- दूसरी कुरिन्थियों 12:20 - Bundeli Holy Bible

²⁰ कायसे मोहां डर आय, कहूं ऐसो न होबे, कि मैं आके जैसो चाहत आंव, और जैसो तुम हां नईंर् चाहत ऊंसई पाओं; और मोय सोई जैसो तुम नईं चाहत वैसो पाओ, कि तुमाए भीतरै लड़ाई, बैर, गुस्‍सा करबो, दूसरन को बिरोध, जलन, चुगली करबो, अभमान और बखेड़े होबें।

- दूसरी कुरिन्थियों 12:20 ပူးပေါင်းရင်းမြစ်များ

- रोमियों 1:29

ई लाने बे सब भांत के पाप, और दुष्टता, और लोभ लालच, और बैरभाव से भर गए; और डाह, और हत्या, और झगड़े, और छल कपट, और जलन से भरपूर हो गए, और चुगलखोर।

- रोमियों 1:30

बदनामी करबेवारे, परमेसुर के देखबे में घिना, दूसरन कौ मान न करबेवारे, घमण्डी, डींगमार, बुरई बुरई बातन के बनाबेवारे, मताई-बाप कौ कओ न करबेवारे।

- रोमियों 2:8

और जौन बकवादी आंय, और सत्त हां नईं मानत, पर अधर्म हां मानत आंय, उन पे क्रोध और कोप पड़ है।

- पैली कुरिन्थियों 1:11

कायसे भईया हरौ, मोहां खलोए के घरवारन ने तुमाए बारे में जौ बताओ आय, कि तुम में आपस में न्याव होत आय।

- पैली कुरिन्थियों 14:33

कायसे परमेसुर बिगाड़ करबेवारो नईंयां, परन्त सान्ति देबेवारो आय; जैसो पवित्तर मान्सन की सबरी समाजों में आय।

- पैली कुरिन्थियों 5:2

तुम हां ई पाप से सरम लौ नईं आत, कि ऐसे काज के करबेवारे हां अपने बीच से काड़ बायरें करो, पर तुम तो मूड़ ऊंचो कर के निगत आव।

- दूसरी कुरिन्थियों 1:23

मैं परमेसुर हां जान के जौ कैत आंव, कि मैं अबै लौ कुरिन्थुस में ईसे नईं आओ, कि मोहां तुम पै दया आत हती।

- दूसरी कुरिन्थियों 10:2

मैं जा बिन्तवारी करत आंव, कि तुमाए संग्गै मोहां निधड़क होकें ऐसो नईं करने आय; जैसे बिलात जनें हम हां अपने मन से चलबोवारो मानत आंय, बल से बात करो चाहत आंव।

- दूसरी कुरिन्थियों 10:6

और हम तईयार रैत आंय कि जब तुम मसीह की अग्यां मानबो पूरो कर लेओ, तो जौन अग्यां तुम ने नईं मानी उनको बदला लेबें।

- दूसरी कुरिन्थियों 12:21

और मोरो परमेसुर कहूं मोहां फिन के तुम लौ आबै हों जोर देबे और मोहां फिन के बिलात जनों से दुख होबे, जीनें पेंला पाप करो हतो, और उन बुरए काज, परतिरिया संगत, और लुचपन से, जौन उन ने करे, मन न बदलो होबै।

- दूसरी कुरिन्थियों 13:2

जैसे मैं जब दूसरी बेर तुमाए संग्गै हतो, मानो दूर रैत भए उन से जिन ने पेंला पाप करो, और दूसरे लोगन से अब पेंला से कय देत आंव, कि मैं फिन आहों, तो अब न छोड़ हों।

- दूसरी कुरिन्थियों 2:1

मैंने अपने जी में जौ पक्को कर लओ हतो कि फिन से तुम लौ दुखी होकें न आओं।

- गलतियों 5:15

अकेले तुम एक दूजे हां दांत से काटत आव और फाड़बे हां फिरत आव, सूदे रओ, कि एक दूजे हां सत्यानास न कर देओ।

- गलतियों 5:26

हम अपने हां बड़ो सोच के एक दूजे हां परेसान न करें, और एक दूसरे को बुरओ न चाहें।

- याकूब 4:11

हे भईया हरौ, एक दूजे पे दोस न मढ़ो, जौन अपने भाईया की बदनामी करत आय, ऊ भाई पे दोष मढ़त आय, बो कानून धरम पे दोस लगात आय; और जदि तें कानून धरम पे दोस लगात आय, तो तें कानून धरम पे चलबेवारो नईंयां, पर ऊ पे हाकम ठैरो।

- 1 पतरस 2:1

ई लाने सब भांत कौ बैरभाव और छल और कपट और जरुआपन और बदनामी हां अलग कर के।

- 2 पतरस 2:18

बे बेकार की घमण्ड की बातें कर कर के ओछे कामन से, उन मान्सन हां देयां की अभलाखा में फंसा लेत आंय, जौन हिराए भए में से अबै कड़ई रए आंय।

- यहूदा 1:16

इनहां कोऊ बात में संतोस नईंयां, जे कुड़कुड़ात, और अपनी बुरई मन्सा से काम करत आंय; और बिलात बड़वाई की बातें करत आंय; और फायदे के लाने मों पै मान्सन की बड़वाई करत आंय।