- 1 तीमुथियुस 6:10 - Bundeli Holy Bible

¹⁰ कायसे रुपईया कौ लोभ सब परकार की बुराईयन की जड़ आय, जीहां पाबे की कोसिस करत भए कितेक जनें बिसवास की गैल से भटक के अपने आप हां बिलात परकार के दुखों से छलनी कर लओ आय।

- 1 तीमुथियुस 6:10 ပူးပေါင်းရင်းမြစ်များ

- उत्पत्ति 29:14

तब लाबान ने याकूब सें कई, “तें तौ सांचऊं में मोरो हाड़ और मांस आय।” याकूब एक मईना भर ऊके संगै रओ।

- उत्पत्ति 29:26

लाबान ने कई, “हमाए इतै एैसी रीत नईंया कि जेठी मोंड़ी के पैलां दूसरी कौ ब्‍याव कर दें।

- उत्पत्ति 34:27

याकूब के मोंड़ों ने मार डालबे के पछारें नगर हों ई लाने लूट लओ कि ऊमें उनकी बहन असुद्ध करी गई हती।

- उत्पत्ति 38:16

बा गैल सें ऊकी कोद फिरो, और ऊसें कैन लगो, “मोहों अपने लिगां आन दे,” (कायसे ऊहों जौ पता नें हतो कि बा ऊकी बहू आय।) ऊने कई, “जदि मैं तोहों अपने लिगां आन देओं, तौ तें मोहों का दैहै?”

- मत्ती 13:22

और जौन बीजा जरियन में बोओ गओ हतो, बो जौ आय, जौन बचन हां सुनत आय, पर संसार की सोच और धन कौ धोखा बचन हां दबात आय, और बो फल नईं लात।

- मत्ती 23:13

हे कपटी शास्त्रियो और फरीसियो तुम पे श्राप! कायसे तुम मान्सन के विरोध में सरग के राज्य कौ द्वार बन्द कर देत आव, तुम न तो खुद जात आव और न जाबे वारन हां भीतर जान देत आव।

- मत्ती 6:19

अपने लाने धरती पे धन जमा न करियो; जिते कीड़ा और जंग नास करत आंय, और जिते भड़या सेंध मारके भड़याई करत आंय।

- मरकुस 4:19

और दुनिया की चिन्ता, और धन कौ धोका, और और चीजन कौ लोभ उन में भरके बचन हां दबा देत आय। और ऊ बेकार रै जात आय।

- कुलुस्सियों 3:5

सो अब अपनी देह की अभलाखा हां पूरो न करो, परतिरिया संगत करबे की अभलाखा और गन्दे काम, बुरय विचार, और दूसरन की बस्तन को लालच न करो, कायसे जे सब मूरत की पूजा जैसे आंय।

- 1 तीमुथियुस 3:3

पीबेवारो और मारपीट करबेवारो न होबै; बात करबे में अच्छो, झगड़ा करबेवारो, और लोभ करबेवारो न होबै।

- 1 तीमुथियुस 6:21

कितेक ई समज कौ अपना के, बिसवास से भटक गए आंय। तुम पर आसीस होत रैबे।

- 1 तीमुथियुस 6:9

पर जो मालदार होबो चाहत आंय, बे ऐसी परीछा, और बेकार के काम और नुसकान में फंसत आंय, जो मान्सन हां बिगाड़ देत आय और बिनास के समन्दर में डुबो देत आय।

- 2 तीमुथियुस 3:2

कायसे मान्स स्वार्थी, लोभी, डींग माबेवारो, बुराई करबेवारो, और मताई बाप की कई नईं करबेवारो, और बुरओ हुईये।

- 2 तीमुथियुस 4:10

कायसे देमास ने ई संसार के मोह जाल में पड़ के मोहां छोड़ दओ आय, और थिस्सलुनीके हां चलो गओ आय, और क्रेसकेंस गलतिया हां और तीतुस दलमतिया हां चलो गओ आय।

- तीतुस 1:11

उनकौ मों बन्द करो चईये, जे औरें पईसा ऐंठबे हां बुरई बातें बताके घर के घर बिगाड़त आंय।

- याकूब 5:19

हे मोरे भईया हरौ, जदि तुम में कोऊ सांची गैल छोड़ दे, और कोनऊं ऊहां वापुस फेर लाए।

- यहोशू 7:21

कि जब मोहों लूट में शिनार देस कौ एक नोंनो ओढ़ना, और दो सौ शेकेल चांदी, और पचास शेकेल सोने की एक ईंट देखी हती, तब मैंने उनकौ लालच करके उनहों रख लओ, बे मोरे डेरे के भीतर धरती में गड़े आंय, और सबके खालें चांदी आय।”

- यहूदा 1:11

उन पे श्राप पड़े, कायसे बे कैन जैसी चाल चले, और तनक से पईसन के लाने बिलाम जैसे कुटे भए, और कोरह के जैसो बिरोध करके मारे गए।

- यूहन्‍ना के दरसन कौ खुलासा 18:13

और दालचीनी, मसाले, धूप, इतर, लोबान, दारू, तेल, मैदा, पिसिया, गईयां, बैलवा, गाड़र, छिरियां, घुड़वा, रथ और नौकर, और मान्सन के प्रान।