- 1 पतरस 4:11 - Bundeli Holy Bible

¹¹ जदि कोऊ बोले, तो ऐसो बोले, कि मानो परमेसुर कौ बचन आय; जदि कोऊ सेवा करे, तो बो ऊ बल से करे जौन परमेसुर देत आय; जीसे सबरी बातन में यीशु मसीह के द्वारा परमेसुर की मईमा उजागर होबै मईमा और सबरी बल सकती जुग जुग ओई की आय। आमीन।

- 1 पतरस 4:11 ပူးပေါင်းရင်းမြစ်များ

- मत्ती 6:13

और हम हां परीक्षा में न डारियो, परन्त बुराई से बचाईयो; कायसे राज्य, पराक्रम और मईमा तोरी ही आंय”। आमीन।

- यूहन्‍ना 13:31

जब बो बायरें चलो गओ तो यीशु ने कई; अब मान्स के पूत की महिमा भई, और परमेसुर की महिमा ऊ में भई आय।

- प्रेरितन के काम 7:38

जौ ओई आय, जीने हार में मण्डली के मजारें ऊ सरगदूत के संग्गै सीनै पहरवा पे ऊसे बातें करीं, और हमाए बाप दादों के संग्गै हतो: ओई हां जीयत बचन मिले, कि हम लौ पोंचाए।

- रोमियों 11:36

कायसे ओई कुदाऊं से, और ओई से, और ओई के लाने सब कछु आय: ऊकी मईमा जुगानजुग होत रैबे। आमीन।

- रोमियों 12:3

कायसे मैं ऊ दया किरपा के काजें जौन मोय पै भई आय, तुम सबरन से कैत आंव, कि जैसो समजो चईये, ऊसे बढ़ के कोई अपने हां न समजे परन्त जैसो परमेसुर ने सबई हां योग्यता अनसार बिसवास दओ आय, ऊंसई सई सोच बिचार के संग्गै अपने हां समजे।

- रोमियों 16:27

ओई महान बुद्धिमान परमेसुर की यीशु मसीह के द्वारा जुग जुग लौ मईमा होत रैबे। आमीन।

- रोमियों 3:2

सब भांत से बिलात कछु। पेंला तो जौ के परमेसुर के बचन उन हां दए गए।

- पैली कुरिन्थियों 10:31

सो तुम चाए खाओ चाए पियो, चाए जो कछु करो, सबई कछु परमेसुर की मईमा के लाने करो।

- पैली कुरिन्थियों 12:4

बरदान तो कुल्ल भांत के आंय, परन्त आत्मा एकई आय।

- पैली कुरिन्थियों 3:10

परमेसुर की ऊ किरपा से, जौन मो पे भई, मैंने एक साजे कारीगर घांई नीं डाली आय, और दूसरो जनो चुनाई करत आय; परन्त हर एक मान्स हुंसयार रैबै, कि बो ऊ पे कैसी चुनाई करत आय।

- पैली कुरिन्थियों 6:20

कायसे टका देके खरीद लए गए आव, ई लाने अपनी देयां से परमेसुर की बड़वाई करो।

- दूसरी कुरिन्थियों 2:17

कायसे हम बिलात जनों जैसे नईंयां, जौन परमेसुर की बातन में कछु दूसरी बातें जोड़ देत आंय; अकेले हिये से, परमेसुर की बातें परमेसुर हां मानो सजीव देखत मसीह में कैत आंय।

- दूसरी कुरिन्थियों 9:13

कायसे इन काजन की चरचा करके परमेसुर बड़वाई करत आंय, कि तुम मसीह के बचनन हां मानके ऊ को कहो करत आव, और सबरन की मदद करबे में आगे रैत आव।

- इफिसियों 1:19

और उनको जोर हमाए काजें जौन बिसवास करत आंय, जौ सब उनके जोर से नओ आय।

- इफिसियों 4:29

कोऊ गन्दी गाली तुमाए मों से न कड़े, अकेले बे बातें जीसे मान्स को भलो होबे, और सुनबे वारन हां दया आबे।

- इफिसियों 5:20

और हमेसा सबरी बातन में हमाए पिरभू यीशु मसीह के नाओं से परमेसुर पिता हां धन्न मानो।

- इफिसियों 6:10

सो पिरभू के जोर से मजबूत बनो।

- फिलिप्पियों 1:11

और उन बातन से जौन यीशु मसीह पै ध्यान धरे से मिलत आय, परमेसुर के नाओं के जस से बढ़त जाओ।

- फिलिप्पियों 2:11

और हर एक जनों मान लेबे कि यीशु मसीह केवल पिरभू आय, कि परमेसुर पिता को मान होबे।

- कुलुस्सियों 4:6

तुमाई बोली और बतकाओ साजो होओ चईये, कि तुम हां मान्स हां समझात बने।

- 1 थिस्सलुनीकियों 2:4

परन्त जैसो परमेसुर ने हम हां बचन दओ, हम मान्सन हां खुसी नईं परन्त परमेसुर हां खुस करत आंय; परमेसुर जौ जानत आय।

- 1 तीमुथियुस 1:17

अब महान राजा सदा बने रैबेवारे अनदेखे, ऐसे परमेसुर जिनको कोऊ मेल को नईयां उन हां मान, जस जुगजुग होत रैबै। आमीन।

- 1 तीमुथियुस 6:16

और अमरता केवल ओई की आय, और बो अगम्य ज्योत में रहत आय, और न ऊहां कोई मान्स ने तको, और न कभऊं तक सकत आय: ऊ की प्रतिष्ठा और राज जुग जुग लौ रै है। आमीन।

- तीतुस 2:1

तें साफ साफ कहें गए, जौन साजी बातें आंय।

- तीतुस 2:15

तें पूरे हक्क से इन बातन हां समझा, और सिखा दे कि कोई तोपे उंगरिया न उठा पाबै।

- इब्रानियों 13:7

अपने गुरू जन हां जीने तुम हां परमेसुर की कथा सुनाई, उन हां न बिसराईयो; और ध्यान धरियो कि उन को जीवन कैसो हतो और उनके बिसवास की बातन हां पकड़े रहियो।

- इब्रानियों 5:12

अबै लौ तो तुम हां सिखाबेवारो होने हतो, परन्त ऐसो लगत आय, कि तुम हां बे बातें जौन पेंला बताईं हतीं फिन के बताबें? तुम अबै लौ दूध पीबो चाहत आव, तुम हां तो अबै रोटी खैबेवारो हो जाने हतो।

- याकूब 1:19

हे मोरे प्यारे भईया हरौ, जा बात तुम जानत आव: ई लाने सबरे मान्स सुनबे के लाने एकदम तईयार और बोलवे में धीरजवारे, और खुन्स में गम्म खाबेवारे होबें।

- याकूब 1:26

जदि कोई अपने आप हां भगत सोसे, और अपनी जीभ पे लगाम न देबे, तो बो अपने हिये हां छलत आय, ऊ की भक्ती अकारथ आय।

- 1 पतरस 2:12

दूसरी जातन में तुमाओ चाल चलन सई रैबे; ई लाने कि जौन जौन बातन में बे तुम हां बुरए काम करबेवारो जान के बदनाम करत हते, बे तुमाए साजे कामन हां तक के; उनईं के काजें, दया किरपा के दिना परमेसुर की मईमां करें।

- 1 पतरस 2:5

तुम सोई खुद जीयत पथरन की घांई आत्मिक घर बनत जात आव, जीसे याजकन कौ पवित्तर समाज बन के, ऐसे आत्मिक बलदान चढ़ाओ, जौन यीशु मसीह के परमेसुर हां भले लगत आय।

- 1 पतरस 4:10

जीहां जौन वरदान मिलो आय, बो ऊ ए परमेसुर के कैऊ भांत के अनुग्रह के साजे भण्डारी घांई दूसरन की सेवा में लगाबें।

- 1 पतरस 4:16

पर जदि मसीही होबे के काजें बो पीड़ा पाए, तो लज्जित न होय, पर ई बात के लाने परमेसुर की मईमा करे।

- 1 पतरस 5:11

और ऊकौ पराकरम जुग जुग होत रैबे। आमीन।

- यहूदा 1:25

उन महान महाबली परमेसुर जिन ने हमाओ तरन तारन करो, उनको जस, मान और बल हमाए पिरभु यीशु मसीह में जैसो पेंला हतो और अबै आय, और जुगानुजुग सोई होत रैबे। आमीन।