- दूसरी कुरिन्थियों 12:21 - Bundeli Holy Bible

²¹ और मोरो परमेसुर कहूं मोहां फिन के तुम लौ आबै हों जोर देबे और मोहां फिन के बिलात जनों से दुख होबे, जीनें पेंला पाप करो हतो, और उन बुरए काज, परतिरिया संगत, और लुचपन से, जौन उन ने करे, मन न बदलो होबै।

- दूसरी कुरिन्थियों 12:21 ပူးပေါင်းရင်းမြစ်များ

- रोमियों 13:13

जैसो दिन में सई लगत आय, ऊं सई हम सूदरी चाल चलें; न अपनी मनमौजीपन में, न परतिरिया भोग में, न दारूबाजी, न लुच्चपन में, न लड़ाई झगड़ा न डाह में।

- रोमियों 9:2

कि मोय बड़ो दुख आय, और मोरो हिया हमेसा दुखत रैत आय।

- पैली कुरिन्थियों 5:1

इतै लौ सुनबे में आत आय, कि तुम में कुकर्म होत आय, ऐसो पाप जौन दूसरी जातवारन में लौ नईं होत, कि एक जनो अपने बाप की घरवारी हां राख लेत आय।

- दूसरी कुरिन्थियों 10:6

और हम तईयार रैत आंय कि जब तुम मसीह की अग्यां मानबो पूरो कर लेओ, तो जौन अग्यां तुम ने नईं मानी उनको बदला लेबें।

- दूसरी कुरिन्थियों 12:7

और ऐसो न होबे कि जौन जोत मैंने पाई बिलात होबे से मैं फूल जाओं, मोरी देह में एक कांटा लगाओ गओ, कि शैतान छलिया को एक दूत मोहां घूंसा मारै कि मैं फूल न जाओं।

- दूसरी कुरिन्थियों 13:2

जैसे मैं जब दूसरी बेर तुमाए संग्गै हतो, मानो दूर रैत भए उन से जिन ने पेंला पाप करो, और दूसरे लोगन से अब पेंला से कय देत आंव, कि मैं फिन आहों, तो अब न छोड़ हों।

- दूसरी कुरिन्थियों 8:24

अपनो प्रेम और हम ने जौन बड़वाई तुमाए काजें करी मण्डलियन के सामूं इन बातन हां पक्को दिखाओ।

- गलतियों 5:19

मन के काज ऐसे आंय, जैसे परतिरिया संगत, गन्दे काम, लुच्चाई।

- कुलुस्सियों 3:5

सो अब अपनी देह की अभलाखा हां पूरो न करो, परतिरिया संगत करबे की अभलाखा और गन्दे काम, बुरय विचार, और दूसरन की बस्तन को लालच न करो, कायसे जे सब मूरत की पूजा जैसे आंय।

- इब्रानियों 13:4

ब्याव हां आदर की बात सोचो, और ब्याव में अपनी संग्गी हां धोखो न दईयो; कायसे एक दिना परमेसुर परतिरिया संगत करबेवारन को न्याय कर हैं।

- 2 पतरस 2:18

बे बेकार की घमण्ड की बातें कर कर के ओछे कामन से, उन मान्सन हां देयां की अभलाखा में फंसा लेत आंय, जौन हिराए भए में से अबै कड़ई रए आंय।

- यहूदा 1:23

और बहुतई जन हां नरक की आग से खींच लेओ, और बहुतई जन हां नरक के मों से बचावे की सोचो; और जौन जने पापन में भिड़ाने आंय उनके उन्ना हां न छियो।

- यहूदा 1:7

जैसे सदोम और अमोरा और उनके ऐंगर के नगर, परमेसुर हां छोड़ के दूसरे हां मानन लगे हते और परतिरिया के पाछें पड़े हते, उन हां आग में बार दओ हम उन से सीख लेबें।

- यूहन्‍ना के दरसन कौ खुलासा 21:8

परन्त जो डरपोकों, और बिसवास नईं करबेवारे, और मलिच्छ, और हत्यारे, और परतिरिया संगत करबेवारो, और टोना टोटका करबेवारो, और मूरत हां पूजबेवारो, और सब झूठ कौ भाग ऊ झील में मिल है, जो आग और गंधक से जलत रैत आय: जा दूसरी मौत आय।

- यूहन्‍ना के दरसन कौ खुलासा 22:15

परन्त कुत्ता, और टोना टोटका करबेवारे, परतिरिया संगत करबेवारे, हत्या करबेवारे, मूर्ती पूजा करबेवारे, और झूठ बोलबे की चाहना करबेवारे और झूट बनाबेवारे बायरें रै हैं।

- यूहन्‍ना के दरसन कौ खुलासा 22:20

जो इन बातन की गवाह देत आय, बो ऐसो कैत आय, हओ, मैं जल्दी आबेवारो आंव। आमीन। हे पिरभू यीशु आओ।