- 1 थिस्सलुनीकियों 5:12 - Bundeli Holy Bible

¹² भईया हरौ, हम तुम से कैत आंय, कि तुमाए बीच जौन मैनत करत आंय, और पिरभू में तुमाए गुरू आंय, और तुम हां समझात आंय, उनकी बात मानो।

- 1 थिस्सलुनीकियों 5:12 ပူးပေါင်းရင်းမြစ်များ

- लूका 10:7

ओई घर में रओ, और जौन कछु बे औरें तुम हां खाबे हां देबें, ओई खाओ पियो, कायसे मजूर हां मजूरी मिलबो चईये: घर घर न फिरियो।

- यूहन्‍ना 4:38

मैंने तुम हां बो खेत काटबे पठैव, जी में तुम ने मेहनत नईं करी, दूसरन ने मेहनत करी और तुम ऊ की मेहनत के फल में संग्गी भय।

- प्रेरितन के काम 20:28

ई लाने अपनी और अपने सबरे गुट की रखनवारी करो; जीके बीच पवित्र आत्मा ने तुमहां मुखिया ठहराओ आय; की तुम परमेसुर की मण्डली की रखनवारी करो, जीहां ऊ ने अपने खून से मोल लओ आय।

- प्रेरितन के काम 20:35

मैंने तुमहां हरएक बातन से जौ बताओ आय, की तुम भी ऐंसई कड़ी मेहनत करके, कमजोरन हां संभालो, और प्रभु यीशु मसीह की बातन की खबर धरियो, जौन ऊ ने आपऊ कहे; की लेबे से देबो धन्य आय।

- रोमियों 16:12

त्रूफै ना और त्रूफोसा हां जौन पिरभु में मैनत करत आंय, नमस्कार। प्रिया पिरसिस हां जीने पिरभु में एन मैनत करी, नमस्कार।

- रोमियों 16:6

मरियम हां जीने तुमाए लाने बिलात काम करो, नमस्कार।

- पैली कुरिन्थियों 12:28

और परमेसुर ने मण्डली में अलग अलग मान्स राखे आंय; पेंला प्रेरित, दूजे अगमवकता, फिन गुरूजन, फिन अचरज के काम करबेवारे, फिन साजो करबेवारे, और भलाई करबेवारे, और मुखिया, और बिलात भांत की भाषा बोलबेवारे।

- पैली कुरिन्थियों 15:10

परन्त मैं जो कछु आंव, परमेसुर की दया से आंव: और उनकी जौन दया मो पे भई आय, बा अकारथ नईं गई; परन्त मैंने उन सबरन से बढ़के मैनत सोई करी: जानो कि जौ मोरी कुदाऊं से नईं भओ परन्त परमेसुर की दया से जौन मो पे हती।

- पैली कुरिन्थियों 16:16

सो मैं तुम से बिन्तवाई करत आंव कि ऐसन कौ कओ मानो, जाने सबई कोई के जौन ई काम में मैनती और संग्गी आय।

- पैली कुरिन्थियों 16:18

और उन ने मोरो और तुमाओ हिया जूड़ो करो आय, ई लाने ऐसन हां मानो।

- पैली कुरिन्थियों 3:9

कायसे कि हम परमेसुर के संग्गै काम करबेवारे आंय; तुम परमेसुर की खेती और परमेसुर के बनाए भए आव।

- दूसरी कुरिन्थियों 11:23

(मैं पगला घांई कैत आंव) मैं उनसे बढ़के आंव! बिलात मैनत करे में; बेर बेर जेहल जाबे में; कोड़ा घले में; बेर बेर मरत मरत बचो।

- दूसरी कुरिन्थियों 5:9

ईसे हमाए हिये की मनसा जा आय, कि चाए संग्गै रएं और चाए न्यारे रैबें, पिरभू हां अच्छे लगें।

- दूसरी कुरिन्थियों 6:1

हम जौन उनके संग्गै काम करत आंय ऐसो समझात आंय, कि परमेसुर ने जौन दया तुमाए ऊ परै करी आय, ऊहां ऐसई न जानो।

- गलतियों 4:11

मोहां तुमाए लाने जौ भय आय, कि कहूं ऐसो न होबै, जैसी मैनत मैंने तुम में करी, बा बेकार न चली जाबै।

- फिलिप्पियों 2:16

तुम ऐसई बने रए तो मोहां जो गरब हुईये, कि जौन सेवा मैंने तुमाए बीच मैनत से करी बो ऊं सई नईं गई।

- फिलिप्पियों 2:19

पिरभू ने मोहां जा आसा दई आय, कि मैं झट्टई तीमुथियुस हां तुम लौ पठैओं, कि तुमाए बारे में सुनके मोहां साजो लगे।

- कुलुस्सियों 1:29

ऐई से मैं बहुतई मैनत करत आंव जौन मोहां उनसे मिलत आय।

- 1 थिस्सलुनीकियों 2:9

भईया हरौ, तुम हमाए दुख और परेसानी हां जानत आव, कि हम ने रात दिना अपनो धन्धा करत तुम हां परमेसुर की बातें बताईं, कि तुम में से कोई पै बुझवा न डालें।

- 1 थिस्सलुनीकियों 4:1

सो भईया हरौ, हम तुम से कैत आंय, और पिरभू के नाओं से तुम हां समझात आंय, जैसो तुमने तको आय, कि हम जैसो बे चाहत आंय, और जीसे खुस होत आय, ऊंसई रैत आंय, तुम सोई ऊंसई चलत आव सो अच्छे से आगे चलत चलो।

- 1 थिस्सलुनीकियों 5:14

भईया हरौ, हम बताएं कि जौन की चाल ठीक नईंयां उन हां समझाओ, और जौन पाछें आंय उन हां बढ़ाओ, और सबरन की सहो।

- 1 तीमुथियुस 5:1

कोई बूढ़े जने हां न डांटिये; परन्त बाप समझ के समझा दईये, और जुआनन हां भईया सोच के, और बूढ़ियन हां मताई सोच के।

- 1 तीमुथियुस 5:20

जौन पाप करे ऊहां सबरे मान्सन के सामूं समझा देओ, कि दूजे जनें सोई पाप करबे से डराबें।

- 2 तीमुथियुस 2:6

जौन किसान मेहनत करत आय ऊको फल ऊहां मिलत आय।

- तीतुस 1:3

और ऐन बेरा पै अपने परचार से उजागर करी, जौन हमाए तरन तारन करबेवारे परमेसुर की मरजी से दई गई।

- तीतुस 1:5

मैं ई काजें तोहां क्रेते में छोड़ आओ हतो, कि तें जौन बातें बचीं आंय उन हां ठीक ठाक करे, और जैसी मैंने कई हती कि हरएक जांगा पै प्राचीनन हां काम पै लगाए।

- तीतुस 2:15

तें पूरे हक्क से इन बातन हां समझा, और सिखा दे कि कोई तोपे उंगरिया न उठा पाबै।

- इब्रानियों 13:17

अपने गुरु जनों की मानो बे तुमाए जीवन हां तकें रैत आंय; कायसे बे परमेसुर हां तुमाए लाने लेखो दै हैं, बे जो काज खुसी से करें, बोझो न समझें, कायसे ऐसी सेवा से तुम हां कोई फायदा न हुईये।

- इब्रानियों 13:7

अपने गुरू जन हां जीने तुम हां परमेसुर की कथा सुनाई, उन हां न बिसराईयो; और ध्यान धरियो कि उन को जीवन कैसो हतो और उनके बिसवास की बातन हां पकड़े रहियो।

- यूहन्‍ना के दरसन कौ खुलासा 1:20

यानी उन सात तारों हां जौन तेंने मोरे दाएं हाथ में तके हते, और उन सात सोने की दीवटों कौ का मतलब आय: बे सात तारे सात मण्डली के दूत आंय, और बे सात दीवटें सात मण्डली आंय।

- यूहन्‍ना के दरसन कौ खुलासा 2:12

और पिरगमुन की मण्डली के दूत हां ऐसो लिखो, कि, जीके ऐंगर चोखी और दोधारी तलवार आय, बो जौ कैत आय।

- यूहन्‍ना के दरसन कौ खुलासा 2:18

और थुआतीरा की मण्डली के दूत हां ऐसो लिखो, कि, परमेसुर को पूत जी की आंखें आगी की लपटें जैसी आंय, और जीके गोड़े उम्दा पीतल जैसे आंय, ऐसो कैत आय।

- यूहन्‍ना के दरसन कौ खुलासा 2:3

तें धीरज धरत आय, और मोरे नाओं के लाने दुख उठात उठात थकत नईंयां।

- यूहन्‍ना के दरसन कौ खुलासा 2:8

और स्मुरना की मण्डली के दूत हां ऐसो लिखो, कि, जौन पेंला और अन्तिम आय; जो मर गओ हतो और अब जी गओ आय, बो जौ कहत आय।

- यूहन्‍ना के दरसन कौ खुलासा 3:1

सरदीस की मण्डली के दूत हां ऐसो लिखो, कि, जीके ऐंगर परमेसुर की सात आत्माएं और सात तारे आंय, बो कैत आय, कि मैं तोरे सब काम हां जानत आंव, कि तें कहात तो है जीयत, पर है मरो भओ।

- यूहन्‍ना के दरसन कौ खुलासा 3:14

लौदीकिया की मण्डली के दूत हां ऐसो लिखो, कि, जो आमीन, और भरोसा धरबे जोग, और सच्चो गवाह आय, और परमेसुर के संसार कौ खास कारन आय, बो ऐसो कैत आय।

- यूहन्‍ना के दरसन कौ खुलासा 3:7

और फिलेदिलफिया की मण्डली के दूत हां ऐसो लिखो, कि, जो पवित्तर और सांचो आय, और जौन दाऊद की कुंजी धरत आय, जीके खोले भय हां कोऊ बन्द नईं कर सकत और बन्द हां खोल नईं सकत, बो ऐसो कैत आय।