- 1 थिस्सलुनीकियों 3:12 - Bundeli Holy Bible

¹² और पिरभू ऐसो करे, कि जैसे हम तुम से प्रेम राखें आंय; ऊं सई तुम एक दूजे से, और सबरे मान्सन से प्रेम करो, तो तुम बढ़त जै हौ।

- 1 थिस्सलुनीकियों 3:12 ပူးပေါင်းရင်းမြစ်များ

- मत्ती 22:39

और ऐई तरहां दूसरी भी आय, कि तें अपने पड़ोसी से अपने समान प्रेम कर।

- मत्ती 7:12

ई लाने जैसो तुम चाहत आव, कि मान्स तुमाए संग्गै करें, तुम सोई उन के संग्गै वैसई करो; कायसे पुराने नैम और आगमवकतन की जाई शिक्षा आय।

- लूका 17:5

तब प्रेरितन ने पिरभु से कओ, हमाओ बिसवास बढ़ा।

- रोमियों 13:8

आपस के प्रेम हां छोड़ और कोई बात में कोऊ के करजदार न बनो; कायसे जौन कोई दूसरे से प्रेम राखत आय, ओई ने नेम व्यवस्था पूरी करी आय।

- दूसरी कुरिन्थियों 9:10

जौन बोवेवारे हां बीज, और खैबे हां रोटी देत आय बो तुम हां बीज दै है, और ऊहां उगा है; और तुमाए धरम के फल बहुतई बढ़ा है।

- गलतियों 5:22

अकेले आत्मा के फल प्रेम, आनन्द, मेल मिलाप, धीरज धरबो।

- गलतियों 5:6

मसीह यीशु में न खतनावारो और न बिना खतनावारो कछु काम के आंय, अकेले जौन प्रेम से काम करत आय।

- फिलिप्पियों 1:9

मोरी जा बिनती आय, कि तुमाओ प्रेम ओई मन से पिरभू यीशु मसीह पै लगो रैबे।

- 1 थिस्सलुनीकियों 2:8

हम तुम से प्रेम करत हते सो परमेसुर की बातें तुम हां सुनाईं, इतनो लौ कि हम अपनी जान दैबे हां तईयार हते, कायसे तुम हमाए हिये में बस गए हते।

- 1 थिस्सलुनीकियों 4:1

सो भईया हरौ, हम तुम से कैत आंय, और पिरभू के नाओं से तुम हां समझात आंय, जैसो तुमने तको आय, कि हम जैसो बे चाहत आंय, और जीसे खुस होत आय, ऊंसई रैत आंय, तुम सोई ऊंसई चलत आव सो अच्छे से आगे चलत चलो।

- 1 थिस्सलुनीकियों 5:15

ध्यान धरो, कोई से बुरय से बुरो न करो; परन्त भला करो।

- 2 थिस्सलुनीकियों 1:3

भईया हरौ, तुमाए लाने हम हां परमेसुर को धन्न मानो चईये, और जौ सांचो आय कि तुमाओ पिरभू पै बिसवास बढ़त जात आय, और तुम एक दूजे से खीब प्रेम करत आव।

- याकूब 1:17

हर एक साजो बरदान और हर एक साजे से साजे बरदान ऊ परै से आंय, और उजयारे के बाप कुदाऊं से मिलत आय, जौन न तो कभऊं बदलत आय, और न छाया के जैसो बदलबे वारो आय।

- 2 पतरस 1:7

भक्ति पे भाईचारे कौ स्नेह, और स्नेह पे प्रेम बढ़ात जाओ।

- 2 पतरस 3:18

परन्त हमाए पिरभु, और तारन करबेवारे यीशु मसीह के अनुग्रह और सान्ति में बढ़त जाओ।