- 1 थिस्सलुनीकियों 2:9 - Bundeli Holy Bible

⁹ भईया हरौ, तुम हमाए दुख और परेसानी हां जानत आव, कि हम ने रात दिना अपनो धन्धा करत तुम हां परमेसुर की बातें बताईं, कि तुम में से कोई पै बुझवा न डालें।

- 1 थिस्सलुनीकियों 2:9 ပူးပေါင်းရင်းမြစ်များ

- नहेम्याह 5:15

परन्‍त पैलेवारे अधिपति जो मोयसें पैलां हते, बे परजा पै बोझ डालत हते, और उनसें रोटी, और दाखमधु, और ईके संगै चालीस शेकेल (लगभग आधा किलोग्राम) चांदी लेत हते, बल्‍कि उनके सेवक सोई परजा के ऊपर अधिकार जतात हते; परन्‍त मैं एैसो नईं करत हतो, कायसे मैं यहोवा परमेसुर कौ भय मानत हतो।

- नहेम्याह 5:18

जो रोज के लाने खाबे हों तईयार करो जात हतो ऊ एक बैल, छै साजी साजी गाड़र या छिरियां हतीं, और मोरे लाने चिड़ियां सोई तईयार करी जात हतीं; दस दस दिना बाद तरहां तरहां की मुतकी दाखमधु सोई तईयार करी जात हती; फिन भी मैंने अधिपति के हक्‍क कौ भोजन नईं लओ, कायसे काम कौ बोझ परजा पै जादां हतो।

- लूका 18:7

सो का परमेसुर अपने नबेरे भय कौ न्याव न चुका है, जौन रात दिना ऊ की दुहाई देत रैत आंय, और का बो उन के बारे में अबेर कर है?

- लूका 2:37

बा चौरासी बरस से बिधवा हती: और मन्दर हां न छोड़त हती पर उपवास और बिन्तवाई कर दिन रात भजन भक्ति करत हती।

- प्रेरितन के काम 18:3

और ई लाने कि ऊ को भी ओई धन्धा हतो; बो उनके इते गओ और उनके संग्गै रहो, और बे काज करन लगे, कायसे धन्धे से बे झुग्गी बनाबेवाले हते।

- प्रेरितन के काम 20:24

मैं अपने प्राण हां कोऊ भी तरहां अपने लाने प्यारो नईं समझत आंव, अगर समझत आंव, तो केवल ई लाने की में जीवन हां और ऊ काज हां, जौन मोय प्रभु यीशु मसीह से मिली आय, पूरी करों, यानि मैं परमेसुर के आसीस के सन्देसे की चित्त लगा के गवाही देओं।

- प्रेरितन के काम 20:31

ई लाने चौकन्ने रहियो; और खबर राखियो; की मैंने तीन बरस लौ रात दिना अंसुआ बहा बहा के, एक एक हां समझाबो नईं छोड़ो।

- रोमियों 1:1

पौलुस कुदाऊं से जौन यीशु मसीह कौ चाकर आय, और प्रेरित होबे हां बुलाओ गओ, और परमेसुर के ऊ भले सन्देसे के परचार के लाने नबेरो गओ आय।

- रोमियों 15:16

कि मैं दूसरी जातवारन के लाने मसीह यीशु कौ चाकर होकें परमेसुर के भले सन्देसे की सेवा याजक घांई करों; जीसे दूसरी जातवारन कौ मानो दओ जाबो, पवित्तर आत्मा से पवित्तर बनके अपनाओ जाबे।

- रोमियों 15:19

और अद्भुत चिन्हों और आश्चर्य कामन की शक्ति से, और पवित्तर आत्मा के बल सक्ति से मोरे द्वारा करे गए: इते लौ कि मैंने यरूशलेम से लेकेइल्लुरिकुम तक मसीह के भले सन्देसे कौ पूरो पूरो परचार करो।

- पैली कुरिन्थियों 4:12

मान्स बुरओ कैत, हम आसीसत आंय; बे सतात आंय, हम गम्म खात आंय।

- पैली कुरिन्थियों 9:15

परन्त मैं इन में से कोऊ बात काम में न लाओ, और मैंने जे बातें ई लाने नईं लिखीं, कि मोरे लाने ऐसो करो जाए, कायसे ई से साजो तो मोरो मरबो भलो आय; कि कोऊ मोरो घमण्ड अकारथ ठैराबे।

- पैली कुरिन्थियों 9:18

सो मोरी मजूरी कौन सी आय? जौ कि भलो सन्देसो सुनाबे में मैं मसीह कौ भलो सन्देसो सेंत मेंत कर दों; इते लौ कि भले सन्देसे में मोरो जौन अधकार आय, ऊ को मैं सबई भांत से काम में लाओं।

- पैली कुरिन्थियों 9:4

का हमहां खैबे पीबे कौ अधकार नईंयां?

- दूसरी कुरिन्थियों 11:27

मैनत करत दुख में; बेर बेर जागत रैबे में; भूखे पियासे में; बेर बेर उपासे रैबे में; जड़कारे में; खुले में रैबे में।

- दूसरी कुरिन्थियों 11:9

जब तुमाए संग्गै हतो, और मोहां घटी भई, तो मैंने कोनऊ पै बोझो नईं डालो, कायसे मकिदुनिया वारे भईयन ने आके, मोरी कभी घटी पूरी कर दई: और मैंने कोई बात मैं अपनो बुझवा तुम पै नईं डालो, और कभऊं न डाल हों।

- दूसरी कुरिन्थियों 6:5

कोड़ा खाए से, कैद होबे में, मान्सन ने जुड़ के परेसान करे से, बिलात मैनत से, जगत रैबे और उपास करबे से।

- फिलिप्पियों 4:16

और ऊं सई जब मैं थिस्सलुनीके में हतो; तबै सोई तुम ने मोरी घटी में एक बेरा नईं परन्त दो बेरा कछु पईसा भेजे हते।

- 1 थिस्सलुनीकियों 1:3

हम हमेसा परमेसुर के सामूं तुमाए बिसवास से करे काम, और सेवा जौन प्रेम से करी आय, और यीशु मसीह में हमाई जौन आस आय ऊहां याद करत आंय।

- 1 थिस्सलुनीकियों 2:2

तुम हां पता आय कि पैली बेरा हम फिलिप्पी में गए, तो कैसो दुख और परेसानी हम पे पड़ी, परन्त परमेसुर ने हम हां ऐसी हिम्मत दई, कि हम परमेसुर की बातें बिरोध में सोई सुनात रएं।

- 1 थिस्सलुनीकियों 2:6

हम परमेसुर के भेजे भए तुम पै बोझो डाल सकत हते, परन्त तुम में से, और कौनऊं मान्सन से मान नईं चाहो।

- 1 थिस्सलुनीकियों 3:10

हम रात दिना बिन्तवारी करत आंय, कि तुम लौ आके पिरभू की और बातें बताएं।

- 1 तीमुथियुस 1:11

जो उन महा धन्य परमेसुर के जस के ऊ सुसमाचार से आय, जौन मोहां दओ गओ आय।

- 1 तीमुथियुस 4:10

हम खूबई मैनत करत आंय और कोसस करत आंय, कि हमाई आस जीयत परमेसुर पे आय; जौन मान्सन को, और जौन उन हां मानत आंय उनको तरन तारन करबेवारो आय।

- 1 तीमुथियुस 5:5

जौन सांचई बिधवा होबै, और उनको और कोई न होबै; बे केवल परमेसुर के आसरे होबें, और रात दिना बिन्तवाई करबे में लगी रैबें।

- 2 तीमुथियुस 1:3

मैं अपने परमेसुर की सेवा अपने बड़े बूढ़न की रीत से साजे विवेक से करत आंव, और उनकी दया से तुमाए काजें बिन्तवारी करत आंव।