- 1 पतरस 4:10 - Bundeli Holy Bible

¹⁰ जीहां जौन वरदान मिलो आय, बो ऊ ए परमेसुर के कैऊ भांत के अनुग्रह के साजे भण्डारी घांई दूसरन की सेवा में लगाबें।

- 1 पतरस 4:10 ပူးပေါင်းရင်းမြစ်များ

- मत्ती 20:28

जी तरहां मान्स कौ पूत अपनी चाकरी कराबे नईं, बल्कि चाकर बनके और बिलातन के तरन तारन के लाने अपनो प्राण देबे आओ।

- मत्ती 24:14

राज्य कौ जौ सन्देसो सबरे जगत में प्रचार करो जै है, कि सब जातियन पे गवाही होए, तब अन्त आ जै है।

- मत्ती 24:21

कायसे ऊ बेरा ऐसी भारी पीड़ा हुईये, जैसो न तो जगत के शुरू से अब लौ भओ, और न कभऊं हुईये।

- मत्ती 24:45

ऐसो भरोसे वारो और समझदार चाकर को आय, जीहां ऊको मालक चाकरन के ऊपरै हाकिम धरै, कि सही बेरा पे उन हां खाबे हां दे।

- मत्ती 25:17

ऐई तरहां जीहां दो रुपईया मिले हते, ऊने सोई दो और कमाए।

- मत्ती 25:44

तब बे उत्तर दै हैं, कि हे पिरभू, हम ने कबै तोय भूखो, या पियासो, या परदेसी, या नंगो, या बीमार, या जेलखाने में तको, और तोरी सेवा नईं करी?

- मरकुस 10:45

कायसे कि मान्स कौ बेटा ईके लाने नईं आओ, कि ऊ की सेवा खुसामद करी जाए, पै ईके लाने आओ, कि खुद सेवा टहल करै, और मुतकों की मुक्ति के लाने अपने प्रान देबे।

- लूका 12:42

यीशु ने कओ; बो बिसवास जोग और समजवारो भण्डारी को आय, जी कौ मालक ऊहां नौकर, चाकरों पे अधकारी ठैराए कि उन हां खैबे पीबे हां भोजन और सामान ठीक बेरा पे देबे।

- लूका 19:13

सो ऊने अपने दस चाकर बुला के उन हां दस मोहरें दईं, और उन से कओ, मोरे लौट आबे लौ लेन देन करियो।

- लूका 8:3

और हरोदेस के भण्डारी खोजा की घरवाली योअन्ना और सूसन्नाह और बिलात की बईयरें: जे औरें अपने निजी मालपानू से यीशु की सेवा करत हतीं।

- रोमियों 15:25

पर अबै तो मैं पवित्तर भक्तन की सेवा हां यरूशलेम हां जा रओ आंव।

- रोमियों 15:27

उन हां भलो तो लगो, पर बे उन के करजदार सोई आंय, कायसे दूसरी जातवारे उन की आत्मिक बातन में संग्गी भए, तो उनहां सोई साजो भलो लगो, कि उन की रुपईया पईसा से मदद करें।

- पैली कुरिन्थियों 15:10

परन्त मैं जो कछु आंव, परमेसुर की दया से आंव: और उनकी जौन दया मो पे भई आय, बा अकारथ नईं गई; परन्त मैंने उन सबरन से बढ़के मैनत सोई करी: जानो कि जौ मोरी कुदाऊं से नईं भओ परन्त परमेसुर की दया से जौन मो पे हती।

- पैली कुरिन्थियों 3:10

परमेसुर की ऊ किरपा से, जौन मो पे भई, मैंने एक साजे कारीगर घांई नीं डाली आय, और दूसरो जनो चुनाई करत आय; परन्त हर एक मान्स हुंसयार रैबै, कि बो ऊ पे कैसी चुनाई करत आय।

- पैली कुरिन्थियों 4:7

कायसे एक दूसरे में को अन्तर कर सकत आय? और तोरे ऐंगर का आए जौन तेंने दूसरे से न पाओ होबै: और जब तेंने दूसरे से पाओ आय, तो ऐसो घमण्ड काय करत आय, कि मानो नईं पाओ?

- दूसरी कुरिन्थियों 6:1

हम जौन उनके संग्गै काम करत आंय ऐसो समझात आंय, कि परमेसुर ने जौन दया तुमाए ऊ परै करी आय, ऊहां ऐसई न जानो।

- दूसरी कुरिन्थियों 9:1

अब ऊ सेवा जौन पवित्तर लोगन के काजें होत आय, मोय तुम हां जौ लिखो नईं चईये।

- इफिसियों 3:8

मो पै जौन सबरे परित्तर लोगन में सबसे लौरो आंव, जा दया भई, कि मैं अन्यजातियन हां मसीह में मिलबेवारे महा धन के बचन सुनाओं।

- इफिसियों 4:11

उन ने कित्तई हां प्रेरित बनाओ, और कित्तई हां अगमवकता, और कित्तई हां बचन सुनाबेवारे, और कित्तई हां रखनवारी करबेवारे और कक्षा लैबेवारे बना दए।

- 2 तीमुथियुस 1:18

(प्रभु ऊपे अपनी दया बनाए रखे) जौन जौन काज ऊनें इफिसुस में करे उनकी सोई तोहां पता आय।

- तीतुस 1:7

कायसे मुखिया हां परमेसुर के काम करने आंय; बो बिनखोट, हटी और खुन्सयाबेवारो, न पीबेवारो और न मारपीट करबेवारो और घूस लैबेवारो न होबै।

- इब्रानियों 6:10

हम जौ सोई कैत आंय कि परमेसुर अच्छे न्यायी आंय, बो तुमाई याद कर है, कि तुम कैसे उन सबरे जन जिन ने यीशु मसीह हां पकड़ लओ आय, उन की सेवा खुसामद करत आव।

- 1 पतरस 5:10

अब परमेसुर जौन सबरी दया कौ दाता आय, जीने तुम हां मसीह में अपनी सदा की मईमा के लाने बुलाओ आय, तुमाए तनक बेरा लौ पीड़ा उठाबे के पाछें खुद तुम हां सिद्ध, पक्को, सकतीवान और पक्को कर है।

- 1 पतरस 5:12

मैं ने सिलवानुस के हाथ, जिये मैं बिसवास जोग भाई मानत आंव, तनक में लिख के तुम हां समजाओ आय और जा गवाय दई आय, कि परमेसुर की सांची दया जाई आय, ऐई में पक्के बने रओ।