- 1 थिस्सलुनीकियों 4:6 - Bundeli Holy Bible

⁶ ई बात में कोई अपने भईया हां न ठगे, और न ऊ की भली मंसा को गलत फायदा उठाए, परमेसुर ऐसे मान्स हां उनके पापन के लाने दण्ड दै है; जैसो हम ने पेंला बता के चिता दओ हतो।

- 1 थिस्सलुनीकियों 4:6 ပူးပေါင်းရင်းမြစ်များ

- मरकुस 10:19

तें आज्ञन हां तो जानत आय; हत्या न करबो, व्यभिचार न करबो, चोरी न करबो, झूठी गवाही न दैबो, छल न करबो, अपने बाप और अपनी महतारी की इज्जत करबो।

- लूका 12:5

मैं तुम हां होसियार करत आंव कि तुम हां की से डरो चईये, घात करबे के पाछें जी हां नरक में डालबे कौ अधकार आय, ओई से डरो: मैं तुम से कैत आंव ओई से डरो।

- लूका 16:28

कायसे मोरे पांच भईया आंय, बो इन बातन की गवाई उन के सामूं देबे, ऐसो न होय कि बे सोई ई पीड़ा की जांगा में आएं।

- रोमियों 1:18

परमेसुर कौ खुन्स तो उन लोगन की अभक्ति और अधर्म पे सरग से उजागर होत आय, जौन सत्त हां पाप से दबाए रैत आंय।

- रोमियों 12:19

हे प्यारो अपनो बदला न लईयो; परन्त परमेसुर के खुन्ख हां काम करन देओ, कायसे लिखो आय, बदला लेबो मोरो काम आय, पिरभु कैत आय मैंई बदला दे हों।

- रोमियों 13:4

कायसे बो तोरे साजे के लाने परमेसुर कौ सेवक आय। परन्त जदि तें बुराई करे, तो डर; कायसे ऊ तलवार ऐंसई नईं लएं और परमेसुर को सेवक आय; कि ऊके न्याय के अनसार बुरए काम करबेवारन हां दण्ड़ देबे।

- दूसरी कुरिन्थियों 7:11

सो तकौ, ऐई बात सेकि तुम हां परमेसुर भक्ति को शोक भओ जीसे तुमें जोस आओ कि जुआब देबो और खुन्स, और डर, और लालसा, और धुन और बदला लैबे की मन में आई? अकेले तुम ने सबरी हालत में जौ दिखा दओ, कि तुम इन बातन से बरी आव।

- गलतियों 5:21

दूसरन को बुरओ चाहबो, नसा करबो, नांच, राई, और ऐसई बुरय काम, इनके लाने मैं पेंला से कैत आंव, जैसो पेंला सोई कहो हतो, कि ऐसे काम करबेवारे ईसुर के राज में हक्कदार नईं हुईयें।

- इफिसियों 4:17

ईसे मैं जौ कैत आंव, और पिरभू में तुम हां चिताय देत आंव, कि जैसे अन्यजाति लोग अपने मन की बुरई बातन पै चलत आंय, तुमअब से ऐसे नईं चलो।

- इफिसियों 4:28

चोरी करबेवारे अब चोरी नईं करें, अकेले अच्छे काम करें और हाथन से मैनत करें; कि जीहां अटका पड़े, ऊहां दैबे हां तुम लौ कछु होबे।

- इफिसियों 5:6

कोई तुम हां ऊं सई बातन से धोखा न देबे; कायसे ऐसे कामन से परमेसुर को श्राप अग्या न मानबेवारन पै होत आय।

- 1 थिस्सलुनीकियों 2:11

जैसे बाप अपने बाल बच्चन हां सिखात आय, और प्रेम करत ऊं सई हम तुम हां सिखात हते, और समझात, और सान्ति देत हते।

- 2 थिस्सलुनीकियों 1:8

और जौन जनें परमेसुर हां नईं चीनत, और पिरभू यीशु मसीह की बातें नईं मानत उन से बदला लै है।

- इब्रानियों 13:4

ब्याव हां आदर की बात सोचो, और ब्याव में अपनी संग्गी हां धोखो न दईयो; कायसे एक दिना परमेसुर परतिरिया संगत करबेवारन को न्याय कर हैं।

- इब्रानियों 2:6

कोऊ ने बचन में ऐसी कई, कि मान्स में ऐसो का आय, कि तें ऊ की चिन्ता करे, और हम जैसे कमजोर मान्स पै ध्यान करे?

- याकूब 2:6

पर तुम ने अपने पिच्छवारी के बैवार से ऊ गरीब कौ अपमान करो: का धनी मान्स तुम पे अत्याचार नईं करत, का बेई तुम हां कचारियन में कड़ोर कड़ोर के नईं ले जात।

- याकूब 5:4

तको, जौन मजूरन ने तुमाए खेत काटे, उन की बा मजूरी तुम ने बेईमानी से धर लई आय बा चिल्या रई आय, और कटईयन की बिनती, सेनाओं के यहोवा परमेसुर के कान लौ पोंच गई आय।