- दूसरी कुरिन्थियों 12:4 - Bundeli Holy Bible

⁴ कि सरग लोक लौ उठा लओ गओ, उते ऐसो बतकाओ सुनो जौन कै नईं सकत; और उन बातन को मों पे लियाबो मान्स के लाने साजो नईंयां।

- दूसरी कुरिन्थियों 12:4 ပူးပေါင်းရင်းမြစ်များ

- लूका 23:43

यीशु ने ऊसे कओ, मैं तोसे सांसी कैत आंव; आजई तें मोरे संग्गै सरग लोक में हुईये।

- प्रेरितन के काम 8:39

जब बे पानू में से कड़ के ऊपर आए, तो पिरभु कौ आत्मा फिलिप्पुस हां उठा ले गओ, और खोजे ने ऊहां फिन न तको, और खोजा अपनी गैल पे खुसी खुसी चलो गओ।

- पैली कुरिन्थियों 13:1

जदि मैं मान्सन और सरगदूतन की बोलियां बोलों, और प्रेम न धरों, तो मैं ठनठानात भओ पीतल, और झनझानात भई झांझ आंव।

- दूसरी कुरिन्थियों 12:2

मैं मसीह में एक जनें हां जानत आंव, चौदह बरस भए पता नईंया कि देह के संग्गै, और देह बिना, परमेसुर जानत आय, ऐसो जनों तीसरे सरग लौ उठा लओ गओ।

- 1 थिस्सलुनीकियों 4:17

और ईके पाछें हम जौन जियत हुईयें और संसार में बचे रै हैं, उनके संग्गै बादरन पै उठा लय जै हैं, कि हवा में पिरभू से जुड़े, और फिन हम पिरभू के संग्गै रै हैं।

- यूहन्‍ना के दरसन कौ खुलासा 12:5

ऊ को लड़का भओ जो सब राज्य और जातियन पै लोहे के राजदण्ड से राज करबे पै हतो, और ऊ को बच्चा परमेसुर के सिंहासन लौ एकाएक पोंचा दओ गओ।

- यूहन्‍ना के दरसन कौ खुलासा 2:7

जीके कान होबें, बे सुन लेबें कि आत्मा मण्डलियन से का कैत आय: कि जो जय पाबै, मैं ऊहां जीवन दैबेवारे पेड़ में से जो परमेसुर के सरगलोक में लगो आय, ऊके फल खैबे हां दै हों।