- 1 पतरस 4:16 - Bundeli Holy Bible

¹⁶ पर जदि मसीही होबे के काजें बो पीड़ा पाए, तो लज्जित न होय, पर ई बात के लाने परमेसुर की मईमा करे।

- 1 पतरस 4:16 ပူးပေါင်းရင်းမြစ်များ

- प्रेरितन के काम 11:26

जब बो ऊहां मिल गओ तो ऊहां अन्ताकिया लै आओ, तब ऐसो भओ कि बे पूरे एक बरस लौ मण्डली के संग्गै मिलत और बिलात लोगन हां सीख देत रए, और चेले सब से पेंला अन्ताकिया में मसीही कहलाए।

- प्रेरितन के काम 26:28

तब अग्रिप्पा ने पौलुस से कई, तें तनक समझाबे से मोय मसीही बनाओ चाहत आय।

- प्रेरितन के काम 28:22

पर हम तोरे बारे में तोरे विचार सुनबे की मनसा धरत आंय, कायसे हम जानत आंय, की सब जांगा लोग ईके बिरोध में बतकाव करत आंय।

- प्रेरितन के काम 5:41

बे ई बात से खुसी होकें महापंचयात के सामूं से चले गए, कि हम ऊके नाओं के लाने अपमानित होबे के जोग तो ठैरे।

- फिलिप्पियों 1:20

मोरे मन की जा चाहना आय, कि मैं कभऊं नेंचो न हेरों, परन्त हिम्मत धरों कि पिरभू की बड़ाई मोरी देह से होत रैबे, जैसो अबै होत आय, चाहे मैं जीओं और चाहे मर जाओं।

- फिलिप्पियों 1:29

परन्त परमेसुर ने तुम पै ऐसी दया करी आय, कि तुम उन की बातन पै बिसवास धरो, और उनके काजें दुख सोई सहो।

- 2 तीमुथियुस 1:12

ऐई से मैं जे दुख उठा रओ आंव, और लजात नईंयां, कायसे मैंने जिन पै बिसवास धरो आय उन हां जानत आंव; और मोहां पक्को आय, कि जौन जीवन मैंने उन हां दे दओ आय ऊहां साजो धरे रै हैं।

- याकूब 2:7

का बे ऊ साजे नाओं हां नईं निंदरत, जीके तुम कहात आव?

- 1 पतरस 2:12

दूसरी जातन में तुमाओ चाल चलन सई रैबे; ई लाने कि जौन जौन बातन में बे तुम हां बुरए काम करबेवारो जान के बदनाम करत हते, बे तुमाए साजे कामन हां तक के; उनईं के काजें, दया किरपा के दिना परमेसुर की मईमां करें।

- 1 पतरस 4:11

जदि कोऊ बोले, तो ऐसो बोले, कि मानो परमेसुर कौ बचन आय; जदि कोऊ सेवा करे, तो बो ऊ बल से करे जौन परमेसुर देत आय; जीसे सबरी बातन में यीशु मसीह के द्वारा परमेसुर की मईमा उजागर होबै मईमा और सबरी बल सकती जुग जुग ओई की आय। आमीन।

- 1 पतरस 4:14

फिन जदि मसीह के नाओं के लाने तुम हां निन्दरो जात आय, तो तुम धन्न आव; कायसे मईमा की आत्मा, जौन परमेसुर की आत्मा आय, तुम पे छाया करत आय।

- 1 पतरस 4:19

ई लाने जौन परमेसुर की मन्सा के अनसार पीड़ा उठात आंय, बे भलो करत भए, अपने प्रान हां बिसवास जोग धरती के रचबेवारे के हाथ में सौंप देबें।