- दूसरी कुरिन्थियों 5:1 - Bundeli Holy Bible

¹ हम हां पता आय, कि जब हमाओ संसार पे को डेरा गिराओ जै है, तो हम हां परमेसुर से सरग में एक बड़ो घर मिल है, जौन हाथन को बनो नईं, अकेले हमेसा बनो रै है।

- दूसरी कुरिन्थियों 5:1 ပူးပေါင်းရင်းမြစ်များ

- उत्पत्ति 3:19

और अपने माथे सें पसीने की रोटी खाए करहै, और आखिर में माटी में मिल जैहै कायसे तें ओई में सें काड़ो गओ आय; तें माटी तो आय और माटी मेंई मिल जैहै।”

- मरकुस 14:58

कि हमने ईहां जौ कहत सुनो आय कि मैं ई हाथ के बनाए भए मन्दर हां गिरा दै हों, और तीन दिना में दूसरौ बना हों, जौन हाथ से न बनो हुईये।

- प्रेरितन के काम 7:48

पर परम परधान हातन के बनाए घर में नईं रैत, जैसो के अगमवकता ने कओ आय।

- पैली कुरिन्थियों 3:9

कायसे कि हम परमेसुर के संग्गै काम करबेवारे आंय; तुम परमेसुर की खेती और परमेसुर के बनाए भए आव।

- दूसरी कुरिन्थियों 4:7

अकेले हमाए लौ जा पूंजी माटी के घैलों में धरी आय, जौ बल हमाओ नईंया, परन्त परमेसुर को दओ आय।

- दूसरी कुरिन्थियों 5:4

ई डेरा में रैत बुझवा से दबे गुहार देत रैत आंय; कायसे हम उतारबो नईं, अकेले धरे रैबो चाहत आंय, कि जौन मरबेवारो आय बो जीवन में मानो डूब जाबे।

- कुलुस्सियों 2:11

पिरभू ने ऊंसई तुमाई बुरई अभलाखा निकाल दई, जैसे खतना होबे पै सरीर को भाग कट के न्यारो हो जात आय।

- 2 तीमुथियुस 1:12

ऐई से मैं जे दुख उठा रओ आंव, और लजात नईंयां, कायसे मैंने जिन पै बिसवास धरो आय उन हां जानत आंव; और मोहां पक्को आय, कि जौन जीवन मैंने उन हां दे दओ आय ऊहां साजो धरे रै हैं।

- इब्रानियों 11:10

जौ ऊ ने ईसे करो कायसे बो तो पक्की नीं वारे नगर की बाट धरें हतो, जीहां बनाबेवारो परमेसुर आय।

- इब्रानियों 9:11

परन्त पिरभू यीशु मसीह ई संसार की अच्छी बस्तन को महायाजक होकें आओ, सो बे अबई से बढ़िया तम्बू जौन मान्स के हाथन की बनी नईंयां, मानो ई संसार जैसो नईंयां।

- इब्रानियों 9:24

कायसे पिरभू यीशु मसीह ऊ पवित्तर जांगा में नईं गए, जौन सांचे पवित्तर जांगा को नमूना जैसो आय, बे तो सरग चले गए कि हमाए काजें परमेसुर के सामूं बने आंय।

- 1 पतरस 1:4

जाने कि एक न मरबेवारी और निर्मल, और हमेसा की मीरास के लाने, जौन तुमाए लाने सरग में धरी आय।

- 2 पतरस 3:11

जब जे सबई बस्तें, ई भांत से नास होबेवारी आंय, तो तुम हां पवित्तर चालचलन और भक्ती में कैसो जीवन गुजारो चईये।

- 1 यूहन्‍ना 3:14

हम जौ मानत आंय, कि हमाओ नरक कुण्ड से कड़के मानो तरन तारन भओ आय; कायसे कि हम भईयन से प्रेम करत आंय: जौन प्रेम नईं करत, बो मानो नरक कुण्ड में डलो आय।

- 1 यूहन्‍ना 3:19

ईसे जौ पता पड़त आय, कि हम सांचे हां जानत आंय; और जी बातन के लाने हमाओ मन न बोले बो नईं करें, जीसे परमेसुर के सामूं ठांड़े होबे की हम हां हिम्मत मिले।

- 1 यूहन्‍ना 3:2

प्यारे भईया हरौ, अबै तो हम परमेसुर के लड़का बिटिया कहात आंय, और अबै जौ पता नईंयां, कि हम और का हुईयें! इतनो पता आय, कि जब बे फिन के आहें तो हम सोई उन घांई हो जै हैं, और उन हां उनके सांचे रूप में तक हैं।