- दूसरी कुरिन्थियों 11:15 - Bundeli Holy Bible

¹⁵ सो शैतान के जनें सोई धरम के चाकरन घाईं दिखाबें, तो कोई बड़ी बात नईंयां, अकेले उनको अन्त उन के काजन जैसो हुईये।

- दूसरी कुरिन्थियों 11:15 ပူးပေါင်းရင်းမြစ်များ

- प्रेरितन के काम 13:10

सबई छल और मूरखता से भरे हे शैतान की लड़ेर, तें जौन सब धर्मन कौ बैरी आय, का तें प्रभु की सूदी गैल हां टेड़ो करबो न छोड़ है?

- रोमियों 2:6

बो सबको उन के कामन के अनसार न्याय कर है।

- रोमियों 3:8

हम काय बुराई न करें, कि भलाई कड़े? जब हम पे जौई लांछन लगाओ सोई जात आय, कछु जनें ऐसई लांछन बेर बेर लगात आंय, ऐसन हां दोषी कओ जाबो सई आय।

- पैली कुरिन्थियों 9:11

सो जब हमने तुमाए लाने आत्मिक बस्तें बोईं, तो का जा कोई बड़ी बात आय, कि तुमाई बे बस्तें जौन हम हां जरूरी आंय तुम से चाहना करें।

- दूसरी कुरिन्थियों 11:13

कायसे ऐसे जनें झूठे प्रेरित, और धोखा को काम करबेवारे, और मसीह के प्रेरितों को रूप धरें आंय।

- दूसरी कुरिन्थियों 11:23

(मैं पगला घांई कैत आंव) मैं उनसे बढ़के आंव! बिलात मैनत करे में; बेर बेर जेहल जाबे में; कोड़ा घले में; बेर बेर मरत मरत बचो।

- दूसरी कुरिन्थियों 3:9

कायसे जब दोषी ठहराबे वाली नैम ऐसी उजरी हती, तो जौन नैम धरमी बनात आय बो और उजरी हुईये?

- इफिसियों 6:12

कायसे हमाई लड़ाई मान्सन से नईंयां, परन्त हमाई लड़ाई शैतान और अंधियारे के जोर से आय, जौन आकास में आय।

- फिलिप्पियों 3:19

उन हां एक दिना खतम हो जाने आय, उनको पेट उन कौ ईसुर आय, और जिन बातन से सरम आओ चईये उनईं पै बे गरब करत आंय, उनको मन संसार की बस्तन पै लगो रैत आय।

- 2 पतरस 2:3

बे लालच में आके लबरी बातें बना हैं और तुम हां अपने फायदा कौ कारन बना हैं, दण्ड़ कौ हुकम जो उन पे पेंला से हो चुको आय, और ऊके आबे में देर नईंयां, उन कौ नास झट्टई होबेवारो आय।

- यहूदा 1:4

कायसे कछु जनें चुपके से हमाए संग्गै जुड़ गए आंय, जिन हां पैले से लिखो आय कि उन हां दण्ड दओ जाबै, कायसे बे सच्चे नईयां, और परमेसुर की दया हां छोड़ बुरय कामन में लगे रैत आंय, और हमाए महाबली मालक और पिरभु यीशु मसीह हां नईं मानत।

- यूहन्‍ना के दरसन कौ खुलासा 13:14

जौ जनावर धरती पै रैबेवारन हां मूरख बनात हतो, और उन बेजा काम हां जौ ऊ जनावर के बल से करत हतो, और संसार के मान्सन से कैत हतो, कि बो जनावर जीहां घाव हो गओ हतो बो अच्छो हो गओ आय, सो तुम ऊ की मूरत बनाओ, और ऊ की पूजा करो।

- यूहन्‍ना के दरसन कौ खुलासा 13:2

और जो जनावर मैंने हेरो, बो चीता जैसो हतो; और ऊके गोड़े भालू जैसे, और मों नाहर जैसो हतो; और अजगर ने अपनो अधकार और राज ऊहां दे दओ।

- यूहन्‍ना के दरसन कौ खुलासा 9:11

अथाह कुण्ड को दूत उन पै राजा हतो, ऊ को नाओं इब्रानी बोली में अबद्दोन, और यूनानी बोली में अपुल्लयोन हतो।