- 1 थिस्सलुनीकियों 5:10 - Bundeli Holy Bible

¹⁰ पिरभू हमाए काजें ईसे मरे, कि हम चाए मरें, चाए जीयत रैबें, उनके संग्गै जीबें।

- 1 थिस्सलुनीकियों 5:10 ပူးပေါင်းရင်းမြစ်များ

- मत्ती 20:28

जी तरहां मान्स कौ पूत अपनी चाकरी कराबे नईं, बल्कि चाकर बनके और बिलातन के तरन तारन के लाने अपनो प्राण देबे आओ।

- यूहन्‍ना 10:11

उमदा गड़रिया मैं आंव; उमदा गड़रिया अपनी गाड़रन के लाने अपनो प्राण देत आय।

- यूहन्‍ना 10:15

वैसई जैसो बाप मोय चीनत आय, और मैं बाप हां चीनत आंव, और मैं गाड़रन के लाने अपनो प्राण देत आंव।

- यूहन्‍ना 10:17

बाप ई लाने मोसे प्रेम करत आय, कि मैं अपनो प्राण देत आंव, कि ऊहां फिन ले लेओं।

- यूहन्‍ना 15:13

ईसे बड़ो प्रेम और कोऊ कौ नईंयां, कि कोऊ अपने संगी के लाने अपनो प्राण दैबे।

- रोमियों 8:34

फिन को आय जौन दण्ड़ कौ हुकम दै है? मसीह बो आय जौन मर गओ और मरे भयन में से जी सोई उठो, और परमेसुर के दायें हाथ कुदाऊं आय, और हमाए लाने बिन्तवाई सोई करत आय।

- पैली कुरिन्थियों 15:3

ऐई से मैंने सब से पेंला तुम हां ओई बात पोंचा दई, जौन मोहां मिली हती, कि पवित्तर धर्मपोथी के बचन के अनसार यीशु मसीह हमाए पापों के लाने मर गओ।

- दूसरी कुरिन्थियों 5:15

और बे ईसे सबरन के काजें मरे, कि जौन जीयत आंय, बे आगे हां अपने लाने न जीये अकेले उनके लाने जौन उनकी कोती मरो और फिन जी सोई गए।

- दूसरी कुरिन्थियों 5:21

जौन पाप जानत लौ न हते, उनईं के ऊ परै उन ने हमाए पाप डाल दए, कि उन से हम सबरे जनें परमेसुर के लाने धरमी हो जाबें।

- इफिसियों 5:2

प्रेम से चलो; जैसो मसीह ने तुम से प्रेम करो; और हमाए काजें जैसो अगरबत्ती की सुगन्ध परमेसुर के आगे भेंट चढ़ाई।

- 1 थिस्सलुनीकियों 4:13

भईया हरौ, हम नईं चाहत, कि जौन मर गए, उनके लाने नें जानो; ऐसो न होबै, कि दूसरे जन घांई तुम रोओ पीटो जिन हां सांचई कोई आसा नईंयां।

- 1 थिस्सलुनीकियों 4:15

कायसे पिरभू ने जैसी कई तुम से सोई कैत आंय, कि हम जौन जीयत आंय, और पिरभू के आबे लौ जीयत रै हैं, सो जौन मर गए आंय उनसे आगे न बढ़ हैं।

- 1 थिस्सलुनीकियों 4:17

और ईके पाछें हम जौन जियत हुईयें और संसार में बचे रै हैं, उनके संग्गै बादरन पै उठा लय जै हैं, कि हवा में पिरभू से जुड़े, और फिन हम पिरभू के संग्गै रै हैं।

- 1 थिस्सलुनीकियों 5:6

सो हम दूसरन घांई सोत नईं रैबें, परन्त जागत और चौकन्ने रैबें।

- 1 तीमुथियुस 2:6

जीने अपने प्राणन हां सबके तरन तारन के लाने दे दओ; जी की गवाह ठीक बेरा पै दई गई।

- 2 तीमुथियुस 2:11

सांची बात जा आय, कि यदि हम उनके संग्गै मानो मर गए आंय तो उनके संग्गै जी जै हैं।

- तीतुस 2:14

उन ने अपने आप अपनो बलदान करो, कि हम हां सबरे पापन से दूर करबें, और हम हां साजो कर के ऐसे बनाबें जौन धरम के काज में लगे होबें।

- 1 पतरस 2:24

बो खुद हमाए पापन हां अपनी देयां पे लएं भए क्रूस पे चढ़ गओ, जीसे हम पापन के लाने मर के धार्मिकता के लाने जीवन बिताएं; ओई के मार खाबे से तुम साजे भए।

- 1 पतरस 3:18

ई लाने कि मसीह ने सोई, जाने कि अधरमी जन के लाने धरमी ने पापन के काजें एक बेर पीड़ा भोगी, जीसे हम हां परमेसुर के ऐंगर पोंचाबें: बो देयां के लेखे से मार डालो गओ, पर आत्मा के लेखे से जिलाओ गओ।