- 1 पतरस 4:7 - Bundeli Holy Bible

⁷ सबरी बातन को अखीर तुरतईं होबेवारो आय; ई लाने संयमी होकें बिन्तवाई के लाने हुसयार रओ।

- 1 पतरस 4:7 ပူးပေါင်းရင်းမြစ်များ

- उत्पत्ति 19:35

सो उनोंरन ने ऊ दिना सोई रात की बेरा अपने बाप हों दाखमधु पिलाओ; और लौरी मोंड़ी जाकें ऊके लिगां लेट गई, परन्‍त ऊहों, ऊके सोई लेटबे और उठबे की बेरा कौ पता नें हतो।

- उत्पत्ति 6:13

तब यहोवा परमेसुर ने नूह सें कई, “सबरे प्राणियों के अन्‍त करबे कौ सवाल मोरे सामूं आ गओ आय; कायसे उनके कारन पृथ्‍वी झगड़ा फसाद सें भर गई आय, ई लाने मैं उनहों पृथ्‍वी समेंत नास कर डालहों।

- मत्ती 24:42

ई लाने जागत रहियो, कायसे तुम नईं जानत कि तुमाओ प्रभु की दिना आ है।

- मत्ती 25:13

ई लाने जागत रहियो, कायसे तुम न तो ऊ दिन हां जानत आंव, और न ऊ बेरा हां।

- लूका 21:34

यीशु ने आंगू कओ, ई लाने होसयार रओ, ऐसो न होबे कि तुमाए हिये उनीदे और मस्ती, और ई जीवन के सोस चिन्ताओं से सुस्त हो जाबें, और बो दिना तुम पे फन्दे के घांई एकाएक आन पड़े।

- लूका 21:36

ई लाने जागत रओ और सबरे टैम बिन्तवाई करत रओ कि तुम इन सबरी घटनाओं से बचबे, और मान्स के पूत के सामूं ठांड़े होबे के जोग बन सको।

- लूका 22:46

उठो, बिन्तवाई करो, कि परीक्षा में न पड़ो।

- रोमियों 12:12

आसा में खुस रओ; परेसानी मुसीबत से न डराओ; बिन्तवाई करबे में हमेसा लगे रओ।

- पैली कुरिन्थियों 15:24

ईके पाछें अन्त हुईये; ऊ बेरा बो सबरो राज और सबरे अधकार और बल सक्ति हां खतम करके राज्य हां परमेसुर बाप के हाथ में दे दै है।

- पैली कुरिन्थियों 7:29

हे भईया हरौ, मैं जौ कैत आंव, कि बेरा हां घटा दओ गओ आय, ई लाने चईये कि जिन की घरवारी होबे, बे ऐसे होबें मानो कि उन की घरवारी नईंयां।

- इफिसियों 6:18

और सबरी बेरा मन से बिन्तवारी करत रओ, सो जगत रओ, और सब तरन तारन पाए भईयन के लाने बिन्तवारी करत रओ।

- फिलिप्पियों 4:5

तुमाए भले जीवन से सबरन हां पता चले, कायसे पिरभू झट्टई आबेवारे आंय।

- कुलुस्सियों 4:2

बिन्तवारी करत रओ, और उनको धन्न मानो।

- 2 तीमुथियुस 4:5

परन्त तें सबरी बातन में होसयार रै, दुख उठाबे हां तईयार रै, और सुसमाचार सुनात जा और जौन काज तोहां दओ आय ऊहां पूरो कर।

- तीतुस 2:12

बे हम हां चितात आंय, कि हम अधरम और संसार की लुभाबेवारी बातन से चित्त फेर के ई जुग में अपने हां बस में राख के धरम करम से चलबें।

- इब्रानियों 10:25

कई मान्स एक संग्गै जुड़के आराधना नईं करत ऐसो अच्छो नईंयां, एक दूजे हां अच्छी सला देओ; पिरभू को आबो जल्दी होने आय, सो उनईं एक दूजे के संग्गै जुड़त रओ।

- इब्रानियों 9:26

ऐसो तो उन हां संसार के बने से बेर बेर बलदान होने होतो; परन्त अबई जुग के खतम होबे पै बे एक बेर जगत मैं आके, और अपने बलदान से पाप हां दूर कर दओ।

- 1 पतरस 1:13

ई काजें अपनी अपनी बुद्धि की करयाई कस के, और हुसयार रैके ऊ किरिया की पूरी आसा राखो, जौन पिरभु यीशु के उजागर होबे की बेरा तुम हां मिलबेवारो आय।

- 1 पतरस 3:7

ऊंसई हे मन्सेलू हरौ, तुम सोई समजदारी से बईयरन के संग्गै जीवन बिताओ और बईयर हां अबला जान के ऊकौ मान करौ, और जौ समज के, कि तुम दोई जीवन के बरदान के हक्कदार आव, जीसे तुमाई बिन्तवाई रुक न जाबै।

- 1 पतरस 5:8

हुसयार रओ, और जागत रओ, कायसे तुमाओ बिरोधी शैतान, गरजबे वाले नाहर घांई ई ताक में रैत आय, कि कीहां फाड़ खाबै।

- यूहन्‍ना के दरसन कौ खुलासा 16:15

हेर, मैं भड़या घाईं आत आंव; धन्न बो आय, जो जागत रैत आय, और बो अपने उन्ना हां तके रैत आय, कि बो नंगो न फिरै, और मान्सन ऊकौ नंगापन न हेरें।