- 1 तीमुथियुस 1:16 - Bundeli Holy Bible

¹⁶ मोपै प्रभु की दया ईसे भई, कि यीशु मसीह ने मोरे लाने धीरज धरो, कि जौन उनपै बिसवास करके हमेसा को जीवन पाबे, उनके लाने मैं जैसो पापी एक नमूना भओ।

- 1 तीमुथियुस 1:16 ပူးပေါင်းရင်းမြစ်များ

- लूका 15:10

मैं तुम से कैत आंव; कि ऐई भांत से एक हिया फेरबेवारे अधरमी के विषय में परमेसुर के सरगदूतन के सामूं खुसी मनाई जात आय।

- लूका 23:43

यीशु ने ऊसे कओ, मैं तोसे सांसी कैत आंव; आजई तें मोरे संग्गै सरग लोक में हुईये।

- लूका 7:47

ई लाने मैं तोसें कैत आंव; कि ईके पाप जौन कुल्ल बिलात हते, छिमा भए, कायसे ईने बिलात प्रेम करो; पर जीकौ तनक छिमा भओ आय, ऊ तनक प्रेम करत आय।

- यूहन्‍ना 20:31

पर जे ई लाने लिखे गए आंय, कि तुम भरोसा करो, कि यीशु ही परमेसुर कौ पूत मसीह आय: और भरोसा करके ऊके नाम से अनन्त जीवन पाओ।

- यूहन्‍ना 3:36

जौन पूत पे भरोसा करत आय, अनन्त जीवन ओई कौ आय; वरन बो जौन पूत की नईं मानत, ऊहां जीवन नईं मिल है, परन्त परमेसुर को कोप ऊ पे बनो रहत आय।

- यूहन्‍ना 5:24

मैं तुम से सांची सांची कहत आंव, जौन मोरो बचन सुनके मोरे पठैबेवाले पे भरोसा करत आय, अनन्त जीवन ऊ को आय, और ऊ पे दण्ड कौ हुकुम नईं हुईये, परन्त बो मृत्यु से पार होकें जीवन में पिड़ चुको आय।

- यूहन्‍ना 6:37

जो कछु बाप मोय देत आय, बो सब मोरे ऐंगर आ है, और जो कोऊ मोरे ऐंगर आ है, मैं ऊहां कभऊं बायरें नईं काड़ हों।

- यूहन्‍ना 6:40

कायसे मोरे बाप की मनसा जा आय, कि जौन पूत हां तके, और ऊ पे भरोसा करत आय, बो अनन्त जीवन पाबै; और मैं अखिरी दिना में ऊहां फिन जिला दें हों।

- यूहन्‍ना 6:54

जौन मोरो मांस खात, और मोरो रकत पीयत आय, अनन्त जीवन ऊ को आय, और मैं अखिरी दिना में ऊहां फिन जिला दें हों।

- प्रेरितन के काम 13:39

और ऐई के द्वारा हर एक भरोसा करबेवालो उन सबरी बातन से छुटकारो पात आय, जिन से तुम मूसा की रीतियन के द्वारा छुटकारो नईं पा सकत हते।

- रोमियों 15:4

जितेक बातें पेंला से लिखी गईं, बे हमाई सीख के लाने लिखी गईं, कि हम धीरज और पवित्तर पोथी की सान्ति के द्वारा आसा धरें।

- रोमियों 6:23

कायसे पाप की मजूरी मौत आय, परन्त परमेसुर कौ बरदान हमाए पिरभु यीशु मसीह में अनन्त जीवन आय।

- पैली कुरिन्थियों 7:25

कुंआरिअन के लाने पिरभु कौ कोऊ हुकम मोहां नईं मिलो, परन्त बिसवास जोग होबे के लाने जैसी किरपा पिरभु ने मो पे करी आय, ओई के अनसार सलाय देत आंव।

- दूसरी कुरिन्थियों 4:1

सो जब हम पै ऐसी दया भई, कि ऐसो काज हम हां मिलो, तो हम हिम्मत नईं हारत।

- इफिसियों 1:12

कि हम ने पेंला से मसीह पै ऐसी आस धरी हती, कि उनके गुन गान हम से होबें।

- इफिसियों 1:6

कि उनकी दया को गुनगान होबे, जौन उन ने हमें उन प्यारे में सेंत मेत दओ।

- इफिसियों 2:7

उनकी किरपा जौन मसीह यीशु में हम पै भई आय, आबेवारे दिना में अपनी दया को बड़े धन दिखाबे।

- 2 थिस्सलुनीकियों 1:10

जौ सब ऊ दिना हुईये, जब पिरभू अपने मानबेवारन में जस पाहें, और सबरे बिसवास करबेवारन में अजूबा दिखा है; कायसे जौन बातें हम ने तुम हां बताई हतीं उन हां तुम ने मानो आय।

- 1 तीमुथियुस 1:13

मैं तो पेंला बुरई बातें कैबेवारो, दूसरन हां सताबेवारो, और अन्धेर करबेवारो हतो; परन्त उन ने मोपै दया करी कायसे मैंने जो सबरी बातें बिन सोचे समझे करीं।

- इब्रानियों 7:25

सो जौन पिरभू यीशु मसीह पै बिसवास धरके परमेसुर लौ पोंच हैं; बे उनको पूरो पूरो तरन तारन करत आय, और परमेसुर के सामूं उनके लाने बिन्तबारी करत आंय।

- 1 पतरस 3:20

जिन ने ऊ बीती बेरा में हुकम न मानो जब परमेसुर नूह के दिना में धीरज धर ठैरो रओ, और जहाज बन रओ हतो, जीमें बैठ के तनक जने, जाने कि आठ प्रानी पानू से बच गए।

- 2 पतरस 3:15

हमाए पिरभु यीशु के धीरज हां तारन समजो, जैसो हमाए प्यारे भईया पौलुस ने सोई ऊ समज के अनसार जौन ऊ ए मिली आय, तुम हां लिखो आय।

- 2 पतरस 3:9

पिरभु अपने कौल के विषय में अबेर नईं करत, जैसो कि कितेक जनें समजत आंय; बो नईं चाहत कि कौनऊं मान्स नास होबे; परन्त जौ कि सबई हां हिया बदलबे कौ मौका मिले।