- दूसरी कुरिन्थियों 6:18 - Bundeli Holy Bible

¹⁸ और तुमाओ बाप हुईयों, और तुम मोरे बेटा बिटिया कहा हौ: जे महाबली पिरभू परमेसुर को बचन आय।

- दूसरी कुरिन्थियों 6:18 ပူးပေါင်းရင်းမြစ်များ

- उत्पत्ति 17:1

जब अब्राम निन्‍यानबे साल कौ हो गओ; तब यहोवा परमेसुर ने ऊहों दरसन दैकें कई, “मैं सर्वसक्‍तिमान यहोवा परमेसुर आंव; मोरी उपस्‍थिति में चल और खरो होत जा;

- उत्पत्ति 48:3

याकूब ने यूसुफ सें कई, “सर्वसक्‍तिमान परमेसुर ने कनान देस के लूज नगर के लिगां मोहों दरसन दैकें आसीस दई,

- पैलो इतिहास 17:13

मैं ऊकौ बाप ठैरहों और ऊ मोरो मोंड़ा ठैरहै, जैसे मैंने अपनी करुना शाऊल पै सें जौन तोए सें पैलां हतो हटाई हती, बैसे मैं ऊपै सें नें हटाहों,

- यूहन्‍ना 1:12

पर जीने ऊहां अपनाओ, ऊ ने इन हां परमेसुर की लड़ेर होबे कौ हक्क दओ, यानि उन हां जौन ऊके नाओं पे भरोसा करत आय।

- रोमियों 8:19

कायसे सबरो संसार बड़ी आसा से परमेसुर के लरका बिटिया के उजागर होबे की बाट जोह रओ आय।

- रोमियों 8:29

कायसे जिन हां ऊ ने पेंला से जान लओ आय, उन हां ऊ ने पेंला से ठैराओ आय, कि ऊके पुत्तर के समान होबें, जीसे ऊ बिलात भईयन में पैलोठो ठैरे।

- गलतियों 3:26

कायसे तुम सबरे जनें यीशु मसीह पै बिसवास धरके, परमेसुर के बाल बच्चा बन गए।

- इफिसियों 1:5

अपनी मरजी से हम हां पेंला से धरो कि यीशु मसीह में हम उनके गोद लए लड़का कहाबें।

- यूहन्‍ना के दरसन कौ खुलासा 1:8

पिरभु जौन परमेसुर हते, और जौन आबेवारे आंय; जौन महाबली आय: ऐसो कहत आय, कि मैं पेंला से आंव और अन्त लौ रै हों।

- यूहन्‍ना के दरसन कौ खुलासा 21:22

और मोहां उते कोई मन्दर नईं दिखानो, कायसे महाबली पिरभू परमेसुर, और मेमना उतै के मन्दर आंय।

- यूहन्‍ना के दरसन कौ खुलासा 21:7

जो पिरभू की बातन में पक्को कड़े, उन हां जे सबरी आसीस मिल हैं; और मैं ऊकौ परमेसुर रै हों, और बो मोरो पुत्र रै है।