- 1 तीमुथियुस 6:17 - Bundeli Holy Bible

¹⁷ ई संसार के मालदारों को आदेस दे, कि बे घमण्डी न होबें और धन कौ लालच न करें, पर परमेसुर पर जो हमाए सुख के लाने सब कछु बिलात देत आय।

- 1 तीमुथियुस 6:17 ပူးပေါင်းရင်းမြစ်များ

- उत्पत्ति 13:2

अब्राम गाड़र-छिरियां, गईया-बैला, सोना-चांदी कौ बड़ो धनी हतो।

- मत्ती 12:32

और जो कोऊ मान्स के पूत के बिरोध में कोऊ बात कै है, ऊको जौ पाप क्षमा करो जै है, पर जौन कोनऊ पवित्र आत्मा के बिरोध में कछु कै है, ऊको पाप न तो ई जुग में और न आबेवारे जुग में क्षमा करो जै है।

- मत्ती 19:23

तब यीशु ने अपने चेलन से कई, मैं तुम से सांची कहत आंव, कि धनी कौ सरग के राज्य में जाबो कठन आय।

- मत्ती 25:16

जीहां पांच रुपईया मिले हते, ऊने तुरतईं जाके उन से धन्धा करो और पांच रुपईया और कमाए।

- मत्ती 27:57

जब संजा भई तो अरिमतियाह कौ यूसुफ नाओं कौ एक धनी मान्स आओ, बो भी यीशु कौ चेला हतो।

- मत्ती 6:32

कायसे अन्य जातियन इन सब बस्तन की खोज में रैत आंय, और तुमाओ स्वर्गीय बाप जानत आय, कि तुम हां जे सब बस्तन चाने।

- मरकुस 10:24

चेले ऊ की बातन से अचम्भा में पड़ गए, ई पै यीशु ने फिन उने उत्तर दओ, हे बच्चो, जौन धन पै भरोसा रखत आय, उन के लाने परमेसुर के राज में पिड़बो कैसो मुसकिल आय।

- लूका 19:2

और तको, जक्कई नाओं एक मान्स हतो जौन चुंगी लेबेवारन कौ सरदार और धनी हतो।

- लूका 3:11

ऊ ने उन से कई, जी लौ दो पैरबे के उन्ना होबें, बो उन हां बांट देबें जी लौ नईंयां और जी लौ खैबे हां खाना होबै, बो भी ऐंसई करे।

- प्रेरितन के काम 14:17

फिन भी ऊ ने खुद हां बिना गवाह के नईं छोड़ो; बस बो भलो करत रओ, और तुमहां बरसा और फरबे की ऋतुएं देके, तुमाए मन हां रोटी और खुसी भरत करत रओ।

- प्रेरितन के काम 14:27

उते पोंच के उन ने मण्डली हां जमा करो और जौन कछु परमेसुर ने उनके संग्गै करो हतो, ऊहां कह सुनाओ और जौ भी कि कैसे, परमेसुर ने गैर यहूदियन के लाने भरोसे कौ द्वार खोल दओ।

- प्रेरितन के काम 17:25

और न ही मान्सन के हाथन से खुसामत करात आय, कायसे ऊहां कोऊ बात की कमी घटी नईंयां, बो सब हां जीवन और सांस और सब कछु देत आय।

- रोमियों 11:20

सई आय, बे तो बिसवास न करबे के काजें कतरी गईं, पर तें बिसवास में बनो रैत आय, सो घमण्ड न कर पर डर के रै।

- इफिसियों 5:5

कायसे तुम हां पता आय, कि कोऊ परतिरिया संगत करबेवारो, कि गन्दो मान्स, और लोभी मान्स, जौन मूरतें पूजा करबेवारे जैसो आय, मसीह और परमेसुर के राज्य में हींसा न हुईये।

- कुलुस्सियों 3:16

यीशु मसीह के बचन हां अपने हिये में बसा लेओ; और दूसरन हां पूरे ज्ञान से सिखाओ, और चिताओ, और परमेसुर हां धन्न मानो, और अपने से परमेसुर के भजन गाओ और उन हां धन्न कहो।

- 1 थिस्सलुनीकियों 1:9

और बे जौ सोई कैत आंय कि तुम ने हमाई बातें कैसे सुनी, और तुम मूरतन की पूजा छोड़ के परमेसुर की बातें मानी, कि जीयत और सांचे परमेसुर की सेवा करो।

- 1 तीमुथियुस 1:3

जैसे मैंने मकिदुनिया हां जाती बेरा तोसे कई हती, कि इफिसुस मैं बने रैके उते जौन औरई बातें बतात आंय कईयो कि ऐसो न करें।

- 1 तीमुथियुस 3:15

मोरे आबे में तनक अबेर हो जाबै, तो ध्यान धरियो, कि परमेसुर को घर, जियत परमेसुर की मण्डली आय, जौन सांचे को खम्भा और उठी नी आय; ईमें कैसो चलो चईये ईपै ध्यान धरियो।

- 1 तीमुथियुस 4:10

हम खूबई मैनत करत आंय और कोसस करत आंय, कि हमाई आस जीयत परमेसुर पे आय; जौन मान्सन को, और जौन उन हां मानत आंय उनको तरन तारन करबेवारो आय।

- 1 तीमुथियुस 5:21

परमेसुर, यीशु मसीह, और खास सरगदूतन के मानो सामूं जानके मैं तुम हां कए देत आंव, कि मन से इन बातन हां मानियो और कोई के संग्गै मों देखो न करियो।

- 1 तीमुथियुस 6:13

मैं तोहां परमेसुर हां जो सब हां जीयत रखत आय, और पिरभू यीशु मसीह को गवाह मानके जीने पुन्तियुस पीलातुस के सामने अच्छो स्वीकार करो, जौ आदेस देत आंव।

- 1 तीमुथियुस 6:9

पर जो मालदार होबो चाहत आंय, बे ऐसी परीछा, और बेकार के काम और नुसकान में फंसत आंय, जो मान्सन हां बिगाड़ देत आय और बिनास के समन्दर में डुबो देत आय।

- 2 तीमुथियुस 4:10

कायसे देमास ने ई संसार के मोह जाल में पड़ के मोहां छोड़ दओ आय, और थिस्सलुनीके हां चलो गओ आय, और क्रेसकेंस गलतिया हां और तीतुस दलमतिया हां चलो गओ आय।

- तीतुस 2:12

बे हम हां चितात आंय, कि हम अधरम और संसार की लुभाबेवारी बातन से चित्त फेर के ई जुग में अपने हां बस में राख के धरम करम से चलबें।

- तीतुस 3:6

जो जीवन उन ने हमाए तरन तारन करबेवारे पिरभु यीशु मसीह में होकें खुल के दओ।

- 2 पतरस 1:11

परन्त तुम हमाए पिरभु और तारन करबेवारे यीशु मसीह के सदा के राज में बड़े मान के संग्गै पहुंच हौ।