- दूसरी कुरिन्थियों 4:4 - Bundeli Holy Bible

⁴ और जौन मान्सन ने बिसवास नईं करो, कायसे उन की बुद्धि हां ई संसार के ईसुर-शैतान छलिया ने अंधरया दओ आय, कि मसीह जौन परमेसुर आय, उनकी बातन को तेज उन पे अबै न पड़े।

- दूसरी कुरिन्थियों 4:4 ပူးပေါင်းရင်းမြစ်များ

- मत्ती 13:22

और जौन बीजा जरियन में बोओ गओ हतो, बो जौ आय, जौन बचन हां सुनत आय, पर संसार की सोच और धन कौ धोखा बचन हां दबात आय, और बो फल नईं लात।

- यूहन्‍ना 1:14

और बचन जौन कृपा और सच्चाई से भरपूर हतो रूपवान भओ; और हमाए बीच में डेरा करो, और हम ने ऊ की ऐसी कृपा हेरी, जैसे बाप के एकई मोंड़ा की कृपा।

- यूहन्‍ना 1:18

परमेसुर हां कोऊ ने कभऊं नईं तको, एकलौतो पूत जौन बाप की कंईयां में आय, ओई ने ऊहां दरसाओ।

- यूहन्‍ना 12:31

अब ई जगत कौ न्याव होत आय, अब ई जगत कौ हाकिम काड़ दओ जै है।

- यूहन्‍ना 12:35

जौ मान्स कौ पूत को आय? यीशु ने उन से कई, तुमाए बीच ज्योत अब तनक बेरा के लाने आय, जब लौ ज्योत तुमाए संग्गै आय, तौ लौ निंगत रहियो; ऐसो न होबै कि अंधयारो तुम हां आ घेरे; जौन अंधयारे में निंगत आय बौ नईं जानत कि किते जात आय।

- यूहन्‍ना 12:40

कि ऊ ने उन की आंखन हां अन्धरो, और उन कौ मन कड़ो कर दओ आय; कहूं ऐसो न होबै, कि बे आंखन से हेरें, और मन से जानें, और मन फिराएं, और मैं उन हां साजो करों।

- यूहन्‍ना 12:45

और जौन मोय हेरत आय, बो ऊहां हेरत आय जीने मोय पठैव आय।

- यूहन्‍ना 14:30

मैं तुम से अब और बिलात बातें न कै हों, कायसे ई जगत कौ हाकिम आ रओ आय, और मोय में ऊ को कछु नईंयां।

- यूहन्‍ना 15:24

अगर मैं उन के बीच बे काज नईं करतो, जिन हां और कोई ने नईं करो तो बे पापी नईं ठहरते, पर अब तो उन ने मोय और मोरे बाप हां तको आय, और दोई से बैर करो आय।

- यूहन्‍ना 16:11

और तुम मोय फिन नईं देख हौ: न्याव के बारे में ई लाने कि संसार कौ हाकिम दोषी ठहराओ गओ आय।

- यूहन्‍ना 8:12

यीशु ने फिन लोगन से कई, जगत की ज्योत मैं आंव; जौन मोरे पाछें चल है, बो अन्धयारे में नईं निंग है, परन्त जीवन की ज्योत पा है।

- प्रेरितन के काम 26:18

कि तें उन की आंखन हां खोले, जीसे की बे अंधयारे से उजयारे की कोद, और शैतान के राज्य से परमेसुर की कोद फिरें; जीसे की बे पापन की क्षिमा, और उन लोगन के संग्गै पदवी पाबें, जौन मोय पे भरोसा करबे के द्वारा पवित्र भए आंय।

- प्रेरितन के काम 26:23

यानि मसीह हां दुख उठाने पड़ है, और ओई मरे भयन में से जी जाबे वालन में पैलो होकें, यहूदी परजा और गैर यहूदियन दोई हां ज्योत कौ सन्देसो दै है।

- पैली कुरिन्थियों 10:20

नईं, परन्त जौ, कि दूसरी जातवारे जौन बलदान करत आंय, बे परमेसुर के लाने नईं, परन्त बुरई आत्माओं के लाने बलदान करत आंय: और मैं नईं चाहत, कि तुम बुरई आत्माओं के भागीदार होओ।

- दूसरी कुरिन्थियों 2:11

कि शैतान छलिया को हम पै दांव न चले, कायसे हम ऊ की बातें जानत आंय।

- दूसरी कुरिन्थियों 2:12

जब मैं मसीह की बातें सुनात त्रोआस आओ, और पिरभु ने मोरे काजें एक द्वार खोलो।

- दूसरी कुरिन्थियों 3:11

कायसे जब बो जौन घटत जात हतो ऐसो उजरो दिखात हतो, तो बो जौन अटल रै है और उजरी हुईये।

- दूसरी कुरिन्थियों 3:14

अकेले इन की बुद्धि मारी गई, कायसे आज लौ पुराने नेम की बातन हां बांचत बेरा उन के हिये पे परदा जैसो लगो आय; अकेले मसीह में बो परदा उठ जात आय।

- दूसरी कुरिन्थियों 3:18

अकेले हम सबरन के मों पे पिरभू को तेज ऐसो दिखात आय, जैसो आईना में, तो पिरभू जौन आत्मा आय, हम उनके तेज के रूप में हरय हरय बदलत जै हैं।

- दूसरी कुरिन्थियों 4:6

कायसे परमेसुर ने कई, कि अंधियारे में जोत होबे; और ओई जोत हमाए हिये में चमकी, कि परमेसुर की जोत यीशु मसीह के मों पे हो चिमचिमानी।

- गलतियों 1:4

उनईं ने अपने हां हमाए पापन के काजें दे दओ, किहमाए परमेसुर पिता की मरजी से हमें ई बुरए संसार के बन्धन से छुड़ाबै।

- इफिसियों 2:2

तुम पेंला ई संसार की रीत पै, और आकास के हाकम शैतान और ऊ आत्मा से चलत हते, जौन अबै सोई कई न करबे वारन में काम करत आय।

- इफिसियों 6:12

कायसे हमाई लड़ाई मान्सन से नईंयां, परन्त हमाई लड़ाई शैतान और अंधियारे के जोर से आय, जौन आकास में आय।

- फिलिप्पियों 2:6

जौन परमेसुर हते परन्त उन ने परमेसुर जैसो होबो नईं चाहो।

- कुलुस्सियों 1:15

पिरभू यीशु मसीह में परमेसुर को रूप दिखात आय, बे सबरी सृष्टि के पेंला से आंय।

- कुलुस्सियों 1:27

परमेसुर ने ऐसो ई लाने करो, कायसे बे चाहत हते कि गैर इस्राएलियन उनके जसवारी बातन हां समझें, और यीशु मसीह अब उनके हिये में बसे आंय, और आंगे आबेवारी बातन की आस आय।

- 1 तीमुथियुस 1:11

जो उन महा धन्य परमेसुर के जस के ऊ सुसमाचार से आय, जौन मोहां दओ गओ आय।

- तीतुस 2:13

और जौन आस हम लगाए आंय कि महाबली परमेसुर और पिरभु यीशु मसीह जिन ने हमाओ तरन तारन करो आय, उनकी फिन के आबे की गैल तकें रैबें।

- इब्रानियों 1:3

पुत्तर परमेसुर पिता की जस की जोत और उनके जैसो आय, और बेई अपने बल से धरती हां संभाले आंय: बे मान्सन के पापन हां धोके परमेसुर महान के दाएं हाथ पै जा बैठे।

- इब्रानियों 6:4

कायसे जीने परमेसुर की जोत पाई, और जिन हां परमेसुर ने बरदान दए और जिन ने पवित्तर आत्मा पाओ।

- 2 पतरस 1:19

हमाए ऐंगर आगमवकतन कौ जौन बचन आय, बो ई घटना से पक्को ठैरो, तुम जौ साजो करत आव और जौ समज के ऊ पे ध्यान करत आव, कि जौ एक दीया आय जौन अन्धयारी जांगा में ऊ टैम लौ जोत देत रैत आय, जब लौ भुन्सारो न हो जाबै और भुन्सारे कौ तारा तुमाए हियन में न चमक उठे।

- 1 यूहन्‍ना 2:11

परन्त जौन अपने भईया से अदावट धरत आय, बो मानो अंधियारे में आय, और ऊहां जौ पता नईंया कि कौन सी गैल धरें आय, कायसे अंधियारे में ऊहां कछु नईं सूझत।

- 1 यूहन्‍ना 2:8

अब मैं तुम हां नई अग्यां लिखत आंव; जौन परमेसुर ने तुम हां मानबे हां कहो आय; कायसे तुमाए हिये को अंधियारो मिटत जात आय, और सच्ची ज्योत अब तुम में चमकन लगी आय।

- 1 यूहन्‍ना 5:19

हम हां पता आय, कि हम परमेसुर पै बिसवास धरें आंय, और पूरे संसार के जनें शैतान छलिया की कई करत आंय।