- 1 थिस्सलुनीकियों 4:16 - Bundeli Holy Bible

¹⁶ कायसे पिरभू खुद सरग से उतर है; ऊ बेरा बड़ी जोर की अग्या हुईये, और बड़े दूत और तुरही के फूके जाबे की आवाज हुईये, और जौन पिरभू यीशु मसीह पै बिसवास धरें मर गए हते, बे पेंला जी उठ हैं।

- 1 थिस्सलुनीकियों 4:16 ပူးပေါင်းရင်းမြစ်များ

- मत्ती 16:27

कायसे मान्स कौ पूत अपने सरगदूतन के संग्गै अपने बाप की मईमा में आ है, और ओई बेरा बो हर एक मान्स हां ऊके कामन के अन्सार फल दै है।

- मत्ती 16:28

मैं तुम से सांची कहत आंव, कि जो इते ठांड़े आंय, उन में से कितेक ऐसे आंय; कि जब लौ मान्स के पूत हां ऊके राज्य में आत भए न हेर लै हैं, तब लौ मृत्यु कौ सुवाद कभऊं न चीख हैं।

- मत्ती 25:31

जब मान्स कौ पूत अपनी मईमा में आ है, और सब सरगदूत ऊके संग्गै आ हैं तो बो अपनी मईमा के सिंहासन पर बिराज है।

- मत्ती 26:64

यीशु ने ऊसे कई; तें ने खुदई कै दई; फिन भी मैं तोसे कहत आंव, कि अब से तुम मान्स के पूत हां सर्वशक्तिमान के दायने कोद बैठो, और सरग के बादरन पे आत भओ तक हौ।

- प्रेरितन के काम 1:11

और कहन लगे; हे गलील के मान्सन, तुम काय इते ठांड़े सरग कुदाऊं तक रए आव? जौई यीशु, जौन तुमाए ऐंगर से सरग पे उठा लओ गओ आय, जौन रीति से तुम ने ऊहां सरग पे जात तको आय ओई रीति से बो फिन आ है।

- पैली कुरिन्थियों 15:18

और जौन मसीह में बिसवास धरें मर गए, बे सोई नास भए।

- पैली कुरिन्थियों 15:20

परन्त सांचई मसीह मरे भयन में से जी उठो आय, और जौन सो गए आंय, उन में सब से पेंला जीबेवारो भओ।

- पैली कुरिन्थियों 15:23

परन्त सबई कोई अपनी अपनी बेरा पे; पैलो फल मसीह; फिन मसीह के आबे पे उनके जनें।

- 1 थिस्सलुनीकियों 1:10

और उनके पुत्तर पिरभू यीशु मसीह के सरग से फिन के आबे की रस्ता तकत रओ, जीहां उन ने मरे भयन में से जिला दओ, जौन हम हां नरक के दुख से बचात आय।

- 1 थिस्सलुनीकियों 3:11

अब हमाए पिता परमेसुर और पिरभू यीशु मसीह, तुम लौ आबे में हमाई गैल बनाबें।

- 2 थिस्सलुनीकियों 1:7

तुम हां जौन दुख मिलत आय, उन हां चैन मिलबे; जौ जब हुईये जब पिरभू यीशु मसीह अपने बली सरग के दूतन के संग्गै, धधकत आगी में सरग से आहै।

- 2 थिस्सलुनीकियों 2:1

भईया हरौ, हमाए पिरभू यीशु मसीह के आबे, और अपन सबको उन लौ इकठ्ठे होबे के काजें बिन्तवारी करत आंय।

- 2 पतरस 3:10

परन्त पिरभु कौ दिन भड़या घांई आ जै है, ऊ दिन आकास बड़ी हड़बड़ाहट की गरजन से जात रै है, सबरी चीजें बिलात तांती होकें पिघल जै हैं, धरती और ऊ पे के काम जल जें हैं।

- यहूदा 1:9

जब महाबली सरगदूत मीकाईल ने, शैतान छलिया से मूसा की मरी देह के लाने पूछो, तो ऊहां कछु बुरओ न कहो, परन्त जा कई कि परमेसुर तोहां डांटे।

- यूहन्‍ना के दरसन कौ खुलासा 1:10

एक दिना परमेसुर ने मोरी आत्मा हां लओ, और मैंने अपने पछारें तुरही जैसी बड़े जोर की आवाज सुनी।

- यूहन्‍ना के दरसन कौ खुलासा 1:7

तको, ऊ बादरन के संग्गै आबेवारे आय; और सबरे जनें उन हां तक हैं, और जिन ने उन हां पसुरिया में चाक दओ हतो, बे भी उन हां तक हैं, और संसार के सबरे कुल उन के कारन छाती पीट हैं। हओ। आमीन।

- यूहन्‍ना के दरसन कौ खुलासा 14:13

मैंने सरग से ऐसो शब्द सुनो, कि लिख; जो मान्स पिरभू में मरत आंय, बे अब से धन्न आंय, आत्मा ने सोई कई कि जौन मेहनत से काम उन ने करो आय उन हां इनाम मिल है, और बे आराम कर हैं।

- यूहन्‍ना के दरसन कौ खुलासा 8:13

और मैंने फिन तको, तो आकाश के बीच उकाब हां उड़त और ऊंची आवाज में ऐसो कैत सुनो, कि उन तीन सरगदूतन की तुरही को फूकबो बचो आय, धरती पै रैबेवारे मान्सन पै हाय! हाय! हाय!

- यूहन्‍ना के दरसन कौ खुलासा 8:2

और मैंने उन सातई सरगदूतन हां जौन परमेसुर के सामूं ठांड़े रैत आंय, तको, और उन हां सात तुरहियां दईं गई।