- 1 तीमुथियुस 6:18 - Bundeli Holy Bible

¹⁸ और भलाई करें, और अच्छे कामन में धनी बनें; और उदार और मदद के लाने तईयार रैबें।

- 1 तीमुथियुस 6:18 ပူးပေါင်းရင်းမြစ်များ

- मत्ती 5:42

जो तोसें मांगे, ऊहां दे; और जो तोसे कर्जा लेबो चाहे, ऊसे मों न मोड़ियो।

- लूका 12:21

ऐसई बो मान्स सोई आय जौन अपने लाने धन बटोरत आय, पर परमेसुर के लेखे में धनी नईंयां।

- लूका 3:11

ऊ ने उन से कई, जी लौ दो पैरबे के उन्ना होबें, बो उन हां बांट देबें जी लौ नईंयां और जी लौ खैबे हां खाना होबै, बो भी ऐंसई करे।

- प्रेरितन के काम 10:38

परमेसुर ने कौन भांत से यीशु नासरी हां पवित्तर आत्मा और सामर्थ से भर दओ: बो भलाई करत, और सब हां जौन शैतान छलिया के सताए भए हते, साजो करत फिरो; कायसे परमसुर ऊके संग्गै हतो।

- प्रेरितन के काम 11:29

चेलन ने ठानी, कि हरएक अपनी अपनी हैसियत के अनसार यहूदिया में रहबे वाले भाईयन की मदद के लाने कछु पठैय।

- प्रेरितन के काम 9:36

याफा में तबीता जाने के दोरकास नाओं की एक बिसवासिनी रैत हती, बा कुल्ल भले भले काम और दान दओ करत हती।

- रोमियों 12:13

पवित्तर मान्सन हां जौन कछु घटी होबे, ऊ में उन की सहायता करो; पहुनाई करबे में लगे रओ।

- रोमियों 12:8

यदि कोई बचन कौ परचारक होबै, तो बचन परचार में लगो रैबे; दान देबेवारो मुठी खोल के देबे, जौन अगुवाई करे, बो जोस से करे, जौन दया करे, बो खुसी से करे।

- पैली कुरिन्थियों 16:2

हप्ताह के पैले दिना तुम में से सबरे जने अपनी कमाई के अनसार कछु बचा के धर छोड़े, कि मोरे आबे पे दान न जोड़ने पड़े।

- दूसरी कुरिन्थियों 8:12

कायसे मन से दान दओ जाबे तो बो ग्रहण होत आय, जौन उन लौ आय अकेले ऊसे जौन उन लौ नईंयां।

- दूसरी कुरिन्थियों 8:9

तुम हमाए पिरभू यीशु की दया जानत आव, कि बे धनी होकें तुमाए लाने कंगाल बने कि उनके कंगाल होबे से हम धनी हो जाबें।

- गलतियों 6:10

ईसे जां तक मौका मिलै हम सबरन के संग्गै भलो करें, मानके भईयन के संग्गै।

- इफिसियों 4:28

चोरी करबेवारे अब चोरी नईं करें, अकेले अच्छे काम करें और हाथन से मैनत करें; कि जीहां अटका पड़े, ऊहां दैबे हां तुम लौ कछु होबे।

- 1 तीमुथियुस 5:10

और साजो काम करबेवारी रई होबै, जीने अपने लरका वारन हां ठीक से पालो होबै; पाहुरन की सेवा खुसामद करी होबै, पपित्तर जनन के गोड़े धोय होबें, और दुखियन की मदद करी होबै, और अच्छे कामन में मन से लगी रई होबै।

- तीतुस 2:14

उन ने अपने आप अपनो बलदान करो, कि हम हां सबरे पापन से दूर करबें, और हम हां साजो कर के ऐसे बनाबें जौन धरम के काज में लगे होबें।

- तीतुस 3:8

जे बातें सांची आंय, और मोरी जा चाहना आय, कि तें इन बातन हां खुल के बताए कि जीने परमेसुर पै बिसवास धरो आय, बे भले कामन में लगे रैबें, कायसे जे बातें बढ़िया और मान्सन के भले की आंय।

- इब्रानियों 13:16

भलो करबो, और दया करबो न छोड़ियो, कायसे ऐसे काम से परमेसुर खुस रैत आय।

- याकूब 2:5

हे मोरे प्यारे भईया हरौ, सुनो; का परमेसुर ने ई संसार के गरीबन हां नईं नबेरो, कि बे बिसवास में धनी और ऊ राज के हाकम होबें, जी कौ कौल उन ने अपने प्रेम करबे वारन से करो आय?

- 1 पतरस 3:11

बो बुराई को संग छोड़े, और भलाई करे; बो मेल मिलाप हां खोजे, और ओई के जतन में रैबे।

- 1 यूहन्‍ना 3:17

जी लौ संसार में बिलात जायजाद होबै, और बो अपने भईया हां कंगाल देख के तरस न खाबै, तो ऐसे मान्स में परमेसुर को प्रेम नईं रैत।

- 3 यूहन्‍ना 1:11

प्यारे जनों, बुराई के नईं, परन्त भलाई के संग्गी बनो, कायसे भलाई करबेवारो मानो परमेसुर हां मानत आय; और बुरो करबेवारे मानो उन हां नईंर् मानत।