और पवित्तर बनो रओ चईये।

- 1 तीमुथियुस 4:6

तें भईयन हां समझा के इन बातन की याद करा, तो तें यीशु मसीह को अच्छो सेवा करबेवारो हुईये: और बिसवास की बातन हां और जौन बातें सिखाई गई आंय, और जिन हां तें मानत आय, तें बढ़त रै है।

- 1 तीमुथियुस 6:11

पर हे परमेसुर के जन, तें इन बातन से भाग; और धरम, भक्ति, बिसवास, प्रेम, धीरज और नम्रता कौ पीछा कर।

- 2 तीमुथियुस 1:8

सो परमेसुर की गवाही से, और मोरे से जो उनके नाओं से जेहल में आंव, लजाईयो न, परन्त मोरे संग्गै सेवा में दुख उठाबे हां तईयार रै।

- 2 तीमुथियुस 2:24

प्रभु के दास हां झगड़ा करबेवारो नईं भओ चईये, परन्त सबरन के संग्गै मीठो बोलबेवारो, और सबरी बातन में होसयार और दूसरन की बात सैबेवारो होबै।

- 2 तीमुथियुस 4:5

परन्त तें सबरी बातन में होसयार रै, दुख उठाबे हां तईयार रै, और सुसमाचार सुनात जा और जौन काज तोहां दओ आय ऊहां पूरो कर।

- इब्रानियों 12:1

ई लाने जब इतने सबरे जनों की गवाह हम जानत आंय, तो अब सबरी रोकबेवारी बस्तन और उलझाबेवारे पाप और बुरई बातन हां छोड़ के, जैसी दौड़ हम हां दौड़ने आय ऊहां संभल के दौड़ें।

- यूहन्‍ना के दरसन कौ खुलासा 1:9

मैं यूहन्ना जौन तुमाओ भईया, और यीशु मसीह के लाने मैंने जौन दुख तुमाए संग्गै सहो आय, और परमेसुर कौ बचन, और यीशु की गवाही के कारन पतमुस टापू में हतो।

- यूहन्‍ना के दरसन कौ खुलासा 3:10

तेंने मोरे बचन हां धीरज से मानो आय, ईसे मैं तोहां परीक्षा की ऊ बेरा में बचाए रख हों, जो धरती पे रहबेवारन हां परखबे के लाने संसार पै आबेवालो आय।