- 1 तीमुथियुस 1:11 - Bundeli Holy Bible

¹¹ जो उन महा धन्य परमेसुर के जस के ऊ सुसमाचार से आय, जौन मोहां दओ गओ आय।

- 1 तीमुथियुस 1:11 ပူးပေါင်းရင်းမြစ်များ

- लूका 2:14

आकास में परमेसुर की मईमा और धरती पे उन मान्सन में जिन से बो खुस आय सान्ति होबे।

- रोमियों 2:16

जौन दिना परमेसुर, मोरे भले सन्देसे के अनसार, पिरभु यीशु मसीह के द्वारा मान्सन की लुकी भई बातन कौ न्याय कर है।

- पैली कुरिन्थियों 9:17

कायसे जदि अपनी मन्सा से जौ करत आंव, तो मजूरी मोहां मिलत आय, और जदि अपनी मन्सा से नईं करत, फिन भी जिम्मेदारी मोहां दई गई आय।

- दूसरी कुरिन्थियों 4:4

और जौन मान्सन ने बिसवास नईं करो, कायसे उन की बुद्धि हां ई संसार के ईसुर-शैतान छलिया ने अंधरया दओ आय, कि मसीह जौन परमेसुर आय, उनकी बातन को तेज उन पे अबै न पड़े।

- दूसरी कुरिन्थियों 4:6

कायसे परमेसुर ने कई, कि अंधियारे में जोत होबे; और ओई जोत हमाए हिये में चमकी, कि परमेसुर की जोत यीशु मसीह के मों पे हो चिमचिमानी।

- गलतियों 2:7

अकेले जब उन ने तको, कि जैसो खतना भए लोगन हां बचन सुनाबे की जिम्मेवारी पतरस हां दई गईं, ऊं सई बिना खतनावारन के काजें मोहां।

- इफिसियों 1:12

कि हम ने पेंला से मसीह पै ऐसी आस धरी हती, कि उनके गुन गान हम से होबें।

- इफिसियों 1:6

कि उनकी दया को गुनगान होबे, जौन उन ने हमें उन प्यारे में सेंत मेत दओ।

- इफिसियों 2:7

उनकी किरपा जौन मसीह यीशु में हम पै भई आय, आबेवारे दिना में अपनी दया को बड़े धन दिखाबे।

- इफिसियों 3:10

कि अब मण्डली से परमेसुर के बिलात ज्ञान उन मुखियन और हाकमन पै जौन सरग में आय खोले।

- कुलुस्सियों 1:25

परमेसुर की मन्सा से मोहां उनकी कलीसिया को काम करबेवारो धरो, और मोहां तुम लौ पठैओ, कि मैं तुम हां उनको पूरो ज्ञान बताओं।

- 1 थिस्सलुनीकियों 2:4

परन्त जैसो परमेसुर ने हम हां बचन दओ, हम मान्सन हां खुसी नईं परन्त परमेसुर हां खुस करत आंय; परमेसुर जौ जानत आय।

- 1 तीमुथियुस 2:7

मैं सांची कैत आंव, ईमें तनकई झूठ नईयां, कि मैं ऐई के लाने परचारक और प्रेरित बनो, कि यहूदीयन हां छोड़ दूसरी जात वारन के बीच जाई सांची बात बताबेवारो होओं।

- 1 तीमुथियुस 6:15

जीहां बो ठीक बेरा में दिखा है, जो परम धन्न और राजाओं कौ राजा, और पिरभुओं कौ पिरभू आय।

- 1 तीमुथियुस 6:20

हे तीमुथियुस ई बात की रखनवारी कर और जी समज हां समज कहबो भूल आय, ऊके असुद्ध बतकाव और बिरोध की बातन से दूर रह।

- 2 तीमुथियुस 1:11

ऐई बचन को मैंने परचार करो और उनको भेजो, और सबरे हार उपदेस करो।

- 2 तीमुथियुस 1:14

पवित्रात्मा जौन हमाए हिये में बल देत आय, जौन काम उन ने दओ आय ऊहां सुतारो धरे रै।

- 2 तीमुथियुस 2:2

जौन बातें तेंने बिलात जनन के सामूं मोय से सुनी आंय, उन हां दूसरे बिसवास करबेवारन हां सुना दे; जौन औरन हां बेई बातें सिखाबें।

- तीतुस 1:3

और ऐन बेरा पै अपने परचार से उजागर करी, जौन हमाए तरन तारन करबेवारे परमेसुर की मरजी से दई गई।