- 1 थिस्सलुनीकियों 1:5 - Bundeli Holy Bible

⁵ कायसे जब हम ने तुम हां बचन सुनाओ तो बो पवित्तर आत्मा के जोर में और पक्के बिसवास से हतो, और तुम हां पता आय कि हम कैसे तुमाए बीच रए।

- 1 थिस्सलुनीकियों 1:5 ပူးပေါင်းရင်းမြစ်များ

- मरकुस 16:20

और चेलन ने निकल के हर जांगा परचार करो, और प्रभु उनके संग्गै काम करत रओ, और उन चिन्हों के द्वारा जौन संगै संगै होत हते, बचन हां पक्को करत रओ। आमीन।

- लूका 1:1

ई लाने कि बिलात जन ने उन बातन कौ जौन हमाए मजारें घट चुकी आंय, इतिहास लिखबे में हाथ लगाओ आय।

- प्रेरितन के काम 11:21

प्रभु कौ हाथ उन पे हतो, और बड़ी गिनती में लोग भरोसा करके प्रभु की कोद फिरे।

- प्रेरितन के काम 16:14

और लुदिया नाओं की थुआथीरा नगर की एक बईयर सुन रई हती, बो बैंजनी उन्ना बेचबेवाली और परमेसुर की भक्त हती, प्रभु ने ऊ को मन खोलो, कि बो पौलुस के बतकाओ पे ध्यान दैबे।

- प्रेरितन के काम 2:33

ई तरहां परमेसुर के दाहिने हाथ से ऊं चो पद पाके, और बाप से बा पवित्र आत्मा पाके जीकी कौल की गई हती, ऊ ने जौ उण्डेल दओ आय जो तुम तकत और सुनत आव।

- रोमियों 1:16

कायसे मैं भले सन्देस देबे से नईं लजात, ई लाने कि बो सब कोऊ जौन बिसवास करत आंय, पेंला तो यहूदी, फिन यूनानी के उद्धार के लाने परमेसुर की तागद आय।

- रोमियों 15:13

परमेसुर जौन आसा को दैबेवारो आय, तुम हां बिसवास करबे में सबरी भांत की खुसी से सान्ति भर देबे, कि पवित्तर आत्मा के बल से तुमाई आसा बढ़त जाय।

- रोमियों 2:16

जौन दिना परमेसुर, मोरे भले सन्देसे के अनसार, पिरभु यीशु मसीह के द्वारा मान्सन की लुकी भई बातन कौ न्याय कर है।

- पैली कुरिन्थियों 1:24

परन्त जीहां उन ने टेरो आय चाहे बे यहूदी होबें चाहे यूनानी, उन के लाने मसीह, परमेसुर की बल सक्ती, और परमेसुर कौ ज्ञान आय।

- पैली कुरिन्थियों 10:33

जैसो मैं सोई सबरी बातन में सबरन को खुस राखत आंव, और अपनो नईं, परन्त बिलात जन कौ फायदा सोचत आंव, कि बे तरन तारन पाबें।

- पैली कुरिन्थियों 3:16

का तुम हां जौ पता नईंयां, कि तुम परमेसुर कौ मन्दर आव, और परमेसुर कौ आत्मा तुमाए भीतरै बसत आय।

- पैली कुरिन्थियों 3:6

मैंने लगाओ, अपुल्लोस ने ढारो, अकेले परमेसुर ने बढ़ाओ।

- पैली कुरिन्थियों 4:20

कायसे परमेसुर कौ राज निरी बातन में नईं, अकेले बल सकती में आय।

- पैली कुरिन्थियों 9:14

ऐई भांत से पिरभु ने सोई ठैराओ आय, कि जौन मान्स भलो सन्देसो सुनात आय, उन कौ पेट भरबो ओई से होबे।

- दूसरी कुरिन्थियों 3:6

जिन ने हम हां नये नियम के चाकर लाक बनाओ, अक्षरन के चाकर नईं केबल आत्मा के चाकर; कायसे अक्षर तो मारत आय, पे आत्मा जिलात आय।

- गलतियों 2:2

मोरो जाबो ईसुर के बताए भओ: और जो बचन में अन्य जातियन में परचार करत हों, बो मैंने उन हां बता दओ; पै अकेले में उन हां जौन बड़े कहात हते, कि ऐसो नईं होबे, कि मोरी अबै की, और आंगे की दौड़ बेकार जाबै।

- गलतियों 5:5

कायसे आत्मा के कारन हम बिसवास से, आबेवारी धरम की गैल हेरत आंय।

- इफिसियों 2:10

कायसे उन ने हम हां बनाओ आय; और मसीह यीशु में अच्छे पुन्य के काम करबे के लाने परमेसुर ने पेंला से हमाए लाने धरो होबे।

- इफिसियों 3:20

अब जौन ऐसो बली आय, कि हमाई बिनती और मांगे से अधिक देत आय, ऊ बल से जौन हमाए भीतर काज करत आय।

- फिलिप्पियों 2:13

कायसे परमेसुर जौन तुमाए मन से और इच्छा हां तुमाए जीवन में पूरो करके अपनी जय करो चाहत आय।

- फिलिप्पियों 4:9

जौन बातें तुम ने मोय से सुनी, सीखी, और अपने हिये में धरीं आंय, उनईं जैसो करो, ऐसो करबे से परमेसुर जौन सान्ति देत आय तुमाए संग्गै रै है।

- कुलुस्सियों 2:2

कि उन के हिये में सान्ति होबे और बे सबरे प्रेम से जुड़े रैबें, बे सबरे जनें बहुतई आसीस पाहें, जौ जानके कि यीशु मसीह जिन में होकें परमेसुर परगट भए उन हां जान लेबें।

- 1 थिस्सलुनीकियों 2:13

सो हम परमेसुर को धन्न मानत आंय; कि जब परमेसुर की बातें तुम ने सुनीं, तो तुम ने ऊहां मान्सन की नईं, परन्त परमेसुर की बातें लेखी (जा सांची आय) और अब तुमाए जीवन में दिखात आय।

- 2 थिस्सलुनीकियों 2:14

उन ने तुम हां हमाए बचन सुनाबे से अपने लौ बुलाओ, कि तुम हमाए पिरभू यीशु मसीह, बो जौन मान सम्मान दओ गओ आय ऊ में हम सोई जुड़ जाबें।

- 2 तीमुथियुस 2:10

मैं बिसवास धरबेवारन के लाने सब सह रओ कि बे यीशु मसीह में तरन तारन पाबें।

- 2 तीमुथियुस 2:8

यीशु मसीह पे ध्यान धरै रै, जौन दाऊद के घर से भओ, और मरे भयन में से जी उठो; जेई बातें तो मैंने तुम हां सुनाई हतीं।

- इब्रानियों 10:22

सो परमेसुर लौ साफ हिये, और बिसवास से, और अपने मन हां शुद्ध करके और अपने मन हां बुरई बातन से दूर करके, और अपनी देह हां साफ पानू से सपर के आओ।

- इब्रानियों 6:11

परन्त हमाई जा अभलाखा आय, कि तुम अपनी आबेवारी बातन की आस धरो और ऊ में बढत जाओ।

- 1 पतरस 1:12

उन पे जौ उजागर करो गओ, कि बे अपनी नोंई परन्त तुमाई सेवा के लाने जे बातें कओ करत हते, जी की खबर अब तुम हां उन से जौन सरग से पठैओ गओ: तुम हां भलो सन्देसो सुनाओ, और इन बातन हां सरगदूत सोई ध्यान से देखबे की मनसा राखत आंय।

- 1 पतरस 1:3

हमाए पिरभु यीशु मसीह के परमेसुर और बाप कौ धन्नबाद होबै, जीने यीशु मसीह के मरे भयन में से जी उठबे के द्वारा, अपनी बड़ी किरपा से हम हां जीयत आसा के लाने नओ जनम दओ।

- 1 पतरस 5:3

जौन मान्स तुम हां सौंपे गए आंय, उन पे अधकार न गांठो, परन्त झुण्ड के लाने आदर्स बनो।

- 2 पतरस 1:10

ई काजें हे भईया हरौ, अपने बुलाए जाबे, और नबेरे जाबे हां पक्को करबे हां और अधक जतन करत जाओ, जदि तुम ऐसो करत हौ, तो कभऊं ठोकर न खा हौ।

- 2 पतरस 1:19

हमाए ऐंगर आगमवकतन कौ जौन बचन आय, बो ई घटना से पक्को ठैरो, तुम जौ साजो करत आव और जौ समज के ऊ पे ध्यान करत आव, कि जौ एक दीया आय जौन अन्धयारी जांगा में ऊ टैम लौ जोत देत रैत आय, जब लौ भुन्सारो न हो जाबै और भुन्सारे कौ तारा तुमाए हियन में न चमक उठे।