- 1 तीमुथियुस 6:4 - Bundeli Holy Bible

⁴ तो बो घमण्डी हो गओ, और कछु नईं जानत, पर ऊहां बिवाद और शब्दों पै बहस करबे कौ रोग आय, जिन से डाह, और लड़ाई, और निन्दा की बातें, और बुरय बुरय शक।

- 1 तीमुथियुस 6:4 ပူးပေါင်းရင်းမြစ်များ

- प्रेरितन के काम 15:2

जब पौलुस और बरनाबास और उन में से कछु लोग हां ई बात पै बतकाव भओ, तब जा विचारो, कि पौलुस और बरनाबास और कछु लोग ई बारे में प्रेरितन और सियानन के ऐंगर यरूशलेम जाबें।

- प्रेरितन के काम 18:15

पर अगर जौ बतकाव बोलन और नाओं, और तुमाई रीतियन के बारे में आय, तो तुमई जानो; मैं इन बातन कौ न्यायी नईं बनबो चाहत।

- प्रेरितन के काम 8:9

ई से पेंला ऊ नगर में शमौन नाओं को एक मान्स हतो, जौन जादू टोना कर के सामरिया के मान्सन हां चकित करत हतो और अपने आप हां बड़ो जनो बनात हतो।

- रोमियों 12:16

आपस में एक सो मन धरो; अभिमानी न बनो; परन्त दीनों के संग्गै मेल जोल धरो; अपने लेखे बड़वाई न करो।

- रोमियों 13:13

जैसो दिन में सई लगत आय, ऊं सई हम सूदरी चाल चलें; न अपनी मनमौजीपन में, न परतिरिया भोग में, न दारूबाजी, न लुच्चपन में, न लड़ाई झगड़ा न डाह में।

- रोमियों 14:1

जौन बिसवास में कमजोर होबै, उन हां अपनी संगत में ले लेओ; परन्त उन के सक सन्देह पर बतकाओ के लाने नईं।

- रोमियों 2:8

और जौन बकवादी आंय, और सत्त हां नईं मानत, पर अधर्म हां मानत आंय, उन पे क्रोध और कोप पड़ है।

- पैली कुरिन्थियों 11:16

परन्त जदि कोई बात बतकाओ करो चाए, तो बो जौ जान लैबे कि हमाई और न परमेसुर की मण्डली की ऐसी रीत आय।

- पैली कुरिन्थियों 11:18

कायसे कि पैले तो मैं जौ सुनत आंव, कि जब तुम मण्डली में जुड़त आव, तो तुमए बीचा फूट रैत आय और मैं कछु कछु सांची सोई मानत आंव।

- पैली कुरिन्थियों 3:18

कोऊ अपने आप हां धोखा न देबे: जदि तुम में से कोऊ ई संसार में अपने आप हां ज्ञानी समझे, तो मूरख बने; कि ज्ञानी हो जाबै।

- पैली कुरिन्थियों 3:3

कायसे तुन अब लौ सारीरिक आव, कि जब तुम में जलन और झगड़ा आय, तो का तुम सारीरिक नईंयां? और मान्सन जैसी गैल नईं निंगत?

- दूसरी कुरिन्थियों 11:20

कायसे जब तुम हां कोऊ दास बना लेत आय, या खा जात आय, या फंसा लेत आय, या अपने हां बड़ो कैत आय, या तुमाए मों पे थप्पड़ मारत आय, तो तुम सह जात आव।

- गलतियों 5:15

अकेले तुम एक दूजे हां दांत से काटत आव और फाड़बे हां फिरत आव, सूदे रओ, कि एक दूजे हां सत्यानास न कर देओ।

- गलतियों 5:26

हम अपने हां बड़ो सोच के एक दूजे हां परेसान न करें, और एक दूसरे को बुरओ न चाहें।

- गलतियों 6:3

कायसे कोऊ कछु न होबे पै अपने हां कछु सोचे, तो अपने हां धोखा देत आय।

- फिलिप्पियों 1:15

जा सोई सांची आय कि कित्ते जन जलन से और कित्ते भली मनसा से बचन सुनात आंय।

- फिलिप्पियों 2:14

सबरे काम बिना कुड़कुड़ाए और बिना कछु कहे करो।

- फिलिप्पियों 2:3

अपनी बड़वाई के लाने और कोई के बिरोध में कछु न करो परन्त दूसरन हां अपने से अच्छो सोचो।

- कुलुस्सियों 2:18

उन से धोका न खाईयो जौन ऐसे दिखात आंय कि बड़े कोंरे मन के आंय, जौन सरगदूतन की पूजा करत आंय परन्त तुम हां ऊ इनाम से जौन तुम हां मिलो चईये ऊ में बिलोरा डालत आंय। ऐसो मान्स बेसमझी की बातें करत आय और स्वारथी आय।

- 2 थिस्सलुनीकियों 2:4

जौन बिरोध करत आंय, उन हां जौन परमेसुर के मानबेवारे आंय, और अपने आप हां बड़ो कैत आंय, इते लौ कि बो परमेसुर के मन्दर में बैठ के अपने आप हां परमेसुर कैत आय।

- 1 तीमुथियुस 1:4

और उनके किस्सा कहानी पै और जौन मान्सन की पुस्तन को अन्त नईयां उन पै ध्यान न धरे, कायसे इनसे विवाद होत आंय; और ईको परमेसुर के तरन तारक से कछु मतलब नईंयां, जो बिसवास से सम्बन्ध रखत आंय।

- 1 तीमुथियुस 1:7

बे मूसा को नैम सिखाबेवारे तो बनो चाहत आंय, परन्त जौन बातन पै जोर देत आंय, उन हां समझत लौ नईंयां।

- 1 तीमुथियुस 3:6

ध्यान धरियो के मुखिया नओ चेला न होबै, ऐसो न होबै, कि घमण्ड में आके शैतान घांई दण्ड ऊहां सोई मिले।

- 2 तीमुथियुस 2:14

इन बातन हां उन हां बतात रै, और प्रभु के सामूं चितात रै, कि बहस न करें, ऊसे कछु नईं बनत; परन्त मान्स बिलुर जात आय।

- 2 तीमुथियुस 2:23

मूरख और अनपढ़ मान्सन की बातन से दूर रओ; कायसे तें जानत आय, कि ऐसी बातन से झगड़ा होत आंय।

- 2 तीमुथियुस 3:4

बिसवास घाती, बात न मानबेवारो, घमण्डी और परमेसुर की बातन हां नईं परन्त दुनिया के भोग विलास में डलो रै है।

- तीतुस 3:9

सो ओछे बतकाव से, और पुस्तन के किस्सा से, अदावट और उन झनझटन से न्यारे रओ; कायसे इन से कछु बनत नईंयां।

- याकूब 1:19

हे मोरे प्यारे भईया हरौ, जा बात तुम जानत आव: ई लाने सबरे मान्स सुनबे के लाने एकदम तईयार और बोलवे में धीरजवारे, और खुन्स में गम्म खाबेवारे होबें।

- 2 पतरस 2:12

परन्त जे मान्स बिना समजवारे जनावर घांई आंय, जौन पकड़े जाबे और नास होबे के लाने पैदा भए आंय; जिन बातन हां बे जानतई नईंयां, उन के लाने दूसरन हां बुरो भलो कैत आंय, बे अपनी सड़ाहट में खुद सड़ जें हैं।

- 2 पतरस 2:18

बे बेकार की घमण्ड की बातें कर कर के ओछे कामन से, उन मान्सन हां देयां की अभलाखा में फंसा लेत आंय, जौन हिराए भए में से अबै कड़ई रए आंय।

- यहूदा 1:10

जे जिन बातन को समझत नईंया, उन हां बुरो कैत आंय; और जिन हां दोस जैसो मानत आंय, उनसे अपने आप हां मानो मारत आंय।

- यहूदा 1:16

इनहां कोऊ बात में संतोस नईंयां, जे कुड़कुड़ात, और अपनी बुरई मन्सा से काम करत आंय; और बिलात बड़वाई की बातें करत आंय; और फायदे के लाने मों पै मान्सन की बड़वाई करत आंय।

- यूहन्‍ना के दरसन कौ खुलासा 3:17

तें जो कैत आय, कि मैं बड़ो धनी आंव, और धनवालो हो गओ आंव, और मोहां कोनऊ बस्त की कमी नईंयां, और जौ नईं जानत, कि तें अभागा और तुच्छ और कंगाल और अन्धरा और नंगो आय।