6 पर संतोस के संग्गै भक्ति बड़ी कमाई आय।
और यीशु ने ऊसे कओ, होसयार रओ, और सब भांत के लोभ लालच से अपने हां बचाए रखो: कायसे कोई कौ जीवन ऊ की मालपानू के अधक होबे से नईं होत।
और सिपाहियन ने सोई ऊसे जौ पूंछो, हम का करें? ऊ ने उन से कओ, कोऊ पे उपद्रव न करियो, और न लबरो लांछन लगाईयो, और अपनी मजूरी में खुस रहियो।
हम जानत आंय, कि जौन जनें परमेसुर से प्रेम राखत आंय, उन के लाने सबरी बातें भलाई हां उत्पन्न करत आंय, जाने के उनईं के लाने जौन ऊ की मन्सा अनसार टेरे गए आंय।
कायसे हमाओ छिन भरे की परेसानी हमाए काजें खास मान देत आय।
कायसे मोरे लाने जब लौ जीयत रओं तो पिरभू के लाने आय, और मर गओ तो और भी बढ़िया आय।
कायसे दैहिक कसरत ज्यादा फायदा नईं करत आय, परन्त भक्ति सबरी बातन में फायदे की होत आय, ई बेरा में, और आबेवारे दिना में सोई।
और जदि हमाए ऐंगर खाबे और पहनबे को होबै, तो इनईं पर संतोस करो चईये।
रुपईया पईसा को लालच न करियो, और जो कछु तुम लौ आय, ऊ पै सन्तोष करियो; कायसे पिरभू ने कई आय, कि बे तुम हां कभऊं न छोड़ है।
