- दूसरी कुरिन्थियों 6:10 - Bundeli Holy Bible

¹⁰ रोबेवारन जैसे आंय, अकेले खुस रैत आंय; कंगाल जैसे लगत, अकेले बिलात जन हां पईसावारे बना देत आंय, ऐसे दिखात मानों हमाए ऐंगर कछु नईंयां अकेले सब कछु धरो आय।

- दूसरी कुरिन्थियों 6:10 ပူးပေါင်းရင်းမြစ်များ

- मत्ती 5:12

खुस और मगन हुईयो कायसे स्वर्ग में तुमाए लाने बड़ो फल धरो है, उन ने तो उन आगमवकता हां भी जौन तुम से पेंला हते ऐई तरहां सताओ हतो।

- मत्ती 5:4

धन्न आंय बे, जौन रंज करत आंय, कायसे उनहां सान्ति मिल है।

- लूका 6:21

धन्य आव तुम, जौन अब भूखे आव; कायसे अफराए जै हो, धन्न आव तुम, जौन अब रोऊत आव, कायसे तुम हंस हौ।

- यूहन्‍ना 16:22

ई लाने तुम हां भी अबै तो दुख आय, पर मैं तुम से फिन मिल हों और तुमाए मन खुस हुईयें; और तुमाई खुसी हां कोई तुम से छिना नईं लै है।

- प्रेरितन के काम 16:25

आधी रात पौलुस और सीलास प्रार्थना कर रए हते और परमेसुर कौ भजन गा रए हते, और कैदी उन की सुन रए हते।

- प्रेरितन के काम 3:6

तब पतरस ने कओ, चांदी और सोना तो मोरे लौ नईंयां; पर जौन कछु मोरे ऐंगर आय, बो तोय देत आंव: यीशु मसीह नासरी के नाओं से चल फिर।

- प्रेरितन के काम 5:41

बे ई बात से खुसी होकें महापंचयात के सामूं से चले गए, कि हम ऊके नाओं के लाने अपमानित होबे के जोग तो ठैरे।

- रोमियों 11:12

ई लाने जदि उनको गिरबो संसार के लाने धन और उन की घटी कमी दूसरी जातवारन के लाने मालपानू कौ काज बनी, तो उन की भरपूरी से का क छु न हुईये।

- रोमियों 12:15

खुसी मनाबेवारन के संग्गै खुसी मनाओ; और दुखी जन के संग्गै रोओ।

- रोमियों 15:13

परमेसुर जौन आसा को दैबेवारो आय, तुम हां बिसवास करबे में सबरी भांत की खुसी से सान्ति भर देबे, कि पवित्तर आत्मा के बल से तुमाई आसा बढ़त जाय।

- रोमियों 8:32

जीने अपने निज पुत्तर हां सोई न रख छोड़ो, पर उए हम सब के लाने दे दओ: बो ऊके संग्गै हम हां और सबई कछु काय न दै है।

- रोमियों 9:2

कि मोय बड़ो दुख आय, और मोरो हिया हमेसा दुखत रैत आय।

- पैली कुरिन्थियों 1:5

कि तुम मसीह में होकें सबरी बातन में जाने कि सबरे बचनन के ज्ञान से भर गए आव।

- दूसरी कुरिन्थियों 2:4

बड़े पिराने में, और मन की चोट से, मैंने अंसुआ डाल डाल के तुम हां लिखो आय, ईसे नईं कि तुमाओ मन टूटे, अकेले जौ कि तुम ऊ बड़े प्रेम हां जानो, जौन मोहां तुम पे आय।

- दूसरी कुरिन्थियों 4:15

कायसे सबरी बस्तें तुमाए लाने आंय, कि दया जौन बिलात जनों से होकें परमेसुर के मान के काजें धन्न सोई कहाबे।

- दूसरी कुरिन्थियों 4:7

अकेले हमाए लौ जा पूंजी माटी के घैलों में धरी आय, जौ बल हमाओ नईंया, परन्त परमेसुर को दओ आय।

- दूसरी कुरिन्थियों 8:9

तुम हमाए पिरभू यीशु की दया जानत आव, कि बे धनी होकें तुमाए लाने कंगाल बने कि उनके कंगाल होबे से हम धनी हो जाबें।

- इफिसियों 3:16

कि बे अपने जस से जो दान दैबे, कि तुम उनके आत्मा से अपने भीतरवारे मनुष्यत्व में बल पाकें मजबूत होत जाओ।

- इफिसियों 3:8

मो पै जौन सबरे परित्तर लोगन में सबसे लौरो आंव, जा दया भई, कि मैं अन्यजातियन हां मसीह में मिलबेवारे महा धन के बचन सुनाओं।

- फिलिप्पियों 2:17

तुमाए बिसवास जीमें तुम ने दुख उठाओ और मारे गए ऊके संग्गै मोहां मरने पड़ो तो मोहां आनन्द हुईये।

- फिलिप्पियों 4:4

पिरभू में हमेसा खुस रओ; मैं फिन कैत आंव कि खुस रओ।

- कुलुस्सियों 1:24

अब जौन दुख मोहां तुमाए काजें भओ ऊ पे मोहां खुसी आय, और मैं अब उनकी कलीसिया के लाने दुख सहबे हां राजी आंव।

- कुलुस्सियों 3:16

यीशु मसीह के बचन हां अपने हिये में बसा लेओ; और दूसरन हां पूरे ज्ञान से सिखाओ, और चिताओ, और परमेसुर हां धन्न मानो, और अपने से परमेसुर के भजन गाओ और उन हां धन्न कहो।

- 1 थिस्सलुनीकियों 1:6

और तुम ने बड़े दुख में परन्त पवित्तर आत्मा में खुसी से बचन हां अपने मन से मानो और हमाए जैसो चले।

- 1 थिस्सलुनीकियों 5:16

हमेसा खुस रओ।

- 1 तीमुथियुस 4:8

कायसे दैहिक कसरत ज्यादा फायदा नईं करत आय, परन्त भक्ति सबरी बातन में फायदे की होत आय, ई बेरा में, और आबेवारे दिना में सोई।

- 1 तीमुथियुस 6:18

और भलाई करें, और अच्छे कामन में धनी बनें; और उदार और मदद के लाने तईयार रैबें।

- इब्रानियों 10:34

जौन जनें जेहल में डाले गए उन पै तुम ने दया करी, और जब मान्सन ने तुमाई चीज बस्तें ले लईं; तब तुम चिमाने रए, कायसे तुम हां पता हतो कि तुमें ईसे बढ़िया और हमेसा बनी रैबैवारी बस्तें मिल हैं।

- याकूब 2:5

हे मोरे प्यारे भईया हरौ, सुनो; का परमेसुर ने ई संसार के गरीबन हां नईं नबेरो, कि बे बिसवास में धनी और ऊ राज के हाकम होबें, जी कौ कौल उन ने अपने प्रेम करबे वारन से करो आय?

- 1 पतरस 4:13

जैसे जैसे मसीह की पीड़ाओं में तुम संग्गी साथी होत रैत आव, खुस रओ, जीसे ऊ की मईमा के उजागर होबे की बेरा सोई खुसी से मगन हो जाओ।

- यूहन्‍ना के दरसन कौ खुलासा 2:9

कि मैं तोरो दुख और तोरी गरीबी हां जानत आंव; (परन्त तें धनी आय); और जौन अपने हां यहूदी कैत आंय पर हैं नईंयां, और शैतान छलिया की बातन में लगे आंय, मोहां जौ सब पता आय।

- यूहन्‍ना के दरसन कौ खुलासा 21:7

जो पिरभू की बातन में पक्को कड़े, उन हां जे सबरी आसीस मिल हैं; और मैं ऊकौ परमेसुर रै हों, और बो मोरो पुत्र रै है।