- दूसरी कुरिन्थियों 3:1 - Bundeli Holy Bible

¹ का हम अपनी बड़वाई करन लगें? और का हम मनो सिफारिस की चिठिया बिलात जनों से लियाबें, और का तुम से लैबें?

- दूसरी कुरिन्थियों 3:1 ပူးပေါင်းရင်းမြစ်များ

- प्रेरितन के काम 18:27

जब ऊ ने ऊ पार अखाया हां जाबो चाहो, तो भाईयन ने ऊहां हिम्मत बंधाई और चेलन हां लिखो, की ऊ को सत्कार करियो और जब बो उते पोंचो, तो ऊ ने उन लोगन की बिलात मदद करी, जिन ने आसीस के द्वारा भरोसा करो हतो।

- रोमियों 16:1

मैं तुम से फीबे के लाने, जौन हमाई बैन और किंखिया की मण्डली की सेवा करबेवारी आय, बिन्तवाई करत आंव।

- पैली कुरिन्थियों 10:33

जैसो मैं सोई सबरी बातन में सबरन को खुस राखत आंव, और अपनो नईं, परन्त बिलात जन कौ फायदा सोचत आंव, कि बे तरन तारन पाबें।

- पैली कुरिन्थियों 16:3

और जब मैं आहों, तो जिन हां तुम चाहौ उनहां चिठिया देके पठै दें हों, कि तुमाओ दान यरूशलेम पोंचा दें।

- पैली कुरिन्थियों 3:10

परमेसुर की ऊ किरपा से, जौन मो पे भई, मैंने एक साजे कारीगर घांई नीं डाली आय, और दूसरो जनो चुनाई करत आय; परन्त हर एक मान्स हुंसयार रैबै, कि बो ऊ पे कैसी चुनाई करत आय।

- पैली कुरिन्थियों 4:15

कायसे मसीह के बारे में तुम हां सिखाबेवारे दस हजार लौ होते, परन्त तुमाए बाप कुल्ल जनें नईंयां, कायसे मसीह यीशु के भले सन्देसे हां सुनाबे से मैं तुमाओ बाप भओ।

- दूसरी कुरिन्थियों 10:12

हमाई जा हिम्मत नईंयां कि हम अपने हां उनके संग्गै गिनें, कि अपनो मिलान उनसे करें, जौन अपनी बड़बाई करत, और एक दूसरे से अपनो मिलान करके मूरख बनत आंय।

- दूसरी कुरिन्थियों 10:18

कायसे जौन अपनी बड़वाई करत आय, बो नईं, अकेले पिरभू जी की बड़वाई करे, ऊ ग्रहण करो जात आय।

- दूसरी कुरिन्थियों 10:8

कायसे जौन अधकार मोहां मिलो ऊकी बड़बाई करों, जौन पिरभू ने तुमाए बिगाड़बे हां नईं अकेले बनाबे हां दओ आय, तो लजा हों नईं।

- दूसरी कुरिन्थियों 12:11

मैं मूरख तो बनो, अकेले तुम ने मोसे जौ जबरई करवाओ: तुम हां तो मोरी बड़वाई करो चईये, कायसे मानो में कछु नईंयां, अकेले उन सब बड़े बड़े प्रेरितन से कोई बात में घट नईंयां।

- दूसरी कुरिन्थियों 12:19

तुम अब लौ समझत हुईयो के हम तुमाए सामूं जबाव दे रए आंय, हम परमेसुर हां सामूं जान के मसीह में बोलत आंय, और भईया हरौ, जे सबरी बातें तुमाए बढ़बे के काजें कैत आंय।

- दूसरी कुरिन्थियों 2:17

कायसे हम बिलात जनों जैसे नईंयां, जौन परमेसुर की बातन में कछु दूसरी बातें जोड़ देत आंय; अकेले हिये से, परमेसुर की बातें परमेसुर हां मानो सजीव देखत मसीह में कैत आंय।

- दूसरी कुरिन्थियों 5:12

अकेले हम तुमाए सामूं अपनी बड़वाई नईं करत, अकेले जो बात आय तुम उनहां बड़ी सान से बताओ, जौन मन में तो नईं, अकेले दिखाबेवारी बातन हां मानता देत आंय।