- 1 थिस्सलुनीकियों 4:1 - Bundeli Holy Bible

¹ सो भईया हरौ, हम तुम से कैत आंय, और पिरभू के नाओं से तुम हां समझात आंय, जैसो तुमने तको आय, कि हम जैसो बे चाहत आंय, और जीसे खुस होत आय, ऊंसई रैत आंय, तुम सोई ऊंसई चलत आव सो अच्छे से आगे चलत चलो।

- 1 थिस्सलुनीकियों 4:1 ပူးပေါင်းရင်းမြစ်များ

- यूहन्‍ना 15:2

जो डार मोय में आय, और नईं फलत, ऊहां बो काट डालत आय, और जौन फलत आय, ऊहां बो छांटत आय कि और फले।

- प्रेरितन के काम 20:27

कायसे मैं परमेसुर की सबरी मनसा हां तुम हां बताबे से नईं झिझको।

- रोमियों 8:8

जौन जनें पाप के बन्धन में आंय, बे परमेसुर हां खुस नईं कर सकत।

- पैली कुरिन्थियों 11:23

कायसे कि जा बात मोय पिरभु से पोंची, और मैंने तुम हां पोंचा दई; कि पिरभु यीशु ने जौन रात बो पकड़वाओ गओ रोटी लई।

- पैली कुरिन्थियों 15:1

हे भईया हरौ, मैं तुम हां ओई भलो सन्देसो बतात आंव जौन पेंला सुनाओ हतो, जिए तुम ने मान सोई लओ हतो और जी में तुम पक्के सोई आव।

- पैली कुरिन्थियों 15:58

सो हे मोरे प्यारे भईया हरौ, पक्के बने रओ, और पिरभु के काम में बढ़त जाओ, कायसे कि जानत आव, कि तुमाई मैनत पिरभु में अकारथ नईंयां।

- दूसरी कुरिन्थियों 10:1

मैं ओई पौलुस जौन तुमाए सामूं दीन आंव, अकेले तुमाए पीठ पाछें तुम पै कैबे की हिम्मत करत आंव; कि तुम हां मसीह जैसी दीनता, और सादे मन से समझात आंव।

- दूसरी कुरिन्थियों 13:11

सो भईया हरौ, सुखी रओ; पक्के होत जाओ; हिम्मत राखौ; एक मन राखौ; जुड़के रओ, और प्रेम और सान्ति को दैबेवारो परमेसुर तुमाए संग्गै होबै।

- दूसरी कुरिन्थियों 5:9

ईसे हमाए हिये की मनसा जा आय, कि चाए संग्गै रएं और चाए न्यारे रैबें, पिरभू हां अच्छे लगें।

- दूसरी कुरिन्थियों 6:1

हम जौन उनके संग्गै काम करत आंय ऐसो समझात आंय, कि परमेसुर ने जौन दया तुमाए ऊ परै करी आय, ऊहां ऐसई न जानो।

- गलतियों 6:1

भईया हरौ, कोऊ मान्स कोई गलती में पकड़ो जाए, तो तुम जौन आत्मिक आव, तो नरमाई से ऐसे हां संभालो, और अपने हां चौकन्ने राखो कि गिर न जाओ।

- इफिसियों 4:1

मैं जौन पिरभू में बंधुआ आंव तुम से बिन्तवाई करत आंव, कि जी काजें तुमाओ बुलऊ आ भओ आय, ऊ की जैसी चाल चलो।

- इफिसियों 4:20

अकेले तुम ने मसीह से ऐसो नईं सीखो।

- इफिसियों 5:17

सो मूरख न बनो, अकेले चित्त लगाओ, कि पिरभू की चाहना का है?

- फिलिप्पियों 1:27

इत्तो करौ कि तुमाओ जीवन सुसमाचार की बातन जैसो होबै, और चाहे मैं आओं और न आओं मोहां पता चलै, कि तुम एकई मन के बने आव और एक होकें पिरभू की बात दूसरन लौ बताबे में लगे रैत आव।

- फिलिप्पियों 1:9

मोरी जा बिनती आय, कि तुमाओ प्रेम ओई मन से पिरभू यीशु मसीह पै लगो रैबे।

- फिलिप्पियों 3:14

मैं आगे हां निसाने पै पहुंचबे हां बढ़ो चलो जात आंव, कि ऊ इनाम पाओं, जीके काजें पिरभू ने मोहां बुलाओ आय कि मोहां सरग पौचाबे।

- कुलुस्सियों 1:10

कि तुमाई चाल पिरभू हां अच्छी लगे, और बे सबरी बातन से खुस होबें, और तुमाए काज भले होबें, और परमेसुर के काज में बढ़त चलो।

- कुलुस्सियों 2:6

सो जैसो तुम ने यीशु मसीह हां अपनो पिरभू मानो आय, ऊंसई पिरभू में चलो।

- 1 थिस्सलुनीकियों 3:12

और पिरभू ऐसो करे, कि जैसे हम तुम से प्रेम राखें आंय; ऊं सई तुम एक दूजे से, और सबरे मान्सन से प्रेम करो, तो तुम बढ़त जै हौ।

- 1 थिस्सलुनीकियों 4:2

तुम हां पता आय, कि हम ने तुम हां यीशु मसीह की कौन कौन अग्या बताई आंय।

- 1 थिस्सलुनीकियों 5:12

भईया हरौ, हम तुम से कैत आंय, कि तुमाए बीच जौन मैनत करत आंय, और पिरभू में तुमाए गुरू आंय, और तुम हां समझात आंय, उनकी बात मानो।

- 2 थिस्सलुनीकियों 1:3

भईया हरौ, तुमाए लाने हम हां परमेसुर को धन्न मानो चईये, और जौ सांचो आय कि तुमाओ पिरभू पै बिसवास बढ़त जात आय, और तुम एक दूजे से खीब प्रेम करत आव।

- 2 थिस्सलुनीकियों 2:1

भईया हरौ, हमाए पिरभू यीशु मसीह के आबे, और अपन सबको उन लौ इकठ्ठे होबे के काजें बिन्तवारी करत आंय।

- 2 थिस्सलुनीकियों 3:1

सो भईया हरौ, हमाए काजें सोई बिन्तवारी करो, कि पिरभू को बचन ऐसो झट्टई फैल जाबै, और बचन हां मान मिले, जैसे तुमाए बीच मिलो आय।

- 2 थिस्सलुनीकियों 3:13

परन्त भईया हरौ, तुम दूसरन की मदद करबे में हिम्मत न हारियो।

- 1 तीमुथियुस 5:21

परमेसुर, यीशु मसीह, और खास सरगदूतन के मानो सामूं जानके मैं तुम हां कए देत आंव, कि मन से इन बातन हां मानियो और कोई के संग्गै मों देखो न करियो।

- 2 तीमुथियुस 4:1

परमेसुर और यीशु मसीह के सामूं जौन जीयत और मरे जनों कौ न्याव कर है, जब बे फिन के परगट हुईयें, और अपनो धरम को राज जमै हैं जौ सोच के तोहां चिताए देत आंव।

- इब्रानियों 11:6

बिसवास बिना परमेसुर खुस नईं होत, कायसे जौन परमेसुर लौ आत आय ऊहां बिसवास धरो चईये, कि परमेसुर सांचे आंय; और जौन उन हां ढूढ़त है ऊहां बे मिलत आंय।

- इब्रानियों 13:16

भलो करबो, और दया करबो न छोड़ियो, कायसे ऐसे काम से परमेसुर खुस रैत आय।

- इब्रानियों 13:22

भईया हरौ, मैं तुम से बिन्तवाई करत आंव, कि जौन बातें मैंने तुम हां लिखी आंय उन पै ध्यान धरियो।

- 2 पतरस 3:18

परन्त हमाए पिरभु, और तारन करबेवारे यीशु मसीह के अनुग्रह और सान्ति में बढ़त जाओ।

- 1 यूहन्‍ना 3:22

जा बात सोई आय कि जो कछु हम उनसे बिन्तवारी करत आंय, तो बे हम हां देत आंय; कायसे कि हम उनकी कई करत आंय; और जौन बातें उन हां भाती आंय, उनई हां करत आंय।