- दूसरी कुरिन्थियों 2:12 - Bundeli Holy Bible

¹² जब मैं मसीह की बातें सुनात त्रोआस आओ, और पिरभु ने मोरे काजें एक द्वार खोलो।

- दूसरी कुरिन्थियों 2:12 ပူးပေါင်းရင်းမြစ်များ

- प्रेरितन के काम 14:27

उते पोंच के उन ने मण्डली हां जमा करो और जौन कछु परमेसुर ने उनके संग्गै करो हतो, ऊहां कह सुनाओ और जौ भी कि कैसे, परमेसुर ने गैर यहूदियन के लाने भरोसे कौ द्वार खोल दओ।

- प्रेरितन के काम 16:11

ई लाने त्रोआस हां छोड़के हम पानू की गैल से सूदे सुमात्राके लौ गए और दूसरे दिना नियापुलिस हां।

- प्रेरितन के काम 16:8

ई लाने बे मूसिया होत भए त्रोआस पोंचे।

- प्रेरितन के काम 20:8

जी अटारी में हम सबरे जुड़े हते, उते बिलात दिया जलत हते।

- रोमियों 1:1

पौलुस कुदाऊं से जौन यीशु मसीह कौ चाकर आय, और प्रेरित होबे हां बुलाओ गओ, और परमेसुर के ऊ भले सन्देसे के परचार के लाने नबेरो गओ आय।

- पैली कुरिन्थियों 16:9

कायसे मोरे लाने एक बड़ो और काम कौ दोरो खुलो आय, और बिरोधी बिलात के आंय।

- पैली कुरिन्थियों 9:12

और दूसरन कौ तुम पे जौ अधकार आय, तो का हमाओ ईसें अधक अधकार न हुईये? परन्त हम जौ अधकार काम में न लाएं; परन्त गम्म खात आंय, कि हम से मसीह के परचार में कोऊ रोक न होबे।

- पैली कुरिन्थियों 9:14

ऐई भांत से पिरभु ने सोई ठैराओ आय, कि जौन मान्स भलो सन्देसो सुनात आय, उन कौ पेट भरबो ओई से होबे।

- पैली कुरिन्थियों 9:16

और जदि मैं भलो सन्देसो सुनाओं, तो मोरो कछु घमण्ड नईं, कायसे जौ तो मोरे लाने जरूरी आय; और जदि मैं भलो सन्देसो न सुनाओं, तो मो पे हाय।

- दूसरी कुरिन्थियों 10:14

कायसे हम अपनी हद्द से बाहर अपने हां नईं उठाओ चाहत, जैसो तुम लौ न पोंचबे की दसा में होतो, अकेले मसीह के बचन सुनात तुम लौ आ चुके आंय।

- दूसरी कुरिन्थियों 11:4

कोऊ तुम लौ आके, कोऊ दूसरे यीशु को परचार करे, जी को परचार हम ने नईं करो: कि और कोई आत्मा तुम हां मिले; जौन पेंला नईं मिली; और कोई बचन जीऐ पेंला तुम ने नईं मानो, तो तुमाओ सैबो नोंनो रैतो।

- दूसरी कुरिन्थियों 11:7

ईमें मैंने कछु पाप करो; कि मैंने तुम हां यीशु के बचन सेंत मेंत सुनाए; अपने हां नेंचो करो, कि तुम ऊंचे हो जाओ?

- दूसरी कुरिन्थियों 4:3

अकेले हमाए परचार पै कछु परदा डलो आय, तो बो जौन नरक कुण्ड जाबेवारे आंय उन के लाने मानो डलो आय।

- दूसरी कुरिन्थियों 4:4

और जौन मान्सन ने बिसवास नईं करो, कायसे उन की बुद्धि हां ई संसार के ईसुर-शैतान छलिया ने अंधरया दओ आय, कि मसीह जौन परमेसुर आय, उनकी बातन को तेज उन पे अबै न पड़े।

- दूसरी कुरिन्थियों 8:18

हम ने ऊके संग्गै एक भईया हां पठैव आय, जी को नाओं बचन की सेवा में सब मंडलियन में जानो भओ आय।

- दूसरी कुरिन्थियों 9:13

कायसे इन काजन की चरचा करके परमेसुर बड़वाई करत आंय, कि तुम मसीह के बचनन हां मानके ऊ को कहो करत आव, और सबरन की मदद करबे में आगे रैत आव।

- कुलुस्सियों 4:3

और हमाए काजें सोई बिन्तवारी करो, कि परमेसुर हमाए लाने बचन सुनाबे हां ऐसो द्वार खोल देबे, कि हम पिरभू यीशु मसीह की कथा सुनात रएं, जीके काजें मैं जेहल में आंव।

- 1 थिस्सलुनीकियों 3:2

और हम ने तीमुथियुस हां जौन यीशु मसीह में हमाओ भईया, और परमेसुर को बचन परचार करबेवारे आंय, तुम लौ पठैव कि बो तुम हां बिसवास में पक्को करे।