- 1 तीमुथियुस 3:1 - Bundeli Holy Bible

¹ जा बात सांची आय, कि जौन मण्डली को मुखिया होबो चाहत आय, ऊ अच्छे काम करबेवारो होबै।

- 1 तीमुथियुस 3:1 ပူးပေါင်းရင်းမြစ်များ

- लूका 15:10

मैं तुम से कैत आंव; कि ऐई भांत से एक हिया फेरबेवारे अधरमी के विषय में परमेसुर के सरगदूतन के सामूं खुसी मनाई जात आय।

- प्रेरितन के काम 1:20

कायसे भजन की पोथी में लिखो आय, कि ऊकौ घर उजड़ जाबै, और ऊ में कोऊ न बसे, और ऊकौ पद कोऊ दूसरो ले ले।

- प्रेरितन के काम 20:28

ई लाने अपनी और अपने सबरे गुट की रखनवारी करो; जीके बीच पवित्र आत्मा ने तुमहां मुखिया ठहराओ आय; की तुम परमेसुर की मण्डली की रखनवारी करो, जीहां ऊ ने अपने खून से मोल लओ आय।

- रोमियों 11:13

मैं तुम दूसरी जातवारन से कैत आंव: जब मैं दूसरी जातवारन के लाने प्रेरित आंव, तो मैं अपनी सेवा की बड़वाई करत आंव।

- इफिसियों 4:12

जीसे बिसवास करबेवारे पक्के होबें, और सेवा करी जाबै, और मसीह की देह बढत जाबै।

- फिलिप्पियों 1:1

यीशु मसीह के जनें पौलुस और तिमुथियुस की ओर से सब पवित्तर भईयन हां, जौन फिलिप्पी शहर में रैत आंय, उनके गुरुजन और सेवक हां।

- 1 थिस्सलुनीकियों 5:14

भईया हरौ, हम बताएं कि जौन की चाल ठीक नईंयां उन हां समझाओ, और जौन पाछें आंय उन हां बढ़ाओ, और सबरन की सहो।

- 1 तीमुथियुस 1:15

जा बात सांची और सबरे जनें के मानबे जोग आय, कि यीशु मसीह पापियन को तरन तारन करबे हां ई संसार में आए, उन में सबसे बड़ो मैं आंव।

- 1 तीमुथियुस 4:9

जा बात सांची आय, और सब तरहां के मान्स जा मानत आंय।

- 2 तीमुथियुस 2:11

सांची बात जा आय, कि यदि हम उनके संग्गै मानो मर गए आंय तो उनके संग्गै जी जै हैं।

- तीतुस 1:7

कायसे मुखिया हां परमेसुर के काम करने आंय; बो बिनखोट, हटी और खुन्सयाबेवारो, न पीबेवारो और न मारपीट करबेवारो और घूस लैबेवारो न होबै।

- तीतुस 3:8

जे बातें सांची आंय, और मोरी जा चाहना आय, कि तें इन बातन हां खुल के बताए कि जीने परमेसुर पै बिसवास धरो आय, बे भले कामन में लगे रैबें, कायसे जे बातें बढ़िया और मान्सन के भले की आंय।

- इब्रानियों 12:15

और ध्यान धरो कि कोई परमेसुर की दया से न बच पाबै, और तकत रओ कि कोई करऔ होकें दूसरे जन हां परेसान न करे।

- 1 पतरस 2:25

कायसे तुम पेंला हिरानी भई गाड़रन घांई हते, पर अब अपने प्रानो के रखनवारे और परधान के ऐगर फिन आ गए आव।

- 1 पतरस 4:15

तुम में से कोऊ जनो हत्यारो, या भड़या, या कुकरमी होबे, या दूसरन के काम में अड़ंगा लगाबे के काजें पीड़ा न पाबै।

- 1 पतरस 5:2

परमेसुर के ऊ झुण्ड की, जौन तुमाए मजारें आंय रखनवारी करो; जौ काम दबाव से नईं, परन्त परमेसुर की मनसा अनसार खुसी से, और ओछी कमाई के लाने नईं, पर मन लगा के करो।