- दूसरी कुरिन्थियों 5:14 - Bundeli Holy Bible

¹⁴ कायसे मसीह को प्रेम हम हां बिवस कर देत आय; ईसे हम समझत आंय, कि एक जनों सबरन के काजें मरो तो सबरे मानो मर गए।

- दूसरी कुरिन्थियों 5:14 ပူးပေါင်းရင်းမြစ်များ

- पैलो इतिहास 11:18

तब बे तीनईं जनें पलिश्‍तियों की छावनी पै टूट पड़े और बैतलहम के फाटक के कुआं सें पानू भरकें दाऊद के लिगां लै आए; परन्‍त दाऊद ने पीबे सें मना करो और यहोवा परमेसुर के सामूं अर्घ करके उण्‍डेलो;

- मत्ती 20:28

जी तरहां मान्स कौ पूत अपनी चाकरी कराबे नईं, बल्कि चाकर बनके और बिलातन के तरन तारन के लाने अपनो प्राण देबे आओ।

- लूका 15:24

कायसे मोरो जौ पूत मर गओ हतो, फिन जी गओ आय: हिरा गओ हतो, अब मिल गओ आय: और बे खुसी मनाऊन लगे।

- लूका 15:32

अब खुसी मनाबो और मगन होबो चईये, कायसे जौ तोरो भाई मर गओ हतो फिन जी गओ आय; हिरा गओ हतो, अब मिल गओ आय।

- लूका 24:29

पर उन ने जौ कै कें यीशु हां रोको, कि हमाए संग्गै रै; कायसे लौलईया लग चली आय और दिन बिलात ढल गओ आय। तब बो उन के संग्गै रैबे हां भीतर गओ।

- यूहन्‍ना 1:29

दूसरे दिना ऊ ने यीशु हां अपनी कोद आत तक के कई, हेरो, परमेसुर को मेमना आय, जौन जगत कौ पाप उठा लै जात आय।

- यूहन्‍ना 11:25

यीशु ने ऊसे कई, फिन जी जाबो और जीवन मैं ही आंव, जौन मोय पे भरोसा करत आय बो जदि मर भी जाए, तो भी जी जै है।

- यूहन्‍ना 5:25

मैं तुम से सांची सांची कहत आंव, बो बेरा आ रई आय, और अबै आय, जब मरे भए लोग परमेसुर के पूत कौ बोल सुन हैं, और जौन सुन हैं बे जी जै हैं।

- प्रेरितन के काम 18:5

पर जब सीलास और तीमुथियुस मकिदुनिया से आए, तो पौलुस बचन सुनाबे की धुन में लग के यहूदियन के आंगू गवाही देन लगो, कि यीशु ही मसीह आय।

- रोमियों 2:2

और हम जानत आंय, कि ऐसे ऐसे काम करबेवारन पे परमेसुर कुदाऊं से सई सई दण्ड कौ हुकम होत आय।

- रोमियों 5:15

पर जैसी दसा पाप की आय, वैसी दसा दया के दान की नईंयां, कायसे एक मान्स के पाप के काजें बिलात मान्स मरे, तो परमेसुर कौ दान और ऊ की भलाई एक मान्स पिरभू यीशु मसीह के अनुग्रह से भओ, बिलात जन पे जरूर अधकाई से भओ।

- रोमियों 6:13

और न अपने अंगों को अधरम कौ हथियार होबे को सौंपो, पर अपने आप हां मरे भयन में से जी उठो भओ जान के परमेसुर हां सौंपो, और अंगों को धरम के हथियार होबे के लाने परमेसुर हां सौंपो।

- रोमियों 6:6

कायसे हम जानत आंय, कि हमाओ पापी जीवन ऊके संग्गै क्रूस पे चढ़ाओ गओ, जीसे पाप की देयां खतम हो जाबै, और आंगू हां हम पाप के बस में न रैबें।

- पैली कुरिन्थियों 16:22

हमाओ पिरभु आबेवारो आय।

- पैली कुरिन्थियों 2:14

परन्त सारीरिक मान्स परमेसुर की आत्मा की बातें नईं अपनात, कायसे बे बातें ऊ की समझ सें मूरखता की बातें आंय, और बो उन हां समज नईं सकत कायसे उनकी परख आत्मिक रूप से होत आय।

- दूसरी कुरिन्थियों 3:7

जैसे मत्यु को नेम जौन पथरन पै खोदे गए हते, इते लेओ जस पाओ, कि मूसा के मों पै की जोत जौन पेंला से घटत जात हती, इस्राएल के जनें उनके मों हेर न सकत हते।

- दूसरी कुरिन्थियों 3:9

कायसे जब दोषी ठहराबे वाली नैम ऐसी उजरी हती, तो जौन नैम धरमी बनात आय बो और उजरी हुईये?

- गलतियों 2:20

मैं मसीह के संग्गै क्रूस पै चढाओ गओ हों, अब मैं जीयत नईंयां, अकेले मसीह मोय मैं जीयत आय: और मैं जौन देह में जीयत हों तो ऊ बिसवास से जीयत हों, जौन परमेसुर के पुत्र पै आय, जीनें मोय से प्रेम करो, और अपने प्रान मोरे लाने दे दए।

- इफिसियों 6:24

जौन जनें हमाए पिरभू यीशु मसीह से पूरे मन से प्रेम राखत आंय, उन सबरन पै दया होत रए।

- कुलुस्सियों 2:13

उन ने तुम हां जौन अपने पापन में मरे जैसे हते, और परमेसुर की सन्तान न हते परन्त परमेसुर ने यीशु मसीह के संग्गै जिला दओ, और तुमाए सबरे पापन की क्षिमा कर दई।

- कुलुस्सियों 3:3

कायसे तुम तो मानो मर गए, और अब तुमाओ जी पिरभू यीशु मसीह में बनो आय।

- 1 तीमुथियुस 2:6

जीने अपने प्राणन हां सबके तरन तारन के लाने दे दओ; जी की गवाह ठीक बेरा पै दई गई।

- 1 तीमुथियुस 5:6

परन्त जौन संसार के भोग में पड़ जाबै, मनो बे जीयत जागत मरी जैसी आय।

- तीतुस 3:3

कायसे हम पेंला, मूरख और परमेसुर की अग्या न मानबेवाले, और दुबधा में हते, और भांत भांत की चाहना करत हते, और मजा मौज चाहत हते और अदावट धरें हते, और दूसरन को बुरओ सोचत हते, और बहुत घिना हते और दूसरन से बैर मानें हते।

- इब्रानियों 2:9

यीशु मसीह हां सरगदूतन के तनकई कम करो गओ हतो, पर मृत्यु कौ दुख उठाबे के कारन मइमा और आदर कौ मुकुट पहने देखत आंय; परन्त परमेसुर की दया से हरएक मान्स के लाने मौत कौ स्वाद चीखे।

- इब्रानियों 6:10

हम जौ सोई कैत आंय कि परमेसुर अच्छे न्यायी आंय, बो तुमाई याद कर है, कि तुम कैसे उन सबरे जन जिन ने यीशु मसीह हां पकड़ लओ आय, उन की सेवा खुसामद करत आव।

- 1 पतरस 1:8

ऊसे तुम बिना तकें प्रेम राखत आव, और अब तो ऊ पे बिना तकें सोई बिसवास करके ऐसे खुस और परसन्न होत आव, जौ कओ नईं जा सकत और मईमा से भरो भओ आय।

- 1 यूहन्‍ना 5:19

हम हां पता आय, कि हम परमेसुर पै बिसवास धरें आंय, और पूरे संसार के जनें शैतान छलिया की कई करत आंय।