- 1 थिस्सलुनीकियों 2:11 - Bundeli Holy Bible

¹¹ जैसे बाप अपने बाल बच्चन हां सिखात आय, और प्रेम करत ऊं सई हम तुम हां सिखात हते, और समझात, और सान्ति देत हते।

- 1 थिस्सलुनीकियों 2:11 ပူးပေါင်းရင်းမြစ်များ

- पैलो इतिहास 28:20

फिन दाऊद ने अपने मोंड़ा सुलैमान सें कओ, “हिम्‍मत बांध और पक्‍कौ होकें ई काम में लग जा। डराओ नें, और तोरो हिया कच्‍चो नें होए, कायसे यहोवा परमेसुर जौन मोरो परमेसुर आय, ऊ तोरे संगै आय; और जब लौ यहोवा परमेसुर के भवन में जितनो काम करने होबै ऊ नें हो जाबै, तब लौ ऊ नें तौ तोहों छोड़है और नें तोहों त्यागहै।

- पैलो इतिहास 28:9

“हे मोरे मोंड़ा सुलैमान! तें अपने बाप के यहोवा परमेसुर कौ ध्‍यान रख, और खरे हिया और खुसी सें ऊकी सेवा करत रै; कायसे यहोवा परमेसुर हिया हों जांचत और बिचार में जो कछु पैदा होत आय ऊहों समझत आय। जदि तें ऊकी खोज में रए, तौ ऊ तोहों मिलहै; परन्‍त तें ऊहों छोड़ दैहै तौ ऊ हमेसा के लाने तोहों छोड़ दैहै।

- लूका 16:28

कायसे मोरे पांच भईया आंय, बो इन बातन की गवाई उन के सामूं देबे, ऐसो न होय कि बे सोई ई पीड़ा की जांगा में आएं।

- प्रेरितन के काम 20:2

बो उन सब परगना से होकें और मान्सन हां हिम्मत देत भओ यूनान पोंचो।

- इफिसियों 4:17

ईसे मैं जौ कैत आंव, और पिरभू में तुम हां चिताय देत आंव, कि जैसे अन्यजाति लोग अपने मन की बुरई बातन पै चलत आंय, तुमअब से ऐसे नईं चलो।

- 1 थिस्सलुनीकियों 2:7

जैसे मताई अपने लड़का बारे की देख भाल अच्छे से करत आंय, ऊं सई हम ने तुमाए संग्गै करो।

- 1 थिस्सलुनीकियों 4:1

सो भईया हरौ, हम तुम से कैत आंय, और पिरभू के नाओं से तुम हां समझात आंय, जैसो तुमने तको आय, कि हम जैसो बे चाहत आंय, और जीसे खुस होत आय, ऊंसई रैत आंय, तुम सोई ऊंसई चलत आव सो अच्छे से आगे चलत चलो।

- 1 थिस्सलुनीकियों 4:6

ई बात में कोई अपने भईया हां न ठगे, और न ऊ की भली मंसा को गलत फायदा उठाए, परमेसुर ऐसे मान्स हां उनके पापन के लाने दण्ड दै है; जैसो हम ने पेंला बता के चिता दओ हतो।

- 1 थिस्सलुनीकियों 5:11

सो एक दूजे हां उसकाओ, और एक दूजे हां बिसवास में पक्को करो, और तुम ऐसई करत सोई आव।

- 1 थिस्सलुनीकियों 5:14

भईया हरौ, हम बताएं कि जौन की चाल ठीक नईंयां उन हां समझाओ, और जौन पाछें आंय उन हां बढ़ाओ, और सबरन की सहो।

- 2 थिस्सलुनीकियों 2:5

तुम हां ध्यान आय कि जब मैं तुमाए बीच हतो तो तुम से ऐसई बातें कैत हतो।

- 2 थिस्सलुनीकियों 3:12

ऐसे मान्सन हां हम पिरभू यीशु मसीह के नाओं से सलाह देत आंय, कि बे चिमाने अपनो काम धन्धा करें, और कमा के अपनी रोटी खाबें।

- 1 तीमुथियुस 5:21

परमेसुर, यीशु मसीह, और खास सरगदूतन के मानो सामूं जानके मैं तुम हां कए देत आंव, कि मन से इन बातन हां मानियो और कोई के संग्गै मों देखो न करियो।

- 1 तीमुथियुस 5:7

उनहां समझात रै, कि कोई उन पै उंगरिया न उठा पाबें।

- 1 तीमुथियुस 6:13

मैं तोहां परमेसुर हां जो सब हां जीयत रखत आय, और पिरभू यीशु मसीह को गवाह मानके जीने पुन्तियुस पीलातुस के सामने अच्छो स्वीकार करो, जौ आदेस देत आंव।

- 1 तीमुथियुस 6:17

ई संसार के मालदारों को आदेस दे, कि बे घमण्डी न होबें और धन कौ लालच न करें, पर परमेसुर पर जो हमाए सुख के लाने सब कछु बिलात देत आय।

- 1 तीमुथियुस 6:2

और जिन के मालक बिसवासी आंय, इन हां बे भईया होबे के कारन तुच्छ न जानें; बल्कि उन की और भी सेवा करें, कायसे ईसे लाभ उठाबेवारे बिसवासी और प्रेमी आंय: इन बातन के लाने उपदेस करियो और समझात रहियो।

- तीतुस 2:15

तें पूरे हक्क से इन बातन हां समझा, और सिखा दे कि कोई तोपे उंगरिया न उठा पाबै।

- तीतुस 2:6

ऐसई जुआन मान्सन हां सोई समझाओ, कि ठीक ठाक रैबें।

- तीतुस 2:9

चाकरन हां समझाओ, कि अपने मालक की कई करें, और अपने काम से उन हां खुस राखें, और कभऊं उन हां पलट के जुआब न दैबें।

- इब्रानियों 13:22

भईया हरौ, मैं तुम से बिन्तवाई करत आंव, कि जौन बातें मैंने तुम हां लिखी आंय उन पै ध्यान धरियो।

- 3 यूहन्‍ना 1:4

मोहां ईसे बढ़के कोऊ भलो नईं लगत, कि मोरे लड़कावारे सत्त पे चलत आंय।