- दूसरी कुरिन्थियों 10:7 - Bundeli Holy Bible

⁷ तुम इनई बातन हां हेरत आव, जौन आंखन के सामूं आंय, कोई हां भरोसा होबे कि बो मसीह को आय, तो ऊहां जौ सोई पता होबे, कि जैसो बो मसीह कौ आय, ऊंसई हम सोई आंय।

- दूसरी कुरिन्थियों 10:7 ပူးပေါင်းရင်းမြစ်များ

- मत्ती 23:5

बे अपने सब काम मान्सन हां दिखाबे के लाने करत आंय: बे अपने ताबीजन हां चौंड़ो करत, और अपने उन्ना की कोरे लम्बी करत आंय।

- लूका 16:15

यीशु ने उन से कओ; तुम तो मान्सन के सामूं अपने आप हां धरमी ठैरात आव: पर परमेसुर तुमाए हिया हां जानत आय, कायसे जौन बस्त मान्सन के लेखे जसवारी आय, बो परमेसुर के लेखे ओछी आय।

- यूहन्‍ना 7:24

मों देखो न्याव न करियो, परन्त धर्म से न्याव करो।

- पैली कुरिन्थियों 1:12

मोरो कैबो जौ आय, कि तुम में से कोऊ तो अपने आप हां पौलुस कौ, कोऊ अपुल्लोस कौ, कोऊ कैफा कौ, कोऊ मसीह कौ कैत आय।

- पैली कुरिन्थियों 14:37

जदि कोऊ मान्स अपने हां अगमवकता या आत्मिक जनो समजे, तो जौ जान लेबे, कि जौन बातें मैं तुम हां लिखत आंव, बे पिरभु के हुकम आंय।

- पैली कुरिन्थियों 15:23

परन्त सबई कोई अपनी अपनी बेरा पे; पैलो फल मसीह; फिन मसीह के आबे पे उनके जनें।

- पैली कुरिन्थियों 3:23

और तुम मसीह के आव, और मसीह परमेसुर कौ आय।

- पैली कुरिन्थियों 9:1

का मैं छूट्टा नईंयां? का मैं चेला नोंई? का मैंने यीशु को जौन हमाओ पिरभु आय, नईं तको? का तुम पिरभु में मोरे बनाए नईंयां?

- दूसरी कुरिन्थियों 10:1

मैं ओई पौलुस जौन तुमाए सामूं दीन आंव, अकेले तुमाए पीठ पाछें तुम पै कैबे की हिम्मत करत आंव; कि तुम हां मसीह जैसी दीनता, और सादे मन से समझात आंव।

- दूसरी कुरिन्थियों 11:18

बिलात जनें संसारी जैसी बड़वाई करत आंय, तो मैं सोई बड़वाई कर हों।

- दूसरी कुरिन्थियों 11:23

(मैं पगला घांई कैत आंव) मैं उनसे बढ़के आंव! बिलात मैनत करे में; बेर बेर जेहल जाबे में; कोड़ा घले में; बेर बेर मरत मरत बचो।

- दूसरी कुरिन्थियों 11:4

कोऊ तुम लौ आके, कोऊ दूसरे यीशु को परचार करे, जी को परचार हम ने नईं करो: कि और कोई आत्मा तुम हां मिले; जौन पेंला नईं मिली; और कोई बचन जीऐ पेंला तुम ने नईं मानो, तो तुमाओ सैबो नोंनो रैतो।

- दूसरी कुरिन्थियों 12:11

मैं मूरख तो बनो, अकेले तुम ने मोसे जौ जबरई करवाओ: तुम हां तो मोरी बड़वाई करो चईये, कायसे मानो में कछु नईंयां, अकेले उन सब बड़े बड़े प्रेरितन से कोई बात में घट नईंयां।

- दूसरी कुरिन्थियों 13:3

तुम चाहत आव कि मैं बताओं के मसीह मोसे बात करत आय, जौन तुमाए बीच कमजोर नईं; अकेले बली आय।

- दूसरी कुरिन्थियों 5:12

अकेले हम तुमाए सामूं अपनी बड़वाई नईं करत, अकेले जो बात आय तुम उनहां बड़ी सान से बताओ, जौन मन में तो नईं, अकेले दिखाबेवारी बातन हां मानता देत आंय।

- गलतियों 3:29

तुम यीशु के हो गए, तो इब्राहीम के वंस के और प्रतिज्ञा जौन दई हती ऊके हक्कदार हो गए।

- 1 यूहन्‍ना 4:6

हम तो परमेसुर के जनें आंय, जौन परमेसुर हां नईं चीनत आंय बो हमाई बातन हां नईं सुनत; ऐईसे हम सत्त के जनें और भरम में पड़े जनें हां चीन लेत आंय।