- 1 तीमुथियुस 5:17 - Bundeli Holy Bible

¹⁷ जौन मुखिया अच्छे से काम करत, और परमेसुर की बातें दूसरन हां बतात आंय और मेनत से सिखात आंय, उन हां दुगनो मान मिल है।

- 1 तीमुथियुस 5:17 ပူးပေါင်းရင်းမြစ်များ

- मत्ती 24:25

तको, मैं ने पेंलई तुम हां बता दओ आय।

- लूका 10:7

ओई घर में रओ, और जौन कछु बे औरें तुम हां खाबे हां देबें, ओई खाओ पियो, कायसे मजूर हां मजूरी मिलबो चईये: घर घर न फिरियो।

- लूका 12:42

यीशु ने कओ; बो बिसवास जोग और समजवारो भण्डारी को आय, जी कौ मालक ऊहां नौकर, चाकरों पे अधकारी ठैराए कि उन हां खैबे पीबे हां भोजन और सामान ठीक बेरा पे देबे।

- यूहन्‍ना 4:38

मैंने तुम हां बो खेत काटबे पठैव, जी में तुम ने मेहनत नईं करी, दूसरन ने मेहनत करी और तुम ऊ की मेहनत के फल में संग्गी भय।

- प्रेरितन के काम 11:30

उन ने ऐंसई करो; और बरनाबास और शाऊ ल के हाथन प्राचीनन के ऐंगर कछु पठै दओ।

- प्रेरितन के काम 20:35

मैंने तुमहां हरएक बातन से जौ बताओ आय, की तुम भी ऐंसई कड़ी मेहनत करके, कमजोरन हां संभालो, और प्रभु यीशु मसीह की बातन की खबर धरियो, जौन ऊ ने आपऊ कहे; की लेबे से देबो धन्य आय।

- प्रेरितन के काम 28:10

और उन ने हमाओ तरहां तरहां से मान सत्कार करो, जब हम ऊ जांगा से चलबे हां हते, तो उन ने हमाई जरूरत की सब चीजें जहाज पे लदवा दईं।

- रोमियों 12:8

यदि कोई बचन कौ परचारक होबै, तो बचन परचार में लगो रैबे; दान देबेवारो मुठी खोल के देबे, जौन अगुवाई करे, बो जोस से करे, जौन दया करे, बो खुसी से करे।

- रोमियों 15:27

उन हां भलो तो लगो, पर बे उन के करजदार सोई आंय, कायसे दूसरी जातवारे उन की आत्मिक बातन में संग्गी भए, तो उनहां सोई साजो भलो लगो, कि उन की रुपईया पईसा से मदद करें।

- रोमियों 16:12

त्रूफै ना और त्रूफोसा हां जौन पिरभु में मैनत करत आंय, नमस्कार। प्रिया पिरसिस हां जीने पिरभु में एन मैनत करी, नमस्कार।

- पैली कुरिन्थियों 15:10

परन्त मैं जो कछु आंव, परमेसुर की दया से आंव: और उनकी जौन दया मो पे भई आय, बा अकारथ नईं गई; परन्त मैंने उन सबरन से बढ़के मैनत सोई करी: जानो कि जौ मोरी कुदाऊं से नईं भओ परन्त परमेसुर की दया से जौन मो पे हती।

- पैली कुरिन्थियों 16:16

सो मैं तुम से बिन्तवाई करत आंव कि ऐसन कौ कओ मानो, जाने सबई कोई के जौन ई काम में मैनती और संग्गी आय।

- पैली कुरिन्थियों 3:9

कायसे कि हम परमेसुर के संग्गै काम करबेवारे आंय; तुम परमेसुर की खेती और परमेसुर के बनाए भए आव।

- दूसरी कुरिन्थियों 6:1

हम जौन उनके संग्गै काम करत आंय ऐसो समझात आंय, कि परमेसुर ने जौन दया तुमाए ऊ परै करी आय, ऊहां ऐसई न जानो।

- गलतियों 6:6

जौन धरम पोथी की बातें सीखत आय, बो सब नोंनी बातन में सिखाबेवारे हां सोई जोड़े।

- फिलिप्पियों 2:16

तुम ऐसई बने रए तो मोहां जो गरब हुईये, कि जौन सेवा मैंने तुमाए बीच मैनत से करी बो ऊं सई नईं गई।

- फिलिप्पियों 2:29

सो तुम ऊसे खुसी से भेंट करियो, और ऐसे मान्सन को मान राखियो।

- फिलिप्पियों 4:3

और मोरे भले जनो जिन ने मोरे संग्गै सेवा करी आय तुम से बिनती करत आंव, कि तुम उन बईयरन को हाथ बटाओ, जौन मोरे संग्गै सुसमाचार के परचार में लगी रईं, उन ने मोरे और क्लेमेंस के संग्गै मिलके बहुत काम करो, उन के नाओं जीवन की पोथी में लिखे आंय।

- 1 तीमुथियुस 3:5

(जब कोऊ अपने घर की देखभाल अच्छे से न करे, तो बो परमेसुर की मण्डली के लोगन की रखनवारी अच्छे से कैसे कर है)।

- 1 तीमुथियुस 4:10

हम खूबई मैनत करत आंय और कोसस करत आंय, कि हमाई आस जीयत परमेसुर पे आय; जौन मान्सन को, और जौन उन हां मानत आंय उनको तरन तारन करबेवारो आय।

- 1 तीमुथियुस 4:14

जौन बरदान तोहां मिलो आय, ऊ पै ध्यान धरियो जौन के लाने पैले से तोरे लाने कहो गओ हतो, और जी के लाने बड़े बूढ़न ने तोपे हाथ धरो हतो।

- 1 तीमुथियुस 4:16

इन बातन में पक्को बनो रै, कायसे ऐसो करबे से तें अपने, और जौन तोरी बातन हां सुनत आय उनको तरन तारन हुईये।

- 1 तीमुथियुस 4:6

तें भईयन हां समझा के इन बातन की याद करा, तो तें यीशु मसीह को अच्छो सेवा करबेवारो हुईये: और बिसवास की बातन हां और जौन बातें सिखाई गई आंय, और जिन हां तें मानत आय, तें बढ़त रै है।

- 1 तीमुथियुस 5:19

कोई मुखिया पै कोई दोस होबै तो दो तीन गवाय बिना ऊ पै ध्यान न दईयो।

- 1 तीमुथियुस 5:3

जौन सांचई बिधवा हो गई हो उनको मान करियो।

- 2 तीमुथियुस 2:6

जौन किसान मेहनत करत आय ऊको फल ऊहां मिलत आय।

- 2 तीमुथियुस 4:2

कि तें बचन के परचार के लाने तईयार रै; और सबरी बातन में धीरज से सै, और मान्सन हां सिखा और दपट और समझा दे।

- इब्रानियों 13:17

अपने गुरु जनों की मानो बे तुमाए जीवन हां तकें रैत आंय; कायसे बे परमेसुर हां तुमाए लाने लेखो दै हैं, बे जो काज खुसी से करें, बोझो न समझें, कायसे ऐसी सेवा से तुम हां कोई फायदा न हुईये।

- इब्रानियों 13:24

अपने सबरे गुरु जनों और सबरे बिसवासियन हां नमस्कार कईयो, इतालियावारे तुम हां नमस्कार कैत आंय।

- इब्रानियों 13:7

अपने गुरू जन हां जीने तुम हां परमेसुर की कथा सुनाई, उन हां न बिसराईयो; और ध्यान धरियो कि उन को जीवन कैसो हतो और उनके बिसवास की बातन हां पकड़े रहियो।