- दूसरी कुरिन्थियों 11:23 - Bundeli Holy Bible

²³ (मैं पगला घांई कैत आंव) मैं उनसे बढ़के आंव! बिलात मैनत करे में; बेर बेर जेहल जाबे में; कोड़ा घले में; बेर बेर मरत मरत बचो।

- दूसरी कुरिन्थियों 11:23 ပူးပေါင်းရင်းမြစ်များ

- प्रेरितन के काम 14:19

पर अन्ताकिया और इकुनियुम से यहूदी आए और भीड़ हां अपनी कोद करके, पौलुस हां पत्थरवाह करो, और ऊहां मरो भओ जानके नगर के बायरें घसीट लै गए।

- प्रेरितन के काम 20:23

केवल जौ की पवित्र आत्मा हरएक नगर में मोय गवाही दैके कहत आय, की बेड़ियां और दुख पीड़ा तोरी बाट जोह रए आंय।

- प्रेरितन के काम 21:11

हमाए ऐंगर आके ऊ ने पौलुस को करियाई कौ फेंटा लओ, और अपने हाथ गोड़े बांधके कई; पवित्र आत्मा जौ कहत आय, जी मान्स कौ जो करियाई कौ फेंटा आय, ऊहां यरूशलेम में यहूदी ऐई तरहां बांध हैं, और अन्यजातियन के हाथ में दें हैं।

- प्रेरितन के काम 25:14

जब कि उन हां उते बिलात दिना बिताने हते, तो फेस्तुस ने पौलुस कौ मुकदमा राजा के आंगू पेस करके कई; इते एक मान्स आय, जीहां फेलिक्स हिरासत में छोड़ गओ आय।

- प्रेरितन के काम 27:1

जब जौ ठहराओ गओ, की हम जहाज से इतालिया जाबें, तो उन ने पौलुस और दूसरे कैदियन हां राजसी सैनिक दल के संग्गै यूलियुस नाओं के एक सूबेदार हां सौंप दओ।

- प्रेरितन के काम 28:16

जब हम रोम में पोंचे, तब पौलुस हां एक सिपाही के संग्गै, जौन ऊ की चौकीदारी करत हतो, अलग रहबे की मंजूरी दई गई।

- प्रेरितन के काम 28:30

पौलुस अपने भाड़े के घर में दो बरस लौ रहो।

- प्रेरितन के काम 9:16

और मैं ऊहां बता हों, कि ऊहां मोरे नाओं के काजें कैसे कैसे दुख पीड़ा उठाबे पड़ हैं।

- रोमियों 8:36

जैसो कि लेख आय, तोरे लाने हम दिनभर घात करे जात आंय; हम सब मारे जाबेवारी गाड़रन के भांत हो गए आंय।

- पैली कुरिन्थियों 15:10

परन्त मैं जो कछु आंव, परमेसुर की दया से आंव: और उनकी जौन दया मो पे भई आय, बा अकारथ नईं गई; परन्त मैंने उन सबरन से बढ़के मैनत सोई करी: जानो कि जौ मोरी कुदाऊं से नईं भओ परन्त परमेसुर की दया से जौन मो पे हती।

- पैली कुरिन्थियों 3:5

अपुल्लोस का और पौलुस का आंय? बस चाकर, जिनके द्वारा तुम ने बिसवास करो, जैसो हर एक हां पिरभु ने दओ।

- पैली कुरिन्थियों 4:1

मान्स हम हां मसीह के चाकर और परमेसुर की लुकी भई बातन के जानबेवारे मानें।

- पैली कुरिन्थियों 4:11

हम अबै लौ भूखे प्यासे और उधाड़े आंय, घूंसा खात आंय और भैराने से फिरत आंय; अपने ई हाथन से काम करके मैनत करत आंय।

- पैली कुरिन्थियों 4:9

मोहां ऐसो लगत आय कि परमेसुर ने हम चेलन हां सबके पाछें उन मान्सन घांई ठैराओ आय, जिनहां मार डालबे कौ हुकम हो चुको होबे; कायसे हम संसार और सरगदूतों और मान्सन के लाने एक तमासा ठैरे आंय।

- दूसरी कुरिन्थियों 10:7

तुम इनई बातन हां हेरत आव, जौन आंखन के सामूं आंय, कोई हां भरोसा होबे कि बो मसीह को आय, तो ऊहां जौ सोई पता होबे, कि जैसो बो मसीह कौ आय, ऊंसई हम सोई आंय।

- दूसरी कुरिन्थियों 11:5

मैं तो समझत आंव, कि में दूसरे बड़े प्रेरितन में से घट नईंयां।

- दूसरी कुरिन्थियों 3:6

जिन ने हम हां नये नियम के चाकर लाक बनाओ, अक्षरन के चाकर नईं केबल आत्मा के चाकर; कायसे अक्षर तो मारत आय, पे आत्मा जिलात आय।

- दूसरी कुरिन्थियों 4:11

कायसे हम जीयत यीशु के कारण मानो मरबे हां तईयार रैत आंय, कि यीशु को दओ जीवन हमाई मरबेवारी देह से उजागर होबे।

- दूसरी कुरिन्थियों 6:9

मानो कोऊ जानत नईंयां; अकेले सब जानत आंय; मरत जैसे आंय और तको जीयत आंय; ठुकत पिटतवारे जैसे आंय अकेले जान से नईं मरत।

- गलतियों 6:17

आगे कोऊ मोहां परेसान नईं करे, कायसे मैं यीशु की चिनानी हां अपनी देह में लगाए फिरत आंव।

- इफिसियों 3:1

ऐईसे में पौलुस जौन तुम अन्य जातियन के काजें मसीह यीशु को दास आंव।

- इफिसियों 4:1

मैं जौन पिरभू में बंधुआ आंव तुम से बिन्तवाई करत आंव, कि जी काजें तुमाओ बुलऊ आ भओ आय, ऊ की जैसी चाल चलो।

- इफिसियों 6:20

कि जब मैं बचन हां बड़ी हिम्तत से, बिना डर के सुनाओं।

- फिलिप्पियों 1:13

इते लौ कि रोम के राजा कैसर की पूरी पलटन वारन हां जौ पता आय, कि मैं पिरभू यीशु मसीह के लाने ई जेहल में आंव।

- फिलिप्पियों 2:17

तुमाए बिसवास जीमें तुम ने दुख उठाओ और मारे गए ऊके संग्गै मोहां मरने पड़ो तो मोहां आनन्द हुईये।

- कुलुस्सियों 1:24

अब जौन दुख मोहां तुमाए काजें भओ ऊ पे मोहां खुसी आय, और मैं अब उनकी कलीसिया के लाने दुख सहबे हां राजी आंव।

- कुलुस्सियों 1:29

ऐई से मैं बहुतई मैनत करत आंव जौन मोहां उनसे मिलत आय।

- 1 थिस्सलुनीकियों 3:2

और हम ने तीमुथियुस हां जौन यीशु मसीह में हमाओ भईया, और परमेसुर को बचन परचार करबेवारे आंय, तुम लौ पठैव कि बो तुम हां बिसवास में पक्को करे।

- 1 तीमुथियुस 4:6

तें भईयन हां समझा के इन बातन की याद करा, तो तें यीशु मसीह को अच्छो सेवा करबेवारो हुईये: और बिसवास की बातन हां और जौन बातें सिखाई गई आंय, और जिन हां तें मानत आय, तें बढ़त रै है।

- 2 तीमुथियुस 1:16

उनेसिफुरुस के घर के जनन पे प्रभु दया करें, कायसे ऊने कई बेरा मोरे हिये हां मानो ठण्डो करो, और मैं जेहल में आंव ईसे नईं सरमाओ।

- 2 तीमुथियुस 1:8

सो परमेसुर की गवाही से, और मोरे से जो उनके नाओं से जेहल में आंव, लजाईयो न, परन्त मोरे संग्गै सेवा में दुख उठाबे हां तईयार रै।

- 2 तीमुथियुस 2:9

उनईं बातन पै मैं बुरय मान्सन जैसो दुख उठा रओ आंव, इते लौ कि जेहल में आंव; परन्त परमेसुर कौ बचन खुलो आय।

- 2 तीमुथियुस 3:11

और ऐसे कठन दुखन में जौन अन्ताकिया, इकुनियम और लुस्त्रा में मोपे भए और दुख जौन मैंने उठाए हैं; उन सबरन से प्रभु ने मोहां छुड़ाओ।

- फिलेमोन 1:9

मैं बूढ़ो पौलुस जौन यीशु मसीह के नाओं के कारण अबै जेहल में आंव, ऐसो साजो लगो कि तुम से प्रेम से कहों।

- इब्रानियों 10:34

जौन जनें जेहल में डाले गए उन पै तुम ने दया करी, और जब मान्सन ने तुमाई चीज बस्तें ले लईं; तब तुम चिमाने रए, कायसे तुम हां पता हतो कि तुमें ईसे बढ़िया और हमेसा बनी रैबैवारी बस्तें मिल हैं।