- 1 तीमुथियुस 3:7 - Bundeli Holy Bible

⁷ और बायरें के मान्सन में ऊ को अच्छो नाओं होबै। ऐसो न होबै बो शैतान के जाल में फंसके बदनाम होबै।

- 1 तीमुथियुस 3:7 ပူးပေါင်းရင်းမြစ်များ

- मरकुस 4:11

यीशु ने उनसे कओ; तुम हां तो परमेसुर के राज्य के भेद की समझ दई गई आय, लेकिन बाहर वालन के लाने सबरी बातें कनौत में होती आंय।

- प्रेरितन के काम 10:22

उन ने उत्तर दओ; कुरनेलियुस सूबेदार जौन धरमी और परमेसुर से डराबेवारो आय और सबरी यहूदी जात में सुनाम मान्स आय, ऊ ने पवित्तर सरगदूत से जौ हुकम पाओ आय, कि तोय अपने घर बुला के तोसे बचन सुने।

- प्रेरितन के काम 22:12

तब हनन्याह नाओं के एक मान्स, जौन रीतियन के अनसार भक्त और उते रहबेवाले सब यहूदियन में नामी हतो।

- प्रेरितन के काम 6:3

ई लाने हे भईया हरौ, अपने में से सात नामी मान्सन हां जौन पवित्तर आत्मा और समझदारी से भरे होबें, नबेर लेओ, कि हम उन हां ई काम पे ठैरा देबें।

- पैली कुरिन्थियों 10:32

तुम न यहूदियन, न यूनानियन, और न परमेसुर की मण्डली के लाने उपटा के कारण बनो।

- पैली कुरिन्थियों 5:12

कायसे मोहां बायरेंवारन से का काम? कि उन कौ न्याव करों का तुम अपनी समाज में न्याव नईं करत?

- दूसरी कुरिन्थियों 6:3

हम जो नईं चाहत कि कोई बात से तुमहां ठेस लगे, कि हम जानें सेवा करी ऊहां कोऊ बुरओ न कैबें।

- दूसरी कुरिन्थियों 8:21

कायसे जौन बातें पिरभू लौ नईं, अकेले सबरन लौ अच्छी लगत आंय हम उनईं के लाने सोचत आंय।

- कुलुस्सियों 4:5

जौन मौका अपन हां मिलो आय, उनके लाने जिन ने बचन नईं सुनो आय, उन हां सोच समझ के बताबें।

- 1 थिस्सलुनीकियों 4:12

ऐसो करबे से मण्डली के बायरेवारे तुमाओ मान कर हैं, और तुम हां दूसरन पै बोझो नईं बन ने आहै।

- 1 थिस्सलुनीकियों 5:22

सबरी बुरई बातन से दूर रओ।

- 1 तीमुथियुस 3:6

ध्यान धरियो के मुखिया नओ चेला न होबै, ऐसो न होबै, कि घमण्ड में आके शैतान घांई दण्ड ऊहां सोई मिले।

- 1 तीमुथियुस 5:14

मैं जौ कैत आंव कि जुआन बिधवाएं ब्याओ करें; और लरका बिटिया जन के अपनो घर बार देखें, कि कोई उनहां भलो बुरो न कैबे।

- 1 तीमुथियुस 6:9

पर जो मालदार होबो चाहत आंय, बे ऐसी परीछा, और बेकार के काम और नुसकान में फंसत आंय, जो मान्सन हां बिगाड़ देत आय और बिनास के समन्दर में डुबो देत आय।

- 2 तीमुथियुस 2:26

और उनकी अग्या मानबे हां तईयार रैके शैतान छलिया के जाल से छूट जाबें।

- तीतुस 2:5

बे साजी, पतिविरता, घर को काम काज करबेवारी, साजी और अपने मुन्स की कई करबेवारी होबें, कि परमेसुर के बचन हां दूसरे जनें बुरओ न कैबें।

- तीतुस 2:8

तुमाई बातें खरी होबें, कि कोई उन हां बुरओ न कहबे; कि हमाए विरोधियन हां कोऊ ऐसो मौका न मिलै, और बे लजा जाबें।

- 3 यूहन्‍ना 1:12

देमेत्रियुस के लाने सबरन ने बताओ और हम सोई कैत आंय; और तोहां पता आय कि हम लाबरी नईं कैत, कि बो सांचो जनो आय।