- दूसरी कुरिन्थियों 2:3 - Bundeli Holy Bible

³ जा बात मैंने तुम हां ईसें लिखी, कि ऐसो न होबे, मैं जब आओं तो जिन से मोरो जी ठण्डो होबो चईये, उनई से मोरो जी टूटे; कायसे मैं जौ जानत आंव, कि जौन बात से मोरो जी ठण्डो होत, ओई तुमाओ सब कौ हाल आय।

- दूसरी कुरिन्थियों 2:3 ပူးပေါင်းရင်းမြစ်များ

- पैली कुरिन्थियों 4:21

तुम का चाहत आव? कि मैं बुदरिया लैकें तुम लौ आंव या प्रेम और नरमता की आत्मा के संग्गै?

- दूसरी कुरिन्थियों 1:15

ऐई से मोरी चाहना हती कि पेंला तुम लौ आओं; कि तुम हां एक और बरदान मिलै।

- दूसरी कुरिन्थियों 1:23

मैं परमेसुर हां जान के जौ कैत आंव, कि मैं अबै लौ कुरिन्थुस में ईसे नईं आओ, कि मोहां तुम पै दया आत हती।

- दूसरी कुरिन्थियों 12:11

मैं मूरख तो बनो, अकेले तुम ने मोसे जौ जबरई करवाओ: तुम हां तो मोरी बड़वाई करो चईये, कायसे मानो में कछु नईंयां, अकेले उन सब बड़े बड़े प्रेरितन से कोई बात में घट नईंयां।

- दूसरी कुरिन्थियों 12:21

और मोरो परमेसुर कहूं मोहां फिन के तुम लौ आबै हों जोर देबे और मोहां फिन के बिलात जनों से दुख होबे, जीनें पेंला पाप करो हतो, और उन बुरए काज, परतिरिया संगत, और लुचपन से, जौन उन ने करे, मन न बदलो होबै।

- दूसरी कुरिन्थियों 13:10

ईसे में तुमाए पीठ पाछें जौ लिखत आंव, कि उते आके जौन अधकार मोहां मिलो आय जीहां पिरभू ने बिलोरबे हां नईं अकेले बनाबे हां मोहां दओ आय, कर्रे होकें कछु करने न पड़े।

- दूसरी कुरिन्थियों 2:9

मैंने तुम हां ईसे लिखो हतो, कि तुमाई जांच करों, कि तुम सबरी बातें मानबे हां राजी आंव, कि नईंयां।

- दूसरी कुरिन्थियों 7:12

फिन जौन मैंने तुम हां लिखो, ईसे नईं कि कोऊ से अन्याय करो, और न ऊके कारन जी पे अन्याय करो गओ, अकेले तुमाओ मन जौन हम पै आय, बो परमेसुर के सामूं तुम हां पता पड़ जाबे।

- दूसरी कुरिन्थियों 7:16

मोहां अच्छो लगो, कि तुमाई बातन से मोरी हिम्मत बंधी आय।

- दूसरी कुरिन्थियों 7:6

अकेले सूदे लोगन हां चैन दैबेवारे परमेसुर ने तीतुस के आबे से हम हां चैन दओ।

- दूसरी कुरिन्थियों 7:8

मैंने तो अपनी चिठिया से तुम हां दुख दओ, अकेले ईसे मोहां बुरओ नईं लगो जैसो पेंला लगत हतो, कायसे तुम हां ऊ चिठिया से बुरओ तो लगो अकेले बो छिन भरे को हतो।

- दूसरी कुरिन्थियों 8:22

हम ने ऊके संग्गै अपने भईयन हां पठैव आय, जीहां हम ने बेर बेर जांचो और अच्छो पाओ; अकेले ऊ को भरोसा तुम पे बिलात आय, और एईसे बो और खुस आय।

- गलतियों 5:10

मोहां पिरभु कींसो तुम पै ईमान आय, कि तुमाओ कोऊ ओर विचार नईंयां; अकेले जौन तुम हां बिलोर देत आय, बो कोऊ काय न होबै दण्ड पा है।

- 2 थिस्सलुनीकियों 3:4

हम हां तुम पै भरोसा आय, कि जौन जौन अग्यां हम तुम हां देत आंय, उन हां तुम मानत आव, और आगे हां ऐसई मानत रै हौ।

- फिलेमोन 1:21

तें मोरी बात मानत आय, ऐसो जानके और तो पै भरोसा धरके, मैंने जौ लिखो आय मोहां पता आय, कि तें मोरे कहे से बढ़के कर है।